Lúkas 21:19 - Uhokri Gahegbetawni Nukune akak Sawmus

¹⁹ Ku yis ka isahkiswa nuwhunek, yis aymuhwa gimun Uhokrinek adahan avanenekwa.

Uhokri Gannasan

¹⁹ Ku yis ka isahkiswa nuwhu, yis aymuhwa gimun Uhokri adahan apanenekwa.

Lúkas 21:19 Iomraidhean Croise

Sawmus 37:7

Hiyawa pis mayaksa pihiyekemni git Kiyavwiye Uhokri. Wahapnig akak madikte kiyaknihwaki adahan ig wadithebdih pihawkan. Ku pis hiyap pahavwi taraksevye madikte wew kabayntiwa gidahan, ka muwaka kiyimwihwa gikak. Ku pis hiyap pahavwi ig kehne madikte mbayka ku pariye ig kehkere, kawnata muwaka kiyimwihwa gikak.

Sawmus 40:1

Nah wahep akak kiyaknihwaki adahan igme Kiyavwiye Uhokri Dehetniye ayta amnihun. Kibeyne, ig ataybiswe nutuh ig timep namnihswan git.

Matews 10:22

Ayge madikte hiyeg amiyhevyinek awaku ku samah yis nuhiyegavu. Ka sam. Ku yis ka isahkiswa nuwhunek danuhte amaksemni hawkri, yis isahptawnek.

Matews 24:13

Ka sam. Ku yis ka isahkiswa nuwhunek he amaksemni hawkri, yis isahptawnek.

Lúkas 8:15

Egnesme nor amutri ayak ku pariye tuguhe ta abetit waxri kibeyne waxri egnesbaki arakak gidahankis hiyeg ku pariye timap nuwnuh ignes kamaxni kabayntiwa. Gihiyekemnikis inyewa kibeynewa. Igkis ka isahkiswa nuwhu aynesnima. Ayge nikwe igkis keh Uhokri gibetki kabayntiwa. Amun ini nikwe igkis humaw kewa pahakti amutribe ku pariye kew kabayntiwa.

Romanus 15:4

Madikte Uhokri gannasan in adahan ukannuhtenwiy. In adahan ikene wawaygiwiy adahan wixwiy ka miniw ariw wohpanwiy inin kabayka ku pariye nehmnikuhpiye.

Romanus 2:7

Ku pariye hiyeg tiviknene kehnene kabayka, igkis mpiksewnenes aharit Uhokri gibereswan, igkis mpiksewnenes aharit Uhokri gikiytani, igkis mpiksewnenes aharit gaymahwankis gimun Uhokri, akebi neras hiyeg utinek kabayka dehetniki.

Romanus 5:3

Hiyawa wixwiy hiyap mbeyne, heneme ka sam. Wixwiy udukweneywa kibeyhenene Uhokri. Mmanawa wixwiy hiyakni ku ini mbeyne ku in ukannuhtenwiy adahan wixwiy kannuhwa kamaxwa givitit Uhokri abetnewa mbeyne.

Romanus 5:4

Ku wixwiy kamaxwenene givitit Uhokri abetnewa mbeyne, nikwe ig Uhokri parak abet uhawkanwiy. Avim ini nikwe in keh wixwiy pi ivegte givitit akiw.

Romanus 8:25

Wixwiyme, ini kabayka ku pariye wixwiy wahepnene in kote danuhte. Heneme wixwiy kiyaknihwa adahan wixwiy wahepnene ku aysaw in danuhnek adahan wixwiy humaw avigkutavrik ku samah Uhokri gimawkan.

1 Tesalonisenses 1:3

Ku aysaw usuh piriyepkaw git Wigwiy Kiyavwiye Uhokri, usuh kiye avanenekwa ku samah yikamaxwan keh yis kannivwiye gidahan Kiyavwiye Uhokri. Usuh kiye ku samah yis kannivwi gidahan akak madikte yibetki mmanawa yis batek gikak ka aynsima. Usuh kiye ku samah yis ka isahkis yikamaxwan aynesnima mmanawa yis ivegnenekwa givitit Ukivarawiy Jesus Cristo.

2 Tesalonisenses 3:5

Ig Kiyavwiye Uhokri woka yihiyekemninek adahan yis amnihak pawtak akakwa gamnihra ay yivit, adahan yis kamaxwenene givitit Kiyavwiye Uhokri abet ini mbeyne akakwa Cristo gikamaxwan ay yivit.

Ebréws 10:36

Amawka ku yis mpiksaw keh Kiyavwiye Uhokri gibetki aynesa akiw kahadbe pisenwa yis darih madikte ini kabayka ku pariye Kiyavwiye Uhokri gikaksan udahanