Lúkas 21:8 - Uhokri Gahegbetawni Nukune akak Sawmus

⁸ Igme kaytwa giwnkis: — Ka yi muwaka kinikiswa ta gitkis hiyeg. Mmanawa aysawnemenek ka aynsima hiyeg kahayaknek nuwavrik ke wotbe ignes ayta nuwntakbe. Igkis awnanek: “Nahnewa Cristo, nah Uhokri gikanyan adahan yikumaduketni.” Hawata igkis awna: “Kuwis ahawkanavrik amaksemni hawkri.” Ka ba yi iha inakni giwnkis.

Uhokri Gannasan

⁸ Igme kaytwa giwnkis: ―Ka yi muwaka kinikiswa ta gitkis hiyeg. Mmanawa aysawnemenek kaayhsima hiyeg kahayaknek nuwaprik ke wotbe ignes ayta nuwntakbe. Igkis awnanek: “Nahnewa Cristo, nah Uhokri gikanyan adahan yikumaduketni.” Hawwata igkis awna: “Kuwis ahawkanaprik amaksemni hawkri.” Ka ba yi iha inakni giwnkis.

Lúkas 21:8 Iomraidhean Croise

Matews 24:11

Ayge nikwe ka aynsima hiyeg kahayaknek ku pariye ikawnamahkis Uhokri gawnevevu. Bawa igkis ka giwntakwatma Uhokri. Heneme igkis kinis ka aynsima hiyegnek.

Matews 3:2

Ig awna gitkis hiyeg: — Wagesnabay yihiyekemni ariw yitaraksan mmanawa ahawkanavrik Uhokri gikumadukan kuwis danuh! Henewatbaki ig Joawh Batista awna gitkis hiyeg.

Matews 4:17

Ayteke ig Kiyavwiye Jesus kavusa akka Uhokri giwn gitkis hiyeg. Ig awna: — Wagesnabay yihiyekemni ariw yitaraksan mmanawa ahawkanavrik Uhokri gikumadukan kuwis danuh!

Lúkas 17:23

Avim ini pahavwi awna yitnek: “Kuwis Cristo ay kuwis.” Pahavwime awnanek: “Ig ayntehan nawenyewa paytwempu.” Ka ba yi iha inakni giwnkis. Ka ba yi ivegvan atere.

Lúkas 21:7

Igkis timapni hene, igkis ayavgi: — Kiyavwiye, kabetvahki inakni piwn kahayaknek? Pariye danuh adahan areketni ku in kennesa adawnhanek?

Lúkas 21:9

Ku aysaw yis timapnek arak kutimniki akak kerka ka yi muwaka wadisasaw. Amawka ku inkit danuh, heneme kote danuhte amaksemni hawkri.

Joawh 5:43

Nah ayta yit giwntak Niguh. Hiyaksa yis ka amavan. Heneme wake pahavwi ay yibet amadgaya inin wake ig ayta yit giwnteknewatbe, nikwekam yis amavigkam kabayntiwatkam.

Joawh 8:24

Inneki keh nah awna ku yis miyarapnek akak madikte yitaraksan. Mmanawa ku yis ka kamaxwa nuvitit, yis miyarapnek akak madikte yitaraksan.

Joawh 8:28

Ig Kiyavwiye Jesus hiyapni hene, ig awna gitkis: — Ku aysaw yis ikevunek inut aminat ah ayge nikwe yis hiyaknek ku pariyene nah ku pariye wageswe awayg amadgaya inin. Avim ini yis hiyaknek ku nah ka keh ariknawnema nuwnteknewatma, heneme nah kinetihwa yit ku kamin Niguh kannuhun.

1 Koríntyus 6:9

Ka ba yis hiyapknima ku hiyeg kane kibeynevwima ku ignes ka kawih Uhokri gikumadukan? Ka yi kinikiswa gitkis. Henewatbaki igkis ka kawihti. Ine hiyeg mahayakamnavye. Ine hiyeg ku pariye kiyathenevwi ahehpakti batakkarad. Ine hiyeg ku pariye powkemnavye. Ine hiyeg ku pariye amin giyak awayg.

Efésyus 5:6

Ka yi muwaka kinikiswa gitkis hiyeg ku pariye awna ku ini patahwaki ka sam. Ka ba yis hiyap ku inakni giwnkis waditnevyenen? Ig Kiyavwiye Uhokri ka batek akak ini patahwaki. Ig ivukenek hiyeg patahwavye hanpa arimkanit biyukwiki mmanawa ignes ka ihpatrunema giwn.

2 Tesalonisenses 2:3

Ka yi muwaka kinikiswa arit nawenyewatma iwit akiw. Kote ikte adahan Kiyavwiye Jesus danuh atan adahan pisenwevye akak inin hawkri. Amawka avit ig keh hene, amawka ayipa gihiyegavu gitepkemnikis aytakihan. Ayteke ariwntak ini pahavwi awayg kahayaknek. Ig atiwkekne taraksaki. Ig ikaksaka adahanikwa biyukwiki.

2 Timótyu 3:13

Igkisme neras kinisekevutnevwi mbeyevye igkis wagehnene arimkat pi ambayte akiw. Igkis kinis ka aynsima hiyeg akiw. Igkisweke kinisekbet.

1 João 4:1

Nukebyuvwi kibeynevwi, ka yi muwaka ihpa giwnkis madiktema hiyeg ku pariye ikawnamahkis ke wotbe giwnkis pes giwntakbe Kiyavwiye Uhokri Gitip. Amawka wixwiy avuriw giwnkis baki in ayta giwntakwatma Kiyavwiye Uhokri. Mmanawa gaytakis hiyeg akka wasaymkanen. Igkis ikaw ke wotbe igkis ekkene Uhokri gihiyekemnibe bawa gihiyekemnikis ka ayta giwntakma Kiyavwiye Uhokri. Akebi neras hiyeg muwapuw amadga hawkri kuwis.

2 João 1:7

Kadahan ka aynsima kinisekevutnevwi muwapuw amadga inin hawkri kuwis. Igkis kinetihwa gitkis hiyeg ku Jesus Cristo ka ayta wotwiy giwntakma Kiyavwiye Uhokri, ig ka wageswa ihtikeknema kema wixwiyma. Ku yis timap pahavwi awna inakni hene, igi kinisekevutne. Ig Cristo givetunya.

Apokalípsi 1:3

Ku pariye hiyeg ivegbohevye inin kagta gitkis hiyeg igi uti ka aynsima kabaykanek. Hawata akiw neras ku pariye timepnevwi inakni inetit amin ku pariye nehmnikuhpiye igkis hawata uti ka aynsima kabaykanek. Ku igkis iha inakni iwit ku pariye tameknene ay amadga inin kagta, igkis hawata uti ka aynsima kabaykanek. Mmanawa kuwis kennesa adawnhan ini hawkri nehmnikuhpiye ku kavim madikte ini arikna kahayaknek.

Apokalípsi 12:9

Ayteke nikwe ig ner kene waramwibe nopsadnene, ig padekwika inuriktak. Igi ner Kaybune ku pariye humaw minikwak. Ig kanumka giw Wavitye Gikivarakis. Ig kanumka giw Satanas, Uhokri Givetunya. Ig ku pariye kinis madikte hiyeg amedgenevwi inin. Ig ner padekwika inuriktak amadgat wayk payak gikakkis gihiyegavu ahj mbayavye.