Lúkas 22:26 - Uhokri Gahegbetawni Nukune akak Sawmus

²⁶ Yisme ka henema. Yidahan nawenyewa. Yisme yidahan ku pariye yaytak yavitmin madikte amawka ku ig ka kabukhaw yit. Amawka ku ig ikaw ke wotbe igwa yibukbe. Ku pahavwi kumadukene amawka ku ig ikaw ke wotbe igwa kumadukakibe.

Uhokri Gannasan

²⁶ Yisme ka hennema. Yidahan nawenéwa. Yisme yidahan ku pariye yaytak yapitmin madikte amawka ku ig ka kabukhaw yit. Amawka ku ig ikaw ke wotbe igwa yibukbe. Ku pariye kumadukene amawka ku ig ikaw ke wotbe igwa kumadukakibe.

Lúkas 22:26 Iomraidhean Croise

Matews 20:26

Yisme ka henema. Yidahan nawenyewa. Ku pahavwi yaytak humewkere yavitmin madikte, amawka ig ka kabukhaw yit. Amawka ku ig ikaw ke wotbe ignewa yibukbe.

Markus 10:43

Yisme ka henema. Yidahan nawenyewa. Ku pahavwi yaytak humewkere yavitmin madikte giwtrik Uhokri, amawka ig ka kabukhaw yit. Amawka ku ig ikaw ke wotbe igwa yibukbe.

Markus 9:35

Igme Kiyavwiye Jesus hiyakni hene, ig batahkiswe atere, ig pahadguhe giwatnivwi (12) ta givetunat. Ig awna gitkis: — Ku pahavwi ikewkerevye kiyatye hiyeg giwtrik Uhokri, amawka ku ig ka ikaw hene. Amawka ku ig ikaw ke wotbe ig yumahbe gikiytanibe. Amawka ig ikaw kewa ibuktibe gidahankis madikte hiyeg.

Lúkas 9:48

Ayteke ig awna gitkis gikannuhnivwi: — Ku pahavwi amnih pahavwi bakimni kene nerbe nudahan, amun ini nikwe in ke wotbe ig kuwis amnihunbe. Ku pahavwi hiyeg amnihun, amun ini nikwe in ke wotbe ig kuwis amnih ku pariye nawahkisten atan amadgat inin. Mmanawa ku pahavwi yaytak ikaw ke wotbe ig yumahbe gikiytanibe, igi kiyatye hiyeg giwtrik Uhokri.

Romanus 12:2

Ka ba yi wew akak hiyeg gihiyekemnikis amadgaya inin. Isaksanay Uhokri wages yihiyekemni akak nukune hiyakemniki. Ayge nikwe yis hiyaknek ku pariye Uhokri gibetki, yis hiyaknek ku pariye kabayka adahan yis keh, yis hiyaknek ku pariye keh Uhokri batek, yis hiyaknek ku pariye avigkutavrik ku samah gimawkan.

1 Pedru 5:3

Ka ba yi kabukhaw gitkis neras ku pariye ayge yiwaku. Heneme mpiksawnay wew akak kibeyne hiyakemniki giwtrikkis adahan yis humaw gikannuhtenkis kahadbe igkisme ikaw hawata ke yisbe.

1 Pedru 5:5

Hawata nah aya yit takwavyegben adahan yis iha giwnkis yiwewkisten. Nah aya yit madikte yis Kiyavwiye Uhokri gihiyegavu adahan yis tuwatasaw pawtak. Mmanawa Uhokri gannasan awna: “Kiyavwiye Uhokri suguh neras ku pariye kane kumadukasewkere git. Heneme ig iki gawaygikis neras ku pariye tuwatasewviye gitivut.”