Lúkas 23:5 - Uhokri Gahegbetawni Nukune akak Sawmus

⁵ Igkisme kaytwa giwn akak dagawnka. Igkis awna: — Ig Jesus matekbetene hiyeg gihiyekemnikis muwapuw Judeyamnaw muwapuw Galileyamnaw he ig danuh atan avitit inin paytwempu.

Uhokri Gannasan

⁵ Igkisme kaytwa giwn akak dagawnka. Igkis awna: ―Ig Jesus mategbetene hiyeg gihiyakemnikis muwwapu Judeyamnaw muwwapu Galiléyamnaw he ig danuh atan apitit inin paytwempu.

Lúkas 23:5 Iomraidhean Croise

Sawmus 22:16

Igkisme pahabu arewhavyempu ayta tivuhpekevun. Igkis aytwe numkanit kewa pahabu pewrube kiyaran nukakuh. Igkis turuhbete nuwakuh payak akak nukugku.

Sawmus 57:4

Nuvetunyavu ayipa kiyaraniwhpen. Igkis kewa kawokwinebe aharit naxwitni, gaybukis kewa kurumwibe akak yakot, ginenkisme kewa iwanbe kiyawhaku.

Sawmus 69:4

Ignes ku pariye namiyhetnivwi waditnevyenen igkis ka aynsima kibite mpiy nusemni nutewhaya. Nuvetunyavu kinetihwa wasaymakanenwa numinuh. Igkis detyevwinenwa hiyeg. Igkis mpiksaw nuwmepten. Igkis mpiksaptihun adahan nah diyuhkis ku pariye nah kane amevwi.

Matews 11:1

Pisenwa inakni gawnan ig Kiyavwiye Jesus awahkise giwatnivwi muwapuw neras madikawkunene gikebikis gikakkis piyana gawnakis (12). Ayteke nikwe ig tivik gihavukis ta avitit mpuse paytwempu adahan ig kannuhekne adahan ig ekkene Uhokri giwn ta gitkis hiyeg aygnenevwi.

Matews 2:1

Ig Kiyavwiye Jesus amadga wayk avit paytwempu Belém, aynte avit waxri Judeyamnaw. Ig wayvuka avim ini ku aysaw Erodis kumadukenete izhaewyenevwi giwaxigkis. Avim ini hawkri gaytakkis awaykemni kannuhwenevwi amin warukma igkis ayta wahamavriktak adahan ta avitit paytwempu Jerusalém ku pariye kennesa arimkat paytwempu Belém.

Matews 27:24

Igme Pilatus hiyapni hene ku ka ik adahan ig wages neras pahabunene hiyeg gihiyekemnikis, ig hiyapni hene ku igkis tiviknene kuwis arimkat dakuhwaki, ig matiwniswe. Ayge nikwe ig ewkise un, ig sukokew giwtrikneswa adahan wihwevye ariw Kiyavwiye Jesus gimiremni. Ig awna gitkis: — Kuri ka nahma hiyekne akak ner awayg gimiremni. Kuri yiswa yikak nikak.

Matews 4:23

Ayteke ariwnteke ini ig Kiyavwiye Jesus wew muwapuw ay Galileyamnaw. Ig kannuhekne arikuw judeyenevwi gileglisakis. Ig ekkene kibeyne inetit amin ku samah Uhokri kumaduka hiyeg. Hawata ig makniwene hiyeg ariw madikte karaytviyene ariw madikte mabimnakatru.

Markus 1:14

Ayteke ariwnteke ini ku samah Joawh Batista paraksepka gavit Erodis, ig Kiyavwiye Jesus tivik ta avitit Galileyamnaw. Ig danuh atere, ig kavusa ekkene ini kibeyne inetit adahan Uhokri gikumadukan.

Lúkas 11:53

Pisenwa inakni giwn ig Kiyavwiye Jesus tivik. Ig pesanten ayteke, neras kannuhekevutnevwi gikakkis neras farizewkis igkis ka aynsima dagawne git. Han pitatit igkis gihikekten akak ayapka

Lúkas 23:23

Igkisme timapni hene, igkis kabiman kihhaw: — Daddahkiswinig! Ig timapni hene, ayge nikwe ig matiwniswe.

Lúkas 23:6

Igme Pilatus timapni hene, ig ayavgikis: — Mmah ner Jesus, mmah ig hiyeg galileyene?

Joawh 1:43

Hewke akiw ig Kiyavwiye Jesus tivikwiye avitit Galileyamnaw. Avit gitepkemni, ig ute pahavwi awayg kewye Filip. Ig awna git: — Ba ayta wew nukakuh adahan pis humewne nukannuhni. Igme kaytwa giwn: — Ihkata nikwe.

Joawh 19:15

Igkisme timapni hene, igkis kabiman git: — Ka ba isahkisgi! Daddahkiswinig! Igme Pilatus awna gitkis: — Mmah yis muwaka nah daddahkis yikivara? Igkisme muwveg kiyatyevwi kaytwa giwn: — Ignewa kiyavwiye Sezar ignewa ukivara.

Joawh 2:11

Igkis gikannuhnivwi hiyapni hene ku samah ig Kiyavwiye Jesus kehe ini kibeyne annut, igkis pi kamaxwate givitit akiw mmanawa in hiyapkise wotuh gikiytani. Ig kehe ini annut avit paytwempu Kana ayge Galileyamnaw. In pitatye annut ig keh ku pariye hiyeg amadgaya inin ka hiya nikehka.

Joawh 7:41

Gaytakisme awna: — Ignewa Cristo, ig Uhokri gikanyan adahan ukumaduketniwiy. Igkisme gaytakis awna: — Heneme ig galileyene. Wake ig igyewatbe Uhokri gikanyan adahan ukumaduketniwiy, nikwekam ig ka ariwntakma Galileyamnawkam.

Joawh 7:52

Igkis timapni hene, igkis awna git: — Mmahki pis awna inakni hene? Mmah pis galileyene hawata ke Jesusbe? Su atak ivegboha Uhokri gannasan. In ka awna ku ig awahkis uminwiy pahavwinema gawneve avititak Galileyamnaw.

Attus 10:37

Yis kuwis timap arak madikte ini ku pariye danuh muwapuw judeyamnaw. In kavuse minikwak aynte Galileyamnaw avim ini ku samah Joawh Batista kinetihwene gitkis hiyeg adahan igkis kaywasaw git.

Attus 23:10

Ayge nikwe igkis kadukmanbet ka ahawnasima. In keh ner suwtat gikivarakis avise gikak Pol ku nawenetke igkis sigkevginek. Ayteke nikwe ig awahkise suwtat atere adahan giwapkiswitni ayteke gibetitakis adahan gidiyesepten arikut suwtat givinkis.

Attus 5:33

Igkis gikivarakis timapni hene, igkis dagawnhewbetkis, igkis awna: — Uyay umahkiswigkis. — Uyay.

Attus 7:54

Igkis judeyenevwi gikivarakis timapni hene, igkis dagawnhewbetkis ka aynsima git amekene Estevawh. Gidagonikis keh igkis kagah gaybukis.

Attus 7:57

Igkisme timapni hene, igkis pitihe gitaybikis. Igkis kabimanbet kihaw. Igkis awna: — Uyay umehpig. Pahatya amin igkis ivukwe gimin. Igkis kamaxwig.