Lúkas 22:70 - Uhokri Gahegbetawni Nukune akak Sawmus

⁷⁰ Igkisme timapni hene, igkis awna payakmin: — Mmah pisnewa Uhokri gikamkayh nikwe? Igme kaytwa giwnkis: — Nahnewa ku samah yis awna.

Uhokri Gannasan

⁷⁰ Igkisme timapni henne, igkis awna payebitak: ―Mmah pis Uhokri gikamkayh nikwe? Igme kaytwa giwnkis: ―Nahnewa ku samah yis awna.

Lúkas 22:70 Iomraidhean Croise

Sawmus 2:12

Kehnabay Kiyavwiye gikamkayh gibetki. Ku ka henema, ig dagawnenek yit. Nikwe pahaye adahan ig ehwenek yikak, ig padekweynek arimkanit biyukwiki. Mmanawa wis ka hiyak ku aysaw ig padakwinek. Heneme ku wis avuriswa git, ig utipkis wot kabaykanenwa.

Sawmus 2:7

Igme ner ikivarat awnanek gitkis: “Nah akkite yit ku pariye Kiyavwiye Uhokri Dehetniye giwn nutuh. Ig awna nutuh: “Pisnewa nukamkayh. Kuri avim inin nah akkap ku pis igyewa nukamkayh.

Matews 26:25

Ayteke igme Judas Iskariyotismin, ner kamaykistinene Kiyavwiye Jesus, ig awna ta git: — Kiyavwiye, ku ka nahma kamaykiswepnek? Igme Kiyavwiye Jesus kaytwa giwn: — Henewa ku samah pis awna.

Matews 26:64

Igme kaytwa giwn: — Nahnewa ku samah pis awna. Kuri yis betebdebdih adahan yis hiyekne nukakuh. Heneme aysawnemenek yis hiyavunnek, nah ku pariye wageswe awayg amadgaya inin, yis hiyavun nah bat ayge gihumwa Uhokri detye ay amun ini iwetrit ku pariye kane nikiytanisima kihehaptak. Yis hiyavunnek nah muhuk abetimpi ukuhne inuriktak. Avim ini nahme hiyekne yikak nikwe. Henewatbaki nah.

Matews 27:11

Igme Kiyavwiye Jesus ikepka ta giwakurit ner hiyaptigi Pilatus. Ig tabiresepka ay givetun, igme Pilatus ayavgi: — Mmah pis judeyenevwi gikivarakis? Igme Kiyavwiye Jesus kaytwa giwn: — Henewa ku samah pis awna!

Matews 27:43

Ig awna ku ig kamaxwa givitit Uhokri. Ig ikawvari Uhokri gikamkayh. Ku henewa Uhokri kavigsanig, uyay hiyap ba Uhokri amnihgi kuri! Henewatbaki igkis awna.

Matews 27:54

Ig Kiyavwiye Jesus miyap, pahavwi romayene, suwtat gikivarakis, gikakkis neras gisuwtatavu ku pariye avuriwnevwi Kiyavwiye Jesus, igkis hiyap ini sagkaki hene, akak madikte akiw ku pariye danuhne avim ini, igkis wakaymnibdi mpiynevevye. Igkis awna: — Inyewa ner awayg Uhokri gikamkayh.

Matews 3:17

Ayteke pahat ikuvimnat awnaka inuriktak. In awna: — Pisnewa nukamkayh nubetki. Nah batek pikak ka aynsima.

Matews 4:3

Ig wavitye gikivarakis hiyapni hene, ig danuh atere git. Ig awna git: — Ku pis Uhokri gikamkayh, nikwe awna gut nor tip adahan eg wageswa bugut pidahan.

Markus 14:62

Igme kaytwa giwn: — Nahnewa. Kuri yis batebdedbi adahan yis hiyekne nukakuh. Heneme aysawnemenek yis hiyavunek, nah ku pariye wageswe awayg amadgaya inin, yis hiyavun nah bat ayge gihumwa Uhokri detye ay amun ini iwetrit ku pariye kane nikiytanisima kihehaptak. Yis hiyavunek nah muhuk abetimpi ukuhne inuriktak. Avim ini nahme hiyekne yikak nikwe.

Markus 15:2

Ayge nikwe ig Pilatus ayavgi: — Mmah pis hiyeg judeyenevwi gikivarakis? Igme Kiyavwiye Jesus kaytwa giwn: — Henewa ku samah pis awna.

Lúkas 22:71

Igkis timapni hene, igkis awna: — Pariyeki umawkanwiy akiw? Wixwiy ka muwaka hiyeg akka wotwiy ariknawnema Jesus gitaraksan akiw. Kuwis ig tarakse ay wowtrikwiy. Ig makukse Uhokri ay wowtrikwiy. Uyay katiwnise ini gitaraksan git.

Lúkas 23:3

Igme Pilatus timapni hene, ig aya Kiyavwiye Jesus: — Mmah pis judeyenevwi gikivarakis? Igme kaytwa giwn: — Henewa ku samah pis awna.

Lúkas 4:41

Hawata akiw wavitye pese givititakis ka aynsima hiyeg. Igkis kabiman. Igkis awna git: — Pis Uhokri gikamkayh. Igme himahgikis. Ig ka isaksigkis adahan igkis awna awaku igkis hiyaknig ku ig Cristo.

Joawh 1:34

Ayteke nah hiyap ig Kiyavwiye Uhokri Gitip misakwa givitit ner awayg. Inneki keh nah awna ku igyewa Kiyavwiye Uhokri gikamkayh. Henewatbaki ig Joawh Batista awna.

Joawh 1:49

Igme Natanael timapni hene, ig awna git: — Kiyavwiye, nikwe pis Uhokri gikamkayh. Pis izhaewyenevwi gikivarakis.

Joawh 10:30

Nah gikak Niguh usuh pahavwiwa pawtak.

Joawh 10:36

Nah kaniyka nah awahkiska atan gavit Niguh adahan nah yamnihten. Mmah nikwe yis ikiy ku nah makuksene Uhokri awaku ku samah nah awna ku nah Uhokri gikamkayh?

Joawh 18:37

Ig Pilatus timapni hene, ig awna: — Mmah pis pahavwi ikivarat nikwe? Igme Kiyavwiye Jesus kaytwa giwn: — Henewa ku samah pis awna. Nah wayvuka amadgat inin adahan nah humaw hiyeg gikivarakis. Nah ayta amadgat inin adahan nah ekkene hiyakemniki ku pariye inyewatnene. Madikte hiyeg ku pariye batekye akak hiyakemniki ku pariye inyewatnene, ignes timap nuwnuh.

Joawh 19:7

Igkisme judeyenevwi giwewkistenkis kaytwa giwn: — Usuh judeyenevwi kadahan ukumadukan. Inakni ukumadukan awna ku amawka ig umehpika avatra ku samah ig ikawvari ku ignewa Uhokri gikamkayh.