Lúkas 22:53 - Uhokri Gahegbetawni Nukune akak Sawmus

⁵³ Takunipti nah ayge yikak yikannuhten ariku Uhokri Givin. Heneme yis ka kiboka kamaxun ayge. Ka sam. Kuwis yihawkanavrik danuh adahan yis keh nukakuh ku samah amisnavye akivara gimawkan.

Uhokri Gannasan

⁵³ Takunipti nah ayge yikak yikannuhten agiku Uhokri Gipin. Henneme yis ka kibowka kamaxun ayge. Ka sam. Kuwis yihawkanaprik danuh adahan yis keh nukakhu ku samah amisnapyi akiparad gimawkan.

Lúkas 22:53 Iomraidhean Croise

Matews 21:23

Ayteke ig Kiyavwiye Jesus tivik pareke Uhokri Givinekut. Ku samah ig kannuhekne ayge, neras muwveg kiyatyevwi gikakkis judeyenevwi giwewkistenkis igkis patiptakig atere. Igkis ayavgi: — Mmahki pis keh inin ku pariye pikehni ay? Kariwntak pis uti pikumadukan adahan pis keh hene?

Lúkas 22:52

Ayteke ig awna gitkis neras muwveg kiyatyevwi gikakkis neras avuriwnevwi Uhokri Givin, neras judeyenevwi giwewkistenkis ku pariye gikamaxwitni atere. Giwn: — Mmahkay yis ayta akak madikte yiwana akak madikte yasuga? Mmahkay yis ayta nukamaxwitni ayamaw ke wotbe nah amepyebe?

Lúkas 22:54

Ayteke nikwe igkis kamaxe Kiyavwiye Jesus igkis waxwevgi ta givinekut ner muwvegviyene gikivarakis. Ig Pedru hiyapni hene, ig makeke gihavu butte heneme ig piyawakte giw aynesa.

Joawh 12:27

Ayteke ig Kiyavwiye Jesus awna akiw. Giwn: — Kuri nah kayah avititak nuyakni avatra ini mbeyne nehmnikuhpiye numkanit. Heneme nah ka ayap git Niguh adahan ig avuriw nuvituh ariw ini mbeyne. Nah ayta atan adahanikwa nah hiyepne ini mbeyne.

Joawh 13:30

Igme Judas Iskariyotismin pisenwa gaxni ini bugut, ig tivik kibehtenwa. Avim ini kuwis tiyegem.

Joawh 14:30

Nah ka kahawkan kinetihwa yikak kiyesradima akiw. Mmanawa ner ku pariye kane Uhokriyanvuma gikivarakis ig kennesa gidawnhan adahan kehne mbayka nukakuh. Ka sam. Ig ka kawetri ay nuvituh. Nikwe ig ka hiya igma wanekbeta nuhawkan.

Joawh 7:30

Igkis timapni hene, igkis atere gikamaxwitni. Heneme igkis ka hiyak ku samahpa gikamaxka gitkis mmanawa kote danuhte gihawkanavrik adahan ig kamaxka.

Joawh 7:45

Ayteke nikwe neras muwveg gisandagmakis diyuhe gitkis neras muwveg kiyatyevwi gikakkis farizewkis akiw. Igkis danuh atere, igkisme gikivarakis awna gitkis: — Mmahki yis ka waxwa Jesus atan?

Attus 26:18

Nah awahkispi adahan pis woka gihiyekemnikis. Adahan pis wagesgikis ke wotbe ariw misanpiki arimkat kabutniki. Adahan pis wagesgikis ariw Satanas gikumadukan arimkat Uhokri gikumadukan. Ayge nikwe igkis bayahminaka ariw gitaraksankisnek, igkis darih giwetrikisnek ay gibetkis neras ku pariye nuhiyegavu awaku ku samah igkis kamaxwenevwi nuvitit.” Henewatbaki in ku samah ig Kiyavwiye Jesus awna nutuh.

Efésyus 6:12

Mmanawa wixwiy kavetunyanata adahan wixwiy mpithigkis. Heneme ignes uvetunyavuwiy igkis ka hiyegma amadgayama inin. Igkis inurikyenevwi gikivarakis. Igkis yumanene givitkis. Igkis maygekwenevwi. Igkis mbeyevye gihiyekemnikis. Igkis detyevwi. Igkis kumadukenevwi inin hawkri ku pariye ke wotbe in abetnene amisnavyebe.

Kolosénses 1:13

Kibeyne, ig keh wixwiy isahptaw ariw wavitye gikumadukan amisnavye. Ig manukse wixwiy abetit gikamkayh gibetki gikumadukan.