Lúkas 22:43 - Uhokri Gahegbetawni Nukune akak Sawmus

⁴³ Pahaye adahan pahavwi ahj hiyapkiswe git atere, ig ikene gawaygi git.

Uhokri Gannasan

⁴³ Pahaye adahan pahapwi ahj hiyapkiswe ta git atere, ig ikene gawaygyi git.

Lúkas 22:43 Iomraidhean Croise

Matews 26:53

Mmah pis ka hiyaknima ku, wake nah ayavasawbe ta git Niguh, ig awahkiskam numinuh kurinewatkam ka aynsima ahj adahan numaptenten?

Matews 4:11

Nikwe wavitye gikivarakis hiyapni hene, ig tivik giw. Ayteke igkisme ahj danuh atere, igkis ikene Kiyavwiye Jesus gawaygi.

Matews 4:6

Ig awna git: — Ku pis Uhokri gikamkayh, nikwe asa watiswa aytaki inutak adahan ekkene ku ig inyerwa ay pikak. Mmanawa Uhokri gannasan awna: “Uhokri avuriwkispi gitkis ahj adahan igkis amavap amadga giwakkis kahadbe ine pikugku ka tes avitit tip.”

Lúkas 22:32

Henneme nah kuwis piriyepkaw pidahan adahan pis ka tuguhkis pikamaxwan. Kuwewanek ku aysaw pis diyuh nutuh akiw ikinaba pikebyuvwi gawaygikis.

Attus 14:22

Ayge igkis ikenes gawaygikis neras ku pariye kamaxwenevwi givitit Kiyavwiye Jesus. Igkis awna gitkis: — Misakwanabay akak yikamaxwan givitit Kiyavwiye Jesus. Ka yi muwaka isahkiswa giw abet mbeyne. Akaknewa ini mbeyne wixwiy kawih Uhokri gikumadukan. Henewatbaki igkis ikenes gawaygikis.

Attus 18:23

Ig danuh atere, ig misekwe ayge adahan kibite hawkri. Ayteke ig tivik akiw. Ig danuhpene muwapuw avitiw Galasiyamnaw avitiw Firijiyamnaw. Ayge ig ikene Jesus gihiyegavu gawaygikis.

1 Timótyu 3:16

Henewatbaki in. Ini Uhokri gihiyekemni in kabayntiwa in. Minikwak hiyeg ka hiya avuhpak. Kurinme wixwiy hiyak. Inneki keh wixwiy paksig han: “Ig Cristo wageswe igyewa hiyeg ihtikekne amadgaya inin. Hawata ig Uhokriwa ig. Ig gitiphewne Uhokri inurikyene. Ig ekkepka ta gitkis madikte ahj inurikyene. Hawata ig ekkepka ta gitkis madikte hiyegviyenevwi amedgene inin. Ig amavaka gavitkis hiyeg muwapuw amadga inin. Hawata ig amavaka inurikut akak madikte gikiytani.” Henewatbaki wixwiy kiyatig wavanwekwey.

Ebréws 1:14

Nah akkamnihte yit ku samahpa ahj. Igkis Kiyavwiye Uhokri gibukvig yuma givitkis kema hiyegma amadgayavuma inin. Ig Kiyavwiye Uhokri awahkisgikis adahan gayavetnikis neras ku pariye amnihkavu gavit Kiyavwiye Uhokri.

Ebréws 1:6

Kawa. Ku aysaw ig Kiyavwiye Uhokri awahkiswiye gikamkayh atan amadgat inin, gitkis ahj ig awna: — Nuhiyegavu ahj, kiyathanigbay.

Ebréws 2:17

Adahanikwa ini ig wageswa ihtikekne hawata ke wixwiy gikebyuvwibe. Pugamawka ig keh hene kahadbe ig humaw kibeyne awnamnihkevutne udahanwiy git Kiyavwiye Uhokri. Ku samah ig wageswa ihtikekne nikwe ig ka aynsima kayahte udahanwiy. Awaku ini ig humaw kibeyne awnamnihkevutne wowtrikwiy wixwiy hiyeg. Ig hawata humaw kibeyne awnamnihkevutne giwtrik Kiyavwiye Uhokri awaku ig keh Kiyavwiye Uhokri gibetki. Ig wadithebdih uhawkanwiy gikak Kiyavwiye Uhokri akak ku samah ig katiwnihe utaraksanwiy gikak.