Lúkas 22:19 - Uhokri Gahegbetawni Nukune akak Sawmus

¹⁹ Ayteke ig iwe pahak bugut. Ig kabayha Uhokri. Ig sigkebdih ini bugut ig ibekhepni ta givuwiwkis giwatnivwi. Ig awna gitkis: — Inin bugut in nihuh ku pariye nah sigkebdihkis yidahanek. Han pitatit yisme axnek bugut ke ininbe kiberevut adahan yis nukiyetninek.

Uhokri Gannasan

¹⁹ Ayteke ig iwé pahak bugut. Ig kabayha Uhokri. Ig sigkebdih ini bugut ig ibekhepni ta gipuriwkis giwatnipwi. Ig awna gitkis: ―Inin bugut in nihhu ku pariye nah sigkebdihkis yidahannek. Han pitatit yis axne bugut ke ininbe kikibereput adahan yis nukiyetninek.

Lúkas 22:19 Iomraidhean Croise

Sawmus 111:4

Ig Kiyavwiye Uhokri ka isaksa wixwiy miyeh ini gannivwi barewyevwi. Ig kibeyne hawata ka gamnihrasima.

Matews 14:19

Igkis ewkwin git. Nikwe ig keh neras pahabunene hiyeg batahkiswebdi amadga ini amatap ayge. Ku aysaw kuwis igkis batebdebdihpikis, ig iwe ini pohowkubunene bugut akak piyananene im. Ig sarayh givegi ta inut, ig kabayha Kiyavwiye Uhokri adahan ini. Ayteke ig sigkabdihavepni. Ig ikepni ta gitkis gikannuhnivwi. Igkisme gikannuhnivwi ibekhepni givuwiwkis neras hiyeg.

Matews 15:36

Ku aysaw kuwis igkis batebdebdihpikis, ig iwe ini ntewnehkerbunene bugut akak ini im. Ig kabayha Kiyavwiye Uhokri adahan ini. Ayteke ig sigkabdihavepni. Ig ikepni ta gitkis gikannuhnivwi. Igkisme ibekhepni givuwiwkis neras hiyeg.

Lúkas 22:17

Ayteke ig iwe pohow higeptet. Ig kabayha Uhokri. Ig awna gitkis: — Amavanay inin win. Mpuse pahavwimpi higap niwntak.

Lúkas 22:20

Ayteke ariwnteke ini pisenwa gaxnikis madikte gimanakis, ig iwe nor higeptet. Ig keh nikak hawata ku samah ig keh akak bugut. Ig awna gitkis: — Nor higeptet eg Uhokri gahegbetawni nukunewa yidahan. Mmanawa ig Uhokri ahegbete ginetni nukunewa akiw gikakkis hiyeg adahan ku samah ignes humaw gihiyegavu. Nahme sukase numiguhnek yidahan kahadbe ini gahegbetawni in humaw.

Lúkas 24:30

Ig batahkiswe atere adahan axne gikakkis. Ig kidis bugut. Ig kabayha Uhokri. Ayteke ig sikebdih ini bugut ig ibekhepni givuwiwkis.

Joawh 6:23

Ayteke nawenyevwi hiyeg danuh atere pahabakat amadga gihmunkis. Igkis ariwntak paytwempu Tiberiyades. Igkis danuh atere ku kiney amaka Kiyavwiye Jesus keh annut ig kabayha Kiyavwiye Uhokri adahan gimanakis, madikte hiyeg axnekuye niwntak.

Joawh 6:51

Nahnewa ini yimana inuriktekne ku pariye inyewa keh hiyeg aymuhwa. Ku pahavwi ax nuwntak, ig aymuhwa gimun Uhokri adahan avanenekwa. Ini yimana ku pariye nah akki yit, innebaki nihuh ku pariye nah sigkebdihkisnek gidahankis madikte hiyeg amedgenevwi inin kahadbe ignes aymuhwa gimun Uhokri adahan avanenekwa. Henewatbaki ig Kiyavwiye Jesus awna.

1 Koríntyus 10:16

Nah kehte abektey yidahan. Wixwiy ubetkiwiy pahadguhwa adahan kiyene ku samah Cristo umahkiswe udahanwiy. Wixwiy pahadguvu, ayge wixwiy iwi win wixwiy kabayhin. Ayteke wixwiy higapni. Amun ini wixwiy kiyene ku samah wixwiy pahavwiwa gikak Cristo ku samah ig sukase gimig. Ayteke wixwiy sigkebdih bugut wixwiy axni. Amun ini wixwiy kiyene ku samah wixwiy pahavwiwa gikak Cristo ku samah gih sigkaka.

1 Koríntyus 10:4

Igkis higepnekuye un awahkiska giminkis gavit Uhokri. Igwa Cristo ayge gikakkis. Ku aysaw igkis higap un guwntak nor tip in ke wotbe igkis higevyebe un dehetniki giwntak Cristobe.

Gálatas 1:4

Kibeyne, ig Kiyavwiye Jesus Cristo igwa umahkiswe udukwenavrikwiy adahan katiwnihpiye utaraksanwiy. Ig umahkiswe kahadbe wixwiy isahptaw ariw inin hawkri ahiyekemni mbeyevyenen. Henewa Wigwiy Kiyavwiye Uhokri gimawkan.

Gálatas 4:25

Ku samah eg arakak gidahankis neras hiyeg avitnenevwi ini waxri kewye Sinay aynte Arabyamnaw, eg hawata eg arakak gidahankis hiyeg ku pariye paytwempuyenevwi Jerusalém amadgaya inin. Mmanawa ignes iha ariwn amekene Moís gikumadukan kahadbe igkis humaw kibeyne giwtrik Kiyavwiye Uhokri. Igkis ke wotbe igkis ibuktibe ke amakano Agarbe gikak gukamkayh.

Efésyus 5:2

Amawka wixwiy wew akak wamnihra hawata ku samah Cristo ka gamnihrasima ukakwiy. Ig umahkiswe udukwenavrikwiy adahan katiwnihpiye utaraksanwiy. Ini gamnihra keh Kiyavwiye Uhokri bateke ginaktin ke wotbe ig ayhpiyebe imihgi.

1 Tesalonisenses 5:18

Kabayhanabay Kiyavwiye Uhokri avanenekwa abet madikte ku pariye danuh yit. Henewa ig Kiyavwiye Uhokri gimawkan adahan yis amavin. Adahanikwa ini ig keh yis pahavwiwa gikak Cristo Jesus.

Titu 2:14

Kibeyne, ig umahkiswe udukwenavrikwiy giwnteknewa adahan ig sagahptevye wixwiy ariw madikte uvathawniwiy. Mmanawa gimawkan ig keh wixwiy humaw barewvityevwi hiyeg, hiyeg gidahannenwa Kiyavwiye Uhokri, hiyeg ku pariye batekyevwi keh kabaykanen.

1 Pedru 2:24

Giwnteknewa ig umahkiswe udukwenavrikwiy. In ke wotbe uhiyekemniwiy mbeyevyein ay givitbe amun ini ku aysaw givit deddehpika aminat giyakni. Ig umahkiswe hene adahanikwa wixwiy ka wew akiw akak uhiyekemniwiy minikweknene ku pariye taraksevye, heneme adahan wixwiy wewne gikak Kiyavwiye Uhokri ku pariye waditye. Mmanawa ay amun ini ku samah ig huwivwihpika, ayge nikwe wixwiyme piyihpika avim ini.