Lúkas 22:20 - Uhokri Gahegbetawni Nukune akak Sawmus

²⁰ Ayteke ariwnteke ini pisenwa gaxnikis madikte gimanakis, ig iwe nor higeptet. Ig keh nikak hawata ku samah ig keh akak bugut. Ig awna gitkis: — Nor higeptet eg Uhokri gahegbetawni nukunewa yidahan. Mmanawa ig Uhokri ahegbete ginetni nukunewa akiw gikakkis hiyeg adahan ku samah ignes humaw gihiyegavu. Nahme sukase numiguhnek yidahan kahadbe ini gahegbetawni in humaw.

Uhokri Gannasan

²⁰ Ayteke ariwnteke ini pisenwa gaxnikis madikte gimanakis, ig iwé pahow goblé. Ig keh nikak hawwata ku samah ig keh akak bugut. Ig awna gitkis: ―No goblé eg Uhokri gahegbetawni nukunewa yidahan. Mmanawa ig Uhokri ahegbete ginetni nukunewa akiw gikakkis hiyeg adahan ku samah ignes humaw gihiyegapu. Nahme sukase numighu yidahan kahadbe ini gahegbetawni in humaw.

Lúkas 22:20 Iomraidhean Croise

Matews 26:28

Mmanawa inin win in numiguh yidahan. Ig Uhokri ahegbete ginetni nukunewa akiw gikakkis hiyeg adahan ku samah ignes humaw gihiyegavu. In sukasekpa gidahankis ka aynsima hiyeg kahadbe ini gahegbetawni in humaw, hawata kahadbe Uhokri bayahminigkis ariw gitaraksankis.

Markus 14:24

Igme awna gitkis: — Inin win in numiguh yidahan. Ig Uhokri ahegbete ginetni nukunewa akiw gikakkis hiyeg adahan ku samah ignes humaw gihiyegavu. Nahme pahavwiwa nah sukase numiguhnek gidahankis ka aynsima hiyeg kahadbe ini gahegbetawni in humaw.

1 Koríntyus 11:25

Hawata akiw ariwnteke ini, pisenwa gaxnikis madikte gimanakis, ig iwe pohow higeptet. Ig awna gitkis: — Nor higeptet egbaki kuri Uhokri gahegbetawni nukunewa yidahan. Mmanawa ig Uhokri ahegbete ginetni nukunewa akiw gikakkis hiyeg adahan ku samah ignes humaw gihiyegavu. Nahme sukase numighunek yidahan kahadbe ini gahegbetawni in humaw. Han pitatit higapnay win ke ininbe kiberevut adahan yis nukiyetninek. Henewatbaki ig Kiyavwiye Jesus awna.

2 Koríntyus 3:6

Ig iki wannu adahan usuh ekkene ini nukune gahegbetawni ku samah ig keh wixwiy humaw kibeynevwi giwtrik. Usuh ka akka yit he iwitnen adahan ku samah amawka wixwiy wew wadit. Heneme usuh akka yit Uhokri Gitip ku pariye iki wawaygiwiy adahan wixwiy wew wadit. Kumadukaki ku pariye he tamakkanen amadga kagta in ka iki dehetniki uvititwiy, in umahkiswiy avatra utaraksanwiy nikak. Heneme ku ig Uhokri Gitip kumadukawiy, ignewa iki dehetniki uvititwiy.

Ebréws 12:24

Wixwiy danuh git Kiyavwiye Jesus ku pariye kavitimpi ig Kiyavwiye Uhokri ahegbete gahegbetawni nukunewa ukakwiy, ku pariye ke wotbe ig saktevyebe uyakniwiy akak gimig adahan miyehkisne utaraksanwiy. Ini gimig ka aya git Kiyavwiye Uhokri adahan diyuhkisnema gimig kema amekene Abew gimigma. Heneme gimig adahanikwa amnihkisne hiyeg git Kiyavwiye Uhokri.

Ebréws 13:20

Nah piriyepkaw yidahan git Kiyavwiye Uhokri ku pariye kariswehsevye uyakni, ku pariye kannikase Ukivarawiy Jesus ariw gimiremni. Ig Kiyavwiye Jesus ukavriwtenwiy hawata ku samah pahavwi muwtohvutne kibeynewatbe ig avuriw givigvu kabayntiwa he ig umahkiswa adahan gamnihtenkis. Kibeyne, ku samah ig sukase gimig in keh Kiyavwiye Uhokri gahegbetawni ukakwiy humaw adahan avanenekwa.

Ebréws 9:15

Adahanikwa ini ig Kiyavwiye Uhokri ahegbete nawenyewa gahegbetawni ukakwiy givitimpi Cristo. Ku samah ig umahkiswe udukwenavrikwiy amun ini nikwe ig katiwnih utaraksanwiy ku pariye wixwiy keh ku samah wixwiy akakte ini pitatye gahegbetawni ukakwiy. Kuri nikwe wixwiy ku pariye Kiyavwiye Uhokri humak gimkat wixwiy inyewa darih ini kabayka dehetniki ku pariye ig ikakse wotwiy.

Ebréws 9:17

Ku ig miyap, nikwe igkis darihni. Heneme ku ig kote miyate, yuma hiyeg nidarihetni.