Lúkas 22:32 - Uhokri Gahegbetawni Nukune akak Sawmus

³² Henneme nah kuwis piriyepkaw pidahan adahan pis ka tuguhkis pikamaxwan. Kuwewanek ku aysaw pis diyuh nutuh akiw ikinaba pikebyuvwi gawaygikis.

Uhokri Gannasan

³² Henneme nah kuwis piriyepkaw pidahan adahan pis ka tuguhkis pikamaxwan. Kuwewanek ku aysaw pis diyuh ta nuthu akiw ikinaba pikebyupwi gawaygyikis.

Lúkas 22:32 Iomraidhean Croise

Matews 18:3

Ayteke ig awna gitkis: — Ku yis ka wages yihiyekemni adahan yis ikaw kewa bakimnayhbe, yis ka kawihti Uhokri gikumadukan. Ihanabay inakni nuwnuh. Henewatbaki in.

Matews 26:75

Ayge nikwe ig Pedru kiye ku pariye Jesus giwn ta git: “Avit takarak awna pahaywowa gawnannek, pisme ayipa wihwe nuwhunek mpamavut.” Ig kiye inakni, ig pese. Ig kiyemina gitaraksan mpiynevevye. Ig biyuk gikan. Ig tihene ayge.

Markus 14:72

Nikwenewa pahavwi takarak awna aveynevye akiw. Igme Pedru timapni hene, ig kiye inakni ku pariye Kiyavwiye Jesus giwn kuhwekwa ta git amin: “Avit takarak awna pimavut gawnan pisme ayipa wihwe nuwhunek mpamavut.” Ig kiye inakni giwn nikwe, ig biyuk gikan. Ig tihene ayge mpinevevye.

Markus 16:7

Ayteke ig ahj awna gutkis: — Kuri ataknabay ta gitkis gikannuhnivwi, hawata ta git Pedru. Awnanay gitkis: “Ig Kiyavwiye Jesus tivik pitati yavit ta avitit Galileyamnaw. Ayge yis hiyavginek ku samah ig kuwis akki yit.”

Lúkas 8:13

Egnesme nor amutri ayak ku pariye tuguhe ta abetit tivebdi egnesbaki arakak gidahankis hiyeg ku pariye timap nuwnuh ignes amavin akak madikte gibetkikis, heneme igkis ka kamax inakni nuwnuh kabayntiwatma abet gihiyekemnikis. In humaw kewa pahakti amutribe ku pariye yumanano guhanpabet eg ka dep miyó. Igkis batek akak nuwnuh adahan aynesa hawkri. Ayteke ku aysaw igkis hiyap mbeyne, aynewa igkis miniw ariw nuwnuh.

Joawh 14:19

Aynesa hawkri muwak adahan hiyeg kane Uhokriyanvuma igkis ka hiyavun akiw. Yismeti hiyavun akiwnek. Ayge nikwe yis aymuhwanek gimun Uhokri adahan avanenekwa awaku nahnewa aymuhwene gimun.

Attus 3:19

Nikwe wagesnabay yihiyekemni ariw madikte yitaraksan gikak Kiyavwiye Uhokri kahadbe ig bayahminay ariw ini yitaraksan. Ayge ig wagahkis yawayginek ku samah yis ay gimun.

Romanus 8:32

Kibeyne, ig Uhokri kuwis ekke ka aynsima kabayka wotwiy. He ig ka kavigsa gidahanwa gikamkayh wowiy. Ig ikevgi adahan hiyepne mbeyne udahanwiy. Yuma kabayka hene akiw. Ku wis hiyap ig kuwis ike gikamkayh udahanwiy, inkata akiw ig ka iki wotwiy madiktema kabayka?

