Lúkas 23:4 - Uhokri Gahegbetawni Nukune akak Sawmus

⁴ Pisenwa gawnan inakni iwit, ig Pilatus awna gitkis neras muwveg kiyatyevwi ayge gikakkis neras hiyeg pahabunene. Giwn: — Nah ka uti mbaynema gikehni.

Uhokri Gannasan

⁴ Ayteke pisenwa ginetni gikak Kiyapwiye Jesus, ig amekene Pilatus awna ta gitkis nerras muwpeg kiyatyepwi ayge gikakkis nerras hiyeg pahabunene. Giwn: ―Nah ka utí mbaynama gikehni.

Lúkas 23:4 Iomraidhean Croise

Matews 27:19

Hawata akiw awaku gihayo guwn ta git. Mmanawa avim ini ku samah ig Pilatus betnene amadga gevwi adahan ku kiney ig hiyekne gikakkis hiyeg, atere gihayo wasavanaw gimin. Guwn: — Ka ba keh ariknawnema gikak ner awayg waditye awaku atige, abet narisun, nah hiye mbeyne ka aynsima givatra.

Markus 15:14

Igme timapni hene, ig ayavgikis: — Mmahki? Pariye mbayka gikehni? Igkisme kabiman pi kihawnate akiw: — Daddahkiswinig!

Lúkas 23:22

Igme awna gitkis amamnavut: — Mmahki? Pariye mbayka gikehni? Ka kis adahan nah umahkisgi. Ig yuma mbaynema gikehni. Nah biwhkiswig. Ayteke pisenwa nah isahkiswig.

Joawh 18:38

Ig Pilatus timapni hene, ig awna: — Pariyevahki ini hiyakemniki inyewatnene? Pisenwa gawnan inakni iwit, ig pese akiw givetunatkis neras judeyenevwi giwewkistenkis. Ig danuh atere, ig awna gitkis: — Nah ka uti mbaynema gikehni. Ku avim inin yis fetya adahan kiyene ku samah minikwak Uhokri wiwhkise yahawkrivwi giwakutakis hiyeg ejituyenevwi.

Attus 25:25

Henneme nah ka uti mbaynema gikehni adahan umahkisgi. Igme awna nutuh: “Nah muwaka ukivarawiy kiyavwiye Sezar igwa hiyavun ba nah wadityewatma.” Nahme kaytwa giwn: “Nah awahkispi gimkanit.”

Attus 3:13

Ignewa Kiyavwiye Uhokri keh ig wew. Ignewa Kiyavwiye Uhokri ku pariye amekene Abraawh giwohkiga, ignewa ku pariye amekene Izaki giwohkiga, ignewa ku pariye amekene Jakó giwohkiga, ignewa ku pariye uhawkrivwiy giwohkigakis, ignewa Kiyavwiye Uhokri keh ner awayg makniw adahan hiyapkisne yit Kiyavwiye Jesus gikiytani. Ig Kiyavwiye Jesus igi Kiyavwiye Uhokri gikamkayh. Heneme yis ka kiyatig. Yis waxwevgi tahan givetunat Pilatus adahan giwmasepten git. Hiyawa ig Pilatus muwaka isahkiswig, yisme ka muwaka ig isahkiska.

Ebréws 7:26

Kibeyne, ig Kiyavwiye Jesus ignewa umawkanwiy adahan wawnamnihtenwiy. Ig awnamnihkevutne ku pariye ka aynsima kiyate giwkis madikte mmanawa ignewa waditye. Yumahwa gitaraksan aynesnima. Ine yuma givathawni. Ig ka pasamrak akak uvathawniwiy aynesnima. Inneki keh ig ikepka git giwetri ku pariye avitmin aynte inurik.

1 Pedru 1:19

Ig katiwnih akak migat, kibeyne migat, Cristo gimig. Ig Cristo kewa pahavwi muwtohyanbe ku pariye umehpika udukwenavrikwiy. Ku samah amekenegben iwe pahavwi muwtohyan ku pariye yumanene gibuskana yumanene givathawni, adahan igkis umahgi gidukwenavrikkis hiyeg, ig Cristo ig hawata barewvitye avigkutavrik ku samah Kiyavwiye Uhokri gimawkan.

1 Pedru 2:22

Ig ka keh aynesnima patahwaki. Ig ka kinis aynesnima akak gibiy. Heneme ignewa hiyapkiska mbeyne git.

1 Pedru 3:18

Mmanawa ig Cristo hawata hiyap mbeyne. Ig umahkiswe pahayewvi adahan katiwnihpiye utaraksanwiy. Ig kibeyne hiyeg heneme ig umahkiswe udukwenavrikwiy wixwiy ku pariye kane kibeynevwima. Ig umahkiswe kahadbe wixwiy danuhne git Kiyavwiye Uhokri. Givit ute miyaka heneme ganmapme aymuhwa adahan avanenekwa.