Lúkas 23:43 - Uhokri Gahegbetawni Nukune akak Sawmus

⁴³ Igme kaytwa giwn: — Ku avim inin pis misakwa numunuh abet kabayka aynte giwetrikis hiyeg kibeynevwi miyaravye. Ihanaba inakni nuwnuh. Henewatbaki in.

Uhokri Gannasan

⁴³ Igme kaytwa giwn: ―Ku apim inin pis msakwa numunhu abet kabayka ayhté giwetrikis hiyeg kibeynepwi miyarapye. Ihanaba inakni nuwnhu. Hennewatbaki in.

Lúkas 23:43 Iomraidhean Croise

Sawmus 32:5

Ayteke nah hiyapni hene, nah ekke nutaraksan pit. Nah ka yamahpin piw akiw. Nah awna: “Nah akkate nutaraksan git Kiyavwiye.” Henewa nah kehpin. Kibeyne, avim ini pisme bayahminevun ariw madikte nutaraksan.

Sawmus 50:15

Hawata numawkan yis amnihswa nutuh avim ini ku aysaw yis abet kiyimwiki. Nahme mpithaynek niw. Nikwe yisme kabayhannek.”

Lúkas 19:10

Nah, ku pariye wageswe awayg amadgaya inin, nah ayta adahanikwa nah ivegeviye hiyeg biyukavye adahan nah gamnihtenkis.

Lúkas 23:42

Ayteke ig awna ta git Kiyavwiye Jesus. Giwn: — Kiyavwiye Jesus, kiyenanuhba aysawnemenek ku aysaw pis ayta kumaduka.

Joawh 14:3

Ku yis hiyap nah tivik ahegbetevye yiwetri yavit, atannewa nah diyuh akiw adahan yiwepten aterenek kahadbe ku kiney nah misakwa aygwata yis misakwa.

Joawh 17:24

Pa, nah muwaka nuhiyegavu ku pariye pikan nutuh nah muwaka igkis misakwa umun ku kiney wis misakwa kahadbe igkis hiyap ayge ku samah pis kiyathasan. Mmanawa pis batek nukakuh ku samah yumahte hawkri.

2 Koríntyus 5:8

Ka sam. Usuh udukwenewa kadahan wawaygi. Heneme usuh muwakate ikis inin uvituh amadgaya inin adahan usuh misekwene gimun Uhokri.

Filipénses 1:23

Nuhiyekemni matekbet mmanawa nah muwaka nah tivik gimkat Cristo adahan nah misakwa ayge gimun inurik. In ka aynsima kabayte nudahan.

Ebréws 7:25

Nikwe ik adahan ig parak abet uhawkanwiy takunipti avanenekwa adahan ig wawnamnihtenwiy wixwiy ku pariye danuhpiye git Kiyavwiye Uhokri givitimpi Kiyavwiye Jesus. Mmanawa ig ay adahan avanenekwa.

Apokalípsi 2:7

“Yis ku pariye katayebnenevwi, ataybiswanabay arimkat ku pariye Uhokri Gitip awna gitkis nuhiyegavu. Ku pahavwi ka isaksawnek arit wavitye gihiyekemni, nikwe nah ikinek gawaygi adahan ig ax guwntak nor ah ku pariye keh hiyeg aymuhwa adahan avanenekwa, nor ku pariye tabirnano amadga Uhokri giwasra.” Henewatbaki ig Kiyavwiye Jesus awna nutuh.