Lúkas 22:17 - Uhokri Gahegbetawni Nukune akak Sawmus

¹⁷ Ayteke ig iwe pohow higeptet. Ig kabayha Uhokri. Ig awna gitkis: — Amavanay inin win. Mpuse pahavwimpi higap niwntak.

Uhokri Gannasan

¹⁷ Ayteke ig iwé pahow goblé. Ig kabayha Uhokri. Ig awna gitkis: ―Amapanay inin win. Mpuse pahapwimpi higá niwntak.

Lúkas 22:17 Iomraidhean Croise

Sawmus 116:13

Nah ewknek win adahan nukannuh git Kiyavwiye adahan kabeyhene giw ku samah ig amnihpen.

Sawmus 23:5

Hiyawa nuvetunyavu kiyaran nukakuh, heneme ka sam. Pisme ahegbeta nudahan kibeyne iwetrit adahan nah axne ka kiyimanema. Nah ka avis abohri ariknawnama, mmanawa nah kadahan nukavriwten. Ku samah muwtohvutne manava givig gihepka akak tivigu adahan mpithene yu bat atere, hawata adahan miyasene gibuskna, pis hawata pis keh nah ka kiyimanema akak ariknawnama. Pis iki nutuh ka aynsima kabayka. Nah kabahte ka ik adahan amavin akiw. Nah kivun akak batekka kewa pahamku tomawribe kivunanobe akak higapka, dimubdi awaku eg kivunpi mpiynevevye.

Matews 14:19

Igkis ewkwin git. Nikwe ig keh neras pahabunene hiyeg batahkiswebdi amadga ini amatap ayge. Ku aysaw kuwis igkis batebdebdihpikis, ig iwe ini pohowkubunene bugut akak piyananene im. Ig sarayh givegi ta inut, ig kabayha Kiyavwiye Uhokri adahan ini. Ayteke ig sigkabdihavepni. Ig ikepni ta gitkis gikannuhnivwi. Igkisme gikannuhnivwi ibekhepni givuwiwkis neras hiyeg.

Matews 15:36

Ku aysaw kuwis igkis batebdebdihpikis, ig iwe ini ntewnehkerbunene bugut akak ini im. Ig kabayha Kiyavwiye Uhokri adahan ini. Ayteke ig sigkabdihavepni. Ig ikepni ta gitkis gikannuhnivwi. Igkisme ibekhepni givuwiwkis neras hiyeg.

Matews 26:26

Ku samah igkis axnene ayge, ig Kiyavwiye Jesus iwe pahak bugut. Ig kabeyhe Uhokri. Ayteke ig sigkebdihe ini bugut, ig ibekhepni givuwiwkis giwatnivwi. Ig awna gitkis: — Ahah. Inin bugut in nihuh yidahan. Amavaniy, axnay niwntak.

Markus 14:22

Ku samah igkis axnes ayge, ig Kiyavwiye Jesus iwe pahak bugut. Ig kabayha Kiyavwiye Uhokri. Ayteke ig sigkebdihe ini bugut, ig ibekhepni givuwiwkis giwatnivwi. Ig awna gitkis: — Ahah. Inin bugut in nihuh yidahan. Amavanay inin bugut, axnay niwntak.

Lúkas 22:19

Ayteke ig iwe pahak bugut. Ig kabayha Uhokri. Ig sigkebdih ini bugut ig ibekhepni ta givuwiwkis giwatnivwi. Ig awna gitkis: — Inin bugut in nihuh ku pariye nah sigkebdihkis yidahanek. Han pitatit yisme axnek bugut ke ininbe kiberevut adahan yis nukiyetninek.

Lúkas 9:16

Ku aysaw kuwis igkis batebdebdihpikis, ig Kiyavwiye Jesus iwe ini pohowkubunene bugut akak piyananene im. Ig sarayh givegi ta inut, ig kabayha Uhokri adahan ini. Ayteke ig sigkabdihavepni, ig ikepni ta gitkis gikannuhnivwi. Igkisme ibekhepni givuwiwkis neras hiyeg.

Romanus 14:6

Ku pahavwi kiyatha pahay hawkri, ka sam. Ig kiyatin gidahan Uhokri gibetki. In kabay. Hawata ku pahavwi ax im madikte, kawnata sam. Ig axne gidahan Ukivarawiy gibetki. Mmanawa ig kabayha Uhokri adahan ini gimana. Hawata ku pahavwi ka ax madiktema axkaritnenevwi, kawnata sam. Ig maxhewne gidahanwata Ukivarawiy gibetki, ig hawata kabayha Uhokri adahan gimana.

1 Koríntyus 10:16

Nah kehte abektey yidahan. Wixwiy ubetkiwiy pahadguhwa adahan kiyene ku samah Cristo umahkiswe udahanwiy. Wixwiy pahadguvu, ayge wixwiy iwi win wixwiy kabayhin. Ayteke wixwiy higapni. Amun ini wixwiy kiyene ku samah wixwiy pahavwiwa gikak Cristo ku samah ig sukase gimig. Ayteke wixwiy sigkebdih bugut wixwiy axni. Amun ini wixwiy kiyene ku samah wixwiy pahavwiwa gikak Cristo ku samah gih sigkaka.

1 Koríntyus 11:23

Ig Kiyavwiye Jesus kuwis ekke nutuh adahan ku samah wixwiy kiyegi ku samah ig umahkiswe udahanwiy. Nahme kuwis ekkepni yit. Nah ekke yit ku pariye igwa Kiyavwiye Jesus ekke gitkis giwatnivwi. Avim ini tiyegemka avit ig kamaykiswika, ayge ig iwe pahak bugut.