Lúkas 22:42 - Uhokri Gahegbetawni Nukune akak Sawmus

⁴² Ig awna: — Niguh, ku pis mpithekere ini mbeyne nudahan, uya amnihun mpithin nudahan. Heneme ku pimawkanwa in danuh nutuh, ka sam in danuh nutuh. Nah ka kehkere nudahan nubetki. Heneme nah kehkere pidahanwa pibetki.

Uhokri Gannasan

⁴² Ig awna: ―Nighu, ku pis mpithekere ini mbeyne ndahan, uyá amnihun mpithapni ndahan. Henneme ku in pimawkanwa in danuh nuthu, ka sam in danuh nuthu. Nah ka kehkere ndahan nubetki. Henneme nah kehkere pidahanwa pibetki.

Lúkas 22:42 Iomraidhean Croise

Sawmus 40:8

Kiyavwiye nuwohkiga, nah batek keh pibetki! Nah ihpa pikumadukan avititakwa nuyakni.”

Matews 11:25

Pisenwa gawnan inakni ig Kiyavwiye Jesus piriyepkaw ta git Uhokri. Ig awna: — Kibeyne, Niguh. Pis en akivara. Pis waxri akivara. Nah kabayhap awaku ku samah pis ka akka pihiyekemni gitkis hiyeg hiyakemniyevwi. Gitkisme neras kene bakimnayhbe yumanene gihiyekemnikis giwntekneswa, atere pis akka pihiyekemni.

Matews 11:26

Henewa Niguh, mmanawa innewa ku pariye pimawkan.

Matews 20:22

Igme Kiyavwiye Jesus awna gitkis gukamkayuvwi: — Yis ka hiyak ku pariye yayapni. Aysawnemenek nah hiyap mbeyne ka aynsimanek. In ke nah higevyebenek higapka kane ativinisima arikutak pohow higeptet. Ba yis ik adahan yis higap arikutak nor higeptet hawata ke nahbenek? Igkisme kaytwa giwn: — Ihi. Usuh ik adahan amavin hawata ke pisbenek.

Matews 26:39

Ayteke ig wewkiswe atakesa aynesa. Ig mabukwe ta waykborit. Ig piriyepkaw ta git Uhokri. Ig awna: — Niguh, ba hiya pisma mpitha ini mbeyne danuh nutuh? Ku pis mpithekere, uya amnihun mpithin nudahan. Heneme ku in pimawkanwa in danuh nutuh, ka sam in danuh nutuh. Nah ka kehkere nudahan nubetki. Heneme nah kehkere pidahanwa pibetki.

Matews 26:42

Pisenwa gawnan inakni, ig diyuhe aterewata akiw. Ig piriyepkaw ta git Uhokri akiw. Ig awna: — Niguh, ku pis ka mpitha inin mbeyne nudahan, ku in pimawkanwa in danuh nutuh, ka sam. Hiyawa pis keh ku samah pibetki nukakuh.

Matews 26:44

Ayteke ig diyuhe aterewata akiw. Ig piriyepkaw amamnavutni akiw, inwata giviryepkawni.

Matews 6:10

Ba ayta kumaduka atan amadga inin. Umawkan pibetki kehka ay amadga inin hawata ku samah in kehka ayge inurik.

Markus 14:36

Ig awna: — Pa, Niguh, madikte arikna ka mahikonema pidahan. Ik adahan pis mpitha ini mbeyne danuh nutuh. Ku pis mpithekere, uya amnihun mpithin nudahan. Heneme ku in pimawkanwa in danuh nutuh, ka sam in danuh nutuh. Nah ka kehkere nudahan nubetki. Heneme nah kehkere pidahanwa pibetki.

Lúkas 23:34

Avim ini ig Kiyavwiye Jesus piriyepkaw. Ig awna: — Pa, uya bayahmina neras ariw inin gitaraksankis. Igkis ka hiyak ku pariye gikehnikis ku avim inin. Ayteke neras suwtat pisenwa gidaddahnikis, igkis arehwa akak tip adahan hiyap ku pariye kabunuganen igi darih Kiyavwiye Jesus gikawihni. Hene igkis ibekhevyes gikawihni pawtak.

Joawh 18:11

Ig Kiyavwiye Jesus hiyapni hene, ig awna git Pedru: — Paris piwana pibutikminat. Ka muwaka xuwahun giwkis. Adahanikwa ini mbeyne Niguh awahkisun. Mmah pivewkan nah ka amavin?

Joawh 4:34

Igme awna gitkis: — Nah kehne nawahkisten gibetki, ini iki nawaygi ke numanabe. Nah kehne gannivwi, in humaw ke numanabe nutuh.

Joawh 5:30

Avim ini nahnewa kaniy ku pariye hiyeg ivukepka hanpa arimkanit biyukwiki. Nah ka keh hene nuwnteknewatma. Nah keh ku samah Niguh gakkan nutuh adahan nah keh. Ayge nah gihivetnikisnek hiyeg ba ignes kibeynevwiwatma, avigkutavrik ku samah Niguh gibetki. Nah gihivetnikisnek wadit nah ka taraksanek. Mmanawa nah ka keh nudahan nubetkima. Nah kehne ku pariye ignewa nawahkisten gibetki.

Joawh 6:38

Nah ayta atan inuriktak ka adahanma kehnema nubetki, heneme adahan nah kehne nawahkisten gibetki.

Attus 21:14

Igkis ka hiya igkisma mpithig. Nikwe igkis tinwohew igkis awna: — Igwa Kiyavwiye Uhokri hiyak gikak.