Lúkas 23:42 - Uhokri Gahegbetawni Nukune akak Sawmus

⁴² Ayteke ig awna ta git Kiyavwiye Jesus. Giwn: — Kiyavwiye Jesus, kiyenanuhba aysawnemenek ku aysaw pis ayta kumaduka.

Uhokri Gannasan

⁴² Ayteke ig awna ta git Kiyapwiye Jesus. Giwn: ―Kiyapwiye Jesus, kiyenanuhba aysawnemenek ku aysaw pis ayta kumaduka.

Lúkas 23:42 Iomraidhean Croise

Sawmus 2:6

Ig awnanek gitkis: “Kuwis nah kaniye pahavwi adahan yikumaduketni. Kuri avim inin nah keh ig humaw yikivara ay avit inin nuwaxig kewye Siyawh.”

Lúkas 12:8

— Ku pahavwi kinetihwa nudahan ta gitkis hiyeg ay amadga inin, aysawnemenek nah, ku pariye wageswe awayg amadgaya inin, nah hawata kinetihwa gidahanek. Henewatbaki nah kinetihwa gidahan aynte inurik ta gitkis Uhokri giwatnivwi ahj.

Lúkas 18:13

Igme ner ladwan ig marenpi tabira giwtrikkis hiyeg, ig tabire piyawakte giwkis. Ig ka kiboka iveg han inut giwtrikut Uhokri adahan ig awna git. Ig misekwe akak giwakemni. Ig awna: “Kiyavwiye Uhokri, amnihnanuba, mmanawa nah taraksevye.”

Lúkas 23:41

Wis kis adahan miyarap adahan katiwnihpiye utaraksan. Igme ner yuma mbaynema gikehni.

Lúkas 23:43

Igme kaytwa giwn: — Ku avim inin pis misakwa numunuh abet kabayka aynte giwetrikis hiyeg kibeynevwi miyaravye. Ihanaba inakni nuwnuh. Henewatbaki in.

Lúkas 24:26

Amawka ku Cristo hiyap madikte ini mbeyne, ayteke nikwe Uhokri iki gikiytani givitit akiw aynte inurik.

Joawh 1:49

Igme Natanael timapni hene, ig awna git: — Kiyavwiye, nikwe pis Uhokri gikamkayh. Pis izhaewyenevwi gikivarakis.

Joawh 20:28

Ig Tome hiyapni hene, ig awna git: — Kiyavwiye, pisnewa nukivara. Pisnewa nuwohkiga.

Attus 16:31

Igkisme kaytwa giwn: — Kamaxwa givitit Kiyavwiye Jesus. Inneki keh pis isahptaw payak gikakkis neras pivinekuya.

Attus 20:21

Nah ikenene yihiyekemni akak madikte nudatni yit hiyeg judeyenevwi, yit hiyeg ku pariye kane judeyenevwima. Adahan yis wages yihiyekemni ariw yitaraksan gidahan Kiyavwiye Uhokri. Adahan yis kamaxwa givitit Ukivarawiy Jesus Cristo.

1 Pedru 1:11

Igkis ivegminenes gihiyekemnikis adahan ku aysawneki ini hawkri danuh, hawata adahan ku samahpaki nidawnhan. Mmanawa avit in danuh, kuwis Cristo Gitip akkin gitkis huwewe. Ig awnene ay givitkis amin ku samah Cristo hiyap mbeynenek ayteke ig ikaka gikiytaninek.

1 João 5:1

Kiyavwiye Jesus igi Cristo ig Uhokri gikanyan adahan ukumaduketniwiy. Ku pariye hiyeg iha inakni, ignes Kiyavwiye Uhokri gikamkayuvwi. Nukebyuvwi, ku wis batekye gikak pahavwi, kis adahan wis batekye gikakkis gikamkayuvwi hawata.