Romanus 8:34

Pariye hiyeg ayta ivukwawiy hanpa arimkanit biyukwiki avatra utaraksanwiy? Yuma pahavwinema. Mmanawa igwa Cristo Jesus kuwis umahkiswe udukwenavrikwiy avatra utaraksanwiy. Ka ininewatma ig umahkiswe, ig hawata kannikew ariw gimiremni. Kawnata ininewatma ig kannikew ariw gimiremni, ig kuri ig ay gihumwa Uhokri. Ig piriyepkewnenekwa git Uhokri udahanwiy.

2 Timótyu 2:18

Igkis kuwis dagehe ariw Kiyavwiye Uhokri ginetni inyewatnene. Igkis awna: “Kuwis uhiyekemniwiy kannikaw adahan nukune uhiyekemniwiy akiw. Henewa ukankawniwiy. Uvitwiyme ka kannikaw akiw.” Kuwis igkis tuguhkis gaytakis hiyeg gikamaxwankis akak inakni giwnkis.

Titu 1:1

Nah Pol, ku pariye Kiyavwiye Uhokri gibuk, nah awahkis kabayka pimin. Kibeyne, nah Jesus Cristo giwatni. Nah awahkiska adahan wagahkisne Uhokri gikanyanvu gikamaxwankis. Nah awahkiska adahan hiyakkisne gitkis ini hiyakemniki ku pariye inyewatnene ku pariye keh hiyeg wew gikak Kiyavwiye Uhokri.

Ebréws 12:15

Avuriwaknabay pawtak kahadbe yuma pahavwinema yaytak tuguhkisne gabay Kiyavwiye Uhokri. Avuriwnabay kahadbe yuma kanaktinka humaw ayge yibet. Ku yis kanaktinbet, in keh yis kayah ke wotbe manegusbe hiyan ayge yibet. In keh ka aynsima hiyeg kiyimare.

Ebréws 7:25

Nikwe ik adahan ig parak abet uhawkanwiy takunipti avanenekwa adahan ig wawnamnihtenwiy wixwiy ku pariye danuhpiye git Kiyavwiye Uhokri givitimpi Kiyavwiye Jesus. Mmanawa ig ay adahan avanenekwa.

1 Pedru 1:1

Nah Pedru, ku pariye giwatni Jesus Cristo, nah awahkis kabayka yimin yis Uhokri gikanyanvu ku pariye ivukavepka avititak yiwaxig. Yis kuri ibekhewbet muwapuw Pontomnaw akak Galasiyamnaw, Kapadósiyamnaw, Asiyamnaw, Bitiniyamnaw.

1 Pedru 1:13

Nikwe nukebyuvwi, wewnabay ahegbetnenekwa adahan Kiyavwiye Uhokri kawihyi. Avuriwnabay yihiyekemni kabayntiwa. Ivegnabay givitit Kiyavwiye Uhokri adahan ig utipkis yit ka aynsima kabayka aysawnemenek avim ini ku aysaw Jesus Cristo danuh.

1 Pedru 1:5

Ku samah wixwiy kamaxwene givitit Kiyavwiye Uhokri, ig avuriwiy akak gannu he ku aysaw wixwiy darih ini kabayka. Kibeyne, ig kuwis ahegbet adahan areketni wotwiy amaksemni hawkri.

2 Pedru 3:14

Nikwe nukebyuvwi kibeynevwi, ku wixwiy wahepne akebi ini hawkri, uyay misakwa ahegbet avit gidawnhan kahadbe ig patiptakawiy akak uhiyekemniwiy barewbetye yuma uvathawniwiy aynesnima.

1 João 2:19

Igkis neras hiyeg pes ubetitakwiy wixwiy Jesus gihiyegavu bawa igkis ka igkisyewatma Uhokriyanvuma. Wake igkis igkisyewatbe Uhokriyanvube, nikwekam igkis gidukweneswa kawohkigahaw git Kiyavwiye Jesus hawata ke wixwiybe. Heneme igkis kuwis pese ubetitakwiy. Ini areketni huwewe ku igkis ka igkisyewatma Uhokriyanvuma.