Lúkas 22:40 - Uhokri Gahegbetawni Nukune akak Sawmus

⁴⁰ Ig danuh atere, ig awna gitkis: — Piriyepkawnabay marihwa yis ka isaksaw arit mbayka.

Uhokri Gannasan

⁴⁰ Ig danuh atere, ig awna gitkis: ―Piriyepkawnabay marihwa yis ka isaksaw arit mbayka.

Lúkas 22:40 Iomraidhean Croise

Sawmus 119:133

Avuriwnanuba wadit, ku samah pikaksan nutuh, kahadbe mbayka ka kumadukevunma.

Sawmus 17:5

Avanenekwa numawkan nah wewkere akak pidahanenwa pihiyekemni. Ku nah waywe nikak, nah ka taraksati.

Sawmus 19:13

Hawata bayahminanuba ariw nutaraksan ku pariye nah hiyakni kuwis. Amnih mpithan adahan nah ka keh ku pariye nah kuwis hiyakni ku in taraksaki. Keh nah ka isaksaw nit. Ku pis amnihun hene, nikwe nah wewnek avigkutavrik ku samah pimawkan, nah ka keh mbayka akiw.

Matews 6:13

Iknaba wotuh wawaygi adahan usuh ka isaksewvima arit mbayka. Avuriwnaba usuh ariw ini mbeyevyenen wavitye gikumadukan. Usuh kabayhap, Kiyavwiye. Pisnewa kumaduka adahan avanenekwa. Pisnewa ka pidatnisima adahan avanenekwa. Pisnewa ka pikiytanisima adahan avanenekwa avanenekwa. Ameh.” Henebaki yis piriyepkaw.

Lúkas 11:4

Bayahminaba usuh ariw utaraksan, mmanawa usuh hawata bayahmina hiyeg ku pariye taraksavye ukakuh. Iknaba wotuh wawaygi adahan usuh ka isaksewvima arit mbayka.” Henebaki yis piriyepkaw.

Lúkas 22:46

Ig hiyapni hene, ig awna gitkis: — Mmahpaki yivewkan yis himekbet? Kannikawnay. Piriyepkawnabay marihwa yis ka isaksaw arit mbayka.

1 Pedru 4:7

Nukebyuvwi, amaksemni hawkri kennesa kuwis. Nikwe avuriwnabay yihiyekemni kabayntiwa. Piriyepkawnabay takunipti.

Apokalípsi 3:10

Kibeyne, yis ihpene nuwnuh yis dehewnene abetnewa mbeyne ku samah nah kuwis ayap yit. Inneki keh nah mpithaynek ariw ini mbeyevye hawkri ku pariye nehmnikuhpiye gitkis madikte hiyeg ku pariye misekwenevwi amadga wayk adahan gihikektenkis.