Lúkas 21:34 - Uhokri Gahegbetawni Nukune akak Sawmus

³⁴ — Misakwanabay ahegbet avanenekwa avit ini hawkri danuh. Ka yi muwaka ikatuswa arit amadgaya inin. Ka yi muwaka ikatuswa arit fet arit uwkihwaki. Nawenetke pahaye adahan in hawkri danuh yis ka iknima.

Uhokri Gannasan

³⁴ ―Msakwanabay ahegbet apanenekwa apit ini hawkri danuh. Ka yi muwaka ikatuswa arit amadgaya inin. Ka yi muwaka ikatuswa arit fet arit urukihwaki. Nawenétke pahaye adahan in hawkri danuh yis ka iknima.

Lúkas 21:34 Iomraidhean Croise

Sawmus 35:8

Heneme, ku aysaw igkis ka wahapnimanek, igkis umahavepkanek. Innewa giteynikis ku pariye gahegbetankis kamaxwigkisnek; igkis tuguhenek atere arikut, ayge igkis miyarapnek.

Matews 13:22

Inme amutri ayak ku pariye tuguhpiye abetit pudukuvwi, innebaki arakak gidahan pahavwi ku pariye timap Uhokri giwn ig amavin kabayntiwa. Heneme ig pi ikatuswete adahan arikna amadgaya inin. Ig kinikiswate arit igiska amadgaya inin. Ayge nikwe Uhokri giwn mpithaka abet gihiyekemni. Ig ka kannuhwa keh Uhokri gibetki. Amun ini nikwe ig awayg humaw waditnevyenen kewa pahakti amutribe ku pariye kane kew.

Markus 13:9

— Misakwanabay ahegbet avit ku pariye danuh ta yitnek avim ini hawkri. Mmanawa avim ini yis kamaxwikanek, yis waxwepka ta givetunatkis hiyeg giwewkistenkisnek. Hawata yis biptepkanek ariku leglis. Avim ini yis kamiyepkanek ta gitkis hiyaptigi, ta gitkis yikivaravu. Yis waxwepka ta givetunatkis avatra ku samah yis nuhiyegavu. Ka sam. Ini humaw yihawkanavrik adahan yis kinetihwene nudahan giwtrikkis.

Markus 4:19

Henneme igkis pi ikatuswete adahan arikna amadgaya inin. Igkis kinikiswete arit igiska amadgaya inin. Igkis miyarhawte aharit arakembet arikna mpiy giw Uhokri. Ayge nikwe Uhokri giwn mpithaka abet gihiyekemnikis. Igkis ka kannuhwa keh Uhokri gibetki. Amun ini nikwe igkis hiyeg humaw waditnevyenen ke pahakti amutribe ku pariye kane kew.

Lúkas 10:41

Igme Kiyavwiye Jesus kaytwa guwn: — Marta, Marta. Pis ikano pitew adahan arakembet annivwit. Pis kiyimwihwa nikak.

Lúkas 12:40

Yisme kawnata hiyaknima ku kabet nah danuhnek, nah ku pariye wageswe awayg amadgaya inin. Nah danuhnek pahaye adahan. Amawka ku yis ahegbetnenekwa takunipti.

Lúkas 17:3

— Avuriwnabay ku samah yihiyekemni. Ku pikebyi tarakse pikak, amawka pis akka gitaraksan git. Ku ig awna: “Henewa nah tarakse”, ku ig wagese gihiyekemni, uya bayahminig ariw ini gitaraksan.

Lúkas 21:35

Ke pahavwi hiyegbe pahaye adahan ig sibuhe ariku tey ig ka hiyaknima. Pahaye adahan in dehekwig. Mmanawa henewa in danuh ta gitkis madikte hiyeg amedgenevwi inin.

Lúkas 21:8

Igme kaytwa giwnkis: — Ka yi muwaka kinikiswa ta gitkis hiyeg. Mmanawa aysawnemenek ka aynsima hiyeg kahayaknek nuwavrik ke wotbe ignes ayta nuwntakbe. Igkis awnanek: “Nahnewa Cristo, nah Uhokri gikanyan adahan yikumaduketni.” Hawata igkis awna: “Kuwis ahawkanavrik amaksemni hawkri.” Ka ba yi iha inakni giwnkis.

Lúkas 8:14

Egnesme nor amutri ayak ku pariye tuguhe ta abetit pudukuvwi, egnesbaki arakak gidahankis hiyeg ku pariye timap Uhokri giwn ignes amavin. Heneme kibeye, kibeye, igkis pi ikatuswate adahan arikna amadgaya inin. Igkis kinikiswate arit igiska, arit batekka amadgaya inin. Ayge nikwe igkis ka kannuhwa keh Uhokri gibetki. Amun ini nikwe igkis humaw waditnevyenen kewa pahakti amutribe ku pariye sarayh guw, heneme egkis ka kahawkan ivat egkis kigise madikte.

1 Koríntyus 5:11

Nikwe nah ka awna adahan yis ka darihwak gikakkis kane Jesus gihiyegavuma. Heneme nah awna adahan yis ka darihwak gikakkis neras ku pariye ikewnenevwi ke wotbe igkis Jesus gihiyegavube kibeynewatnen, heneme igkis gibetkikis taraksa. Nah awna giminkis neras ku pariye ikewnenevwi ke wotbe igkis Jesus gihiyegavube kibeynewatnen, heneme igkis gibetkikis mahayakemnihwa, igkis gibetkikis kowtyakuhwa, igkis gibetkikis kiyatha ahehpakti batakka, igkis gibetkikis pataha hiyeg giwkis, igkis gibetkikis uwkihwa, igkis gibetkikis arewha gitkis hiyeg. Ka yi muwaka darihwak aynesnima gikakkis akebi neras. Axkawa yis ka ax gikakkis.

1 Koríntyus 6:10

Ine hiyeg amevwavye. Ine hiyeg kowtyakuvye. Ine hiyeg ba gibetkikis uwkihwa. Ine hiyeg ku pariye gibetkikis pataha hiyeg giwkis. Ine hiyeg arewhavye. Akebi neras hiyeg ka kawihti Uhokri gikumadukan.

Gálatas 5:20

In keh wis kiyatha arikna amadgaya inin mpiy Kiyavwiye Uhokri. In keh wis hikuhak git ihamwi. In keh wis ka batekak. In keh wis iniyak. In keh wisweke atihpekbet. In keh wis dagawnhaw pawtak. In keh wis ikaw kabayte giw pahavwi. In keh wis ka ihpak pawtak. In keh uhiyekemni ibekhewbet.

Filipénses 4:6

Ka yi muwaka kiyimwihwa akak ariknawnema. Piriyepkawnabay adahan madikte. Ayapnay git Kiyavwiye Uhokri madikte ku pariye yimawkanitnene. Kabayhanigbay abetimpi ini yiviryepkawni.

Ebréws 12:15

Avuriwaknabay pawtak kahadbe yuma pahavwinema yaytak tuguhkisne gabay Kiyavwiye Uhokri. Avuriwnabay kahadbe yuma kanaktinka humaw ayge yibet. Ku yis kanaktinbet, in keh yis kayah ke wotbe manegusbe hiyan ayge yibet. In keh ka aynsima hiyeg kiyimare.

2 Pedru 3:10

Heneme aysawnemenek gihawkanavrik danuh adahan ig pisenwevye akak inin hawkri. Pahaye adahan in danuh ke pahavwi amepyebe ig danuh, hiyeg ka wahapnigma. Avim ini hawkri, en mehwe akak kimanka ka ahawnasima. Madikte ku pariye amadgaya en in wohap akak tiket. Inin waxri akak madikte ku pariye amadgaya inin in mehwenek.

2 Pedru 3:14

Nikwe nukebyuvwi kibeynevwi, ku wixwiy wahepne akebi ini hawkri, uyay misakwa ahegbet avit gidawnhan kahadbe ig patiptakawiy akak uhiyekemniwiy barewbetye yuma uvathawniwiy aynesnima.

Apokalípsi 3:3

Kiyeminanabay amin ini hiyakemniki ku pariye kamin yis kannuhwe, ku pariye kamin yis kuwisnene timap. Ka ba yi isahkiswa niw. Wagahkisnabay yihiyekemni. Ku yis ka kannikasa yihiyekemni, nah ayta pisenwanek yikak pahaye adahan, ke pahavwi amepyebe ig danuh git hiyeg ku kavim ig ka wahapnigma. Yisme kawata yis ka hiyaknek ku kabet nah danuh.