Lúkas 23:2 - Uhokri Gahegbetawni Nukune akak Sawmus

² Igkis danuh atere, igkis kavusa kamiyevgi git Pilatus. Igkis awna git: — Ig ner awayg mbeyhene uhiyegavu judeyenevwi gihiyekemnikis. Ig awna gitkis adahan igkis ka katiwnih ikivarat. Ig ikewne ke wotbe igwa ukivarabe, ke wotbe ig Cristobe, ig Uhokri gikanyan adahan ukumaduketni.

Uhokri Gannasan

² Igkis danuh atere, igkis kapusa kamiyepri ta git amekene Pilatus. Igkis awna ta git: ―Ig ner awayg mbeyhene uhiyegapu judeyenepwi gihiyakemnikis. Ig awna gitkis adahan igkis ka katiwnih gupelma. Ig ikawpari ke wotbe igwa ukiparabe, ke wotbe ig Cristo, ig Uhokri gikanyan adahan ukumaduketni.

Lúkas 23:2 Iomraidhean Croise

Sawmus 35:11

Hiyegme mbayavye igkis kehbeta wasaymka numinuh, igkis awna ku nah tarakse, bawa nah yuma ariknawnama nukehni.

Sawmus 62:4

Yisme he aharitnen nutukepten ariwntak nuwetri kiyatye. Yis awna wasaymakanenwa numinuh adahan nah biyuk akak nuwetri. Yis awna kibeyne iwit numinuh, heneme avit yiyakni yis ibiytahan ka aynsima.

Matews 17:27

Heneme ka sam. Uya ka suguh neras ahiwkevutnevwi karukri. Ku wis ka katiwnih Givin, gitkis wis ka kiyatin. Ataknaba ta ihapkat. Padaknaba pivuh ahakwat un. Pitatye im pis ivuha, pis woka gibiy. Ayge pis utinek pahamku kirehka. Akak nore pis katiwnih udahan piyamate.

Matews 22:21

Igkisme kaytwa giwn: — In kiyavwiye Sezar giw akak gahehpak. Igme kaytwa giwnkis: — Nikwe nor karukri kawih gidahan kiyavwiye Sezar. Hiyawa wixwiy ikevgu git. Heneme amawka ku wixwiy iki ta git Uhokri madikte ku pariye kawih gidahan Uhokri.

Matews 27:11

Igme Kiyavwiye Jesus ikepka ta giwakurit ner hiyaptigi Pilatus. Ig tabiresepka ay givetun, igme Pilatus ayavgi: — Mmah pis judeyenevwi gikivarakis? Igme Kiyavwiye Jesus kaytwa giwn: — Henewa ku samah pis awna!

Markus 12:17

Igme kaytwa giwnkis: — Nikwe nor karukri kawih gidahan kiyavwiye Sezar. Hiyawa wixwiy ikevgu git. Heneme amawka ku wixwiy iki ta git Uhokri madikte ku pariye kawih gidahan Uhokri. Igkis timapni inakni giwn hene, igkis wakaymnibdi ka aynsima.

Markus 15:2

Ayge nikwe ig Pilatus ayavgi: — Mmah pis hiyeg judeyenevwi gikivarakis? Igme Kiyavwiye Jesus kaytwa giwn: — Henewa ku samah pis awna.

Lúkas 23:14

Igkis danuh atere, ig awna gitkis: — Yis waxwe ner awayg nutuh, yis awna nutuh ku ig mbeyhene hiyeg gihiyekemnikis adahan igkis suguh ikivarat. Nah kuwis ayaptig baki inyewatma ig keh hene. Nutuh ig ka keh ariknawnema mbayka ku kamin yis kinetihwa nutuh.

Lúkas 23:5

Igkisme kaytwa giwn akak dagawnka. Igkis awna: — Ig Jesus matekbetene hiyeg gihiyekemnikis muwapuw Judeyamnaw muwapuw Galileyamnaw he ig danuh atan avitit inin paytwempu.

Joawh 18:29

Ayteke ig ner hiyaptigi romayene pese givetunatkis. Giw Pilatus. Ig awna gitkis: — Kavatraki yis kamiye ner awayg?

Joawh 18:30

Igkisme awna git: — Wake ig ka kakehniyema, usuh ka waxwigkam atan pivetunat. Amawka pis hiyak gikak. Amawka pis umahkiswig.

Joawh 19:12

Ayteke ariwntak inakni giwn, ig Pilatus muwaka isahkisgi. Heneme neras judeyenevwi giwewkistenkis ka isaksig. Ku aysaw ig diyuhe givetunatkis igkis kabimanave git. Igkis awna: — Ku pis isahkiswig, nikwe in arakak ku pis ka batek gikak ukivarawiy kiyavwiye Sezar, ku pariye kumadukene madikte hiyeg amadga wayk. Mmanawa ku pahavwi ikaw hiyeg gikivarakis, amun ini nikwe ig suguhne kiyavwiye Sezar. Ku pis isaksa Jesus ikaw hiyeg gikivarakis, nikwe kiyavwiye Sezar dagawne pitnek. Ig pisenwa pikaknek.

Attus 24:13

Igkis uwewkisten usuh judeyenevwi igkis yumahwa gakkankis ku nah keh inakni mbayka aynesnima. Igkis awna he gikehbetankisnen.

Attus 24:5

Ner awayg Pol ig sigimwikevutne ig. Ig dakuhwesene hiyeg judeyenevwi muwapuw amadga wayk. Ig gihwitentenkis neras hiyeg taraksavye kewye nazareyenevwi.

Romanus 13:7

Nikwe katiwnihnay yimatiwnihni ta gitkis madikte hiyeg. Katiwnihnay ikivarat. Katiwnihnay ku pariye ayapka yit adahan yis katiwnih. Avisnay gibohrikis ikivarat. Kiyathanigkis.