Lúkas 22:61 - Uhokri Gahegbetawni Nukune akak Sawmus

⁶¹ Avimnewa ini ig Kiyavwiye Jesus iveganaw ta gimkanit Pedru. Igme Pedru hiyapni hene, ig kiye inakni ku pariye Kiyavwiye Jesus giwn kuhwekwa ta git amin: “Avit takarak awna pahaywowa gawnanek, pisme ayipa wihwe nuwhunek mpamavut.”

Uhokri Gannasan

⁶¹ Apiminewa ini hawkri ig Kiyapwiye Jesus ipeganaw ta gimkanit kiyapwiye Pedru. Igme kiyapwiye Pedru hiyapni henne, ig kiyé inakni ku pariye Kiyapwiye Jesus giwn kuhwekwa ta git amin: “Apit takarak awna pahaywowa gawnhan, pisme ayipa wihwe nuwhunek mpamaput.”

Lúkas 22:61 Iomraidhean Croise

Matews 26:34

Igme Kiyavwiye Jesus kaytwa giwn: — Ku avim inin mitipka pis wihwe nuwhunek, pis awna ku pis ka hiyakun. Avit takarak awna pahaywowa gawnan pisme ayipa wihwe nuwhunek mpamavut. Ihanaba inakni nuwnuh. Henewatbaki in.

Matews 26:75

Ayge nikwe ig Pedru kiye ku pariye Jesus giwn ta git: “Avit takarak awna pahaywowa gawnannek, pisme ayipa wihwe nuwhunek mpamavut.” Ig kiye inakni, ig pese. Ig kiyemina gitaraksan mpiynevevye. Ig biyuk gikan. Ig tihene ayge.

Markus 5:30

Igme Kiyavwiye Jesus kayah ku gidatni pes aynesa ku samah ig makniwevgu. Ig hiyapni hene, ig wagestaw ayge gibetkis hiyeg. Ig awna: — Pariye dax nukawihni?

Lúkas 10:41

Igme Kiyavwiye Jesus kaytwa guwn: — Marta, Marta. Pis ikano pitew adahan arakembet annivwit. Pis kiyimwihwa nikak.

Lúkas 22:34

Igme awna git: — Pedru, ku avim inin mitipka pis wihwe nuwhunek. Avit takarak awna pahaywowa gawnan pisme ayipa wihwe nuwhunek mpamavut. Avim ini pis awnanek ku pis ka hiyakun. Henewatbaki in.

Lúkas 22:60

Igme Pedru timapni hene, ig awna git: — Nah ka hiyakwa inakni iwit ku kamin pis awna. Nikwenewa ku samah ig awnempiye inakni iwit, pahavwi takarak awna.

Lúkas 22:62

Ig kiye inakni giwn nikwe, ig pese ayteke. Ig kiyemina gitaraksan mpiynevevye. Ig biyuk gikan. Ig tihene ayge.

Lúkas 7:13

Ig Kiyavwiye Jesus hiyapni hene, ig ka aynsima kayah gudahan. Ig awna gut: — Ka muwaka tih.

Lúkas 7:19

Igkisme danuh atere, igme awna gitkis: — Su yi iwasa Kiyavwiye Jesus baki ignewatma ner ku pariye nehmnikuhpiye nuhavuh butte. Ba kawk, ba wixwiy wahap pahavwi nawenyewa ku pariye nehmnikuhpiye nuhavuh butte akiw?

Joawh 13:38

Igme kaytwa giwn: — Mmah inyewatki ku pis ahegbet adahan pis umahkiswa payak nukakuh? Ped, ku avim inin mitipka pis wihwe nuwuhnek. Avit takarak awna pahaywowa gawnan, pisme ayiva wihwe nuwhunek mpamavut. Ihanaba inakni nuwnuh. Henewatbaki in.

Attus 5:31

Ig Kiyavwiye Uhokri ka gannusima. Ig keh ig Kiyavwiye Jesus humaw ukivarawiy. Ig keh ig humaw wamnihtenwiy kahadbe wixwiy hiyeg izhaewyenevwi wages uhiyekemniwiy, kahadbe Kiyavwiye Uhokri bayahminawiy ariw utaraksanwiy.

Efésyus 2:11

Yis hiyeg kane judeyenevwima ku aysaw yis wayvuka amadga inin yis ka Uhokri gihiyegavuma. Ka aynsima hiyeg judeyenevwi ku pariye hiwhka givitkis adahan arakak ku ignes Kiyavwiye Uhokri gihiyegavu, igkis miyathay igkis kanumyi ku “yis ka hiwhkavuma yivit”. Ka yi muwaka miyeh ku samah yiwskawni avim ini.

Apokalípsi 2:5

Kiyeminanabay amin ku samah minikwak yis batek nukakuh kiyesrad yis hawata batekak pawtak kiyesrad. Hiyakse yis kuri, yis tuguhkise yibetki nuvititak yis hawata tuguhkise yibetki pawtak. Wakaymninabay adahan ku samah yihiyekemni ka kabay. Wagesnabay yihiyekemni akiw. Kehnabay hawata ku samah pitatye nah utivyi. Ku yis ka wages yihiyekemni, nikwe yis ka ayivwinek. In ke wotbe nah aytanek nah wiwhpiyebe pohow abukri akekri ariwntak guwetri.