Lúkas 22:30 - Uhokri Gahegbetawni Nukune akak Sawmus

³⁰ Avim ini yis axnek payak nukakuh yis higapnek payak nukakuh aynte ku kiney nukumadukan. Hawata yis batnek amadga yevwi kiyatyo adahan yis hiyekne gikakkis madikte izhaewyenevwi.

Uhokri Gannasan

³⁰ Apim ini yis ax payak nukakhu yis higap payak nukakhu ayhté ku kiney nukumadukan. Hawwata yis batebdeweknene amadga yepwi kiyatyo adahan yis hiyekne gikakkis madikte israelyenepwi.

Lúkas 22:30 Iomraidhean Croise

Sawmus 49:14

Ku samah muwtohvutne huwitha givigvu, inme miyaka gihuwtentenkis arimkanit biyukwiki. Givitkisme busipdipnek ariku gimewkis, piyawakad ariw givinkis. Ayteke ariwnteke ini, ku aysaw Kiyavwiye Uhokri nukuneh hawkri akiw, igkisme gihiyegavu kumadukigkisnek.

Matews 19:28

Igme Kiyavwiye Jesus awna gitkis: — Aysawnemenek abet nukune hawkri nah, ku pariye wageswe awayg amadgaya inin, nah bat akak madikte nukiytani amadga nevwi kiyatyo ku kiney adahan nah hiyekne gikakkis hiyeg. Avim ini yis ku pariye wewnevwi nukakuh yis hawata batnek amadga yevwi kiyatyo madikawkunono gukebikis akak pisoya gawnakis (12) adahan yis hiyekne gikakkis neras hiyegiviyenevwi izhaewyenevwi madikawkunene gikebikis gikakkis piyana gawnakis (12). Ihanabay inakni nuwnuh. Henewatbaki in.

Matews 5:3

— Ka aynsima kabaykanek gidahankis hiyeg ku pariye ikewnevwi yumanene gawaygikis giwntekneswatma. Mmanawa ayge nikwe igkis kawihnek Uhokri gikumadukan.

Matews 8:11

Aysawnemenek ka aynsima hiyeg kane izhaewyenevwima wahamavriktak akak uvitkiyavriktak ignes kawih Uhokri gikumadukannek. Henewatbaki in. Ayge igkis darihwaknek aynte inurik gikak amekene Abraawh, gikak amekene Izaki, hawata gikak amekene Jakó.

Lúkas 12:37

Ka aynsima batekka ay gidahankisnek ibuktiviyene ku pariye gikivarakis utivgikis ivegnenes kane himaknema. Avim ini igwa hiyak gikakkisnek. Ig kasimsahaw akak ibukti gisimsa. Ig awna gitkis adahan igkis axnes, igwa ikavgikis. Henewatbaki nah keh yikaknek.

Lúkas 14:15

Pahavwi awayg ayge ig timapni inakni iwit hene, ig awna git Kiyavwiye Jesus: — Ka aynsima batekka ay gidahan ner ku pariye ax gimun Uhokri aynte ku kiney gikumadukan.

2 Timótyu 2:12

Ku wis dehewnene abetnewa mbeyne gidahan, nikwe wis kumaduka payak gikaknek. Heneme ku wis wihwe giw, ig wihwepta wownek.

Tiyagu 1:1

Nah Tiyagu ku pariye gibuk Kiyavwiye Uhokri, ku pariye gibuk Ukivarawiy Jesus Cristo nah awahkis kabayka yimin yis hiyeg judeyenevwi muwapuw amadga wayk ku pariye kamaxwenevwi givitit Kiyavwiye Jesus. Nah aytnihyi madikte akak Uhokri gabay.

Apokalípsi 19:9

Ayteke ig ner ahj awna nutuh: — Asa tamak amadga pikagtan inakni iwit ku pariye nah ekkene pit kuri: “Ka aynsima kabaykanek gidahankis neras ku pariye awnasakavu arit Muwtohyan gifetra adahan maripkawka.” Ayteke ig awna nutuh akiw: — Inakni iwit in inyewa, in giwntakwa Uhokri.

Apokalípsi 3:21

Ku ig ka isaksawnek arit wavitye gihiyekemni, nah ikinek giwetri adahan igme batnek ay nuhumwa amadga nevwi kiyatyo adahan ig kumadukene payak nukakuh. Mmanawa nah hawata nah ka isaksawti arit wavitye gihiyekemni, nikwe nah bat kuri ay gihumwa Niguh amadga gevwi kiyatyo nah kumadukene payak gikak.

Apokalípsi 4:4

Nah hiyap nawenyovwi epti kiyatyovwi ayge aranwa gevwi, pina madikwa akak paxnika arawna (24) gukebikis. Ayge pina madikwa kiyavwiyegben akak paxnika gawnakis (24) gikebikis igkis batebdebdih ayge amadga noras eptiviyano. Igkis kasimsavuwave akak simis seyne. Hawata iyuwti kehka akak karukri wahano ay gitewhakis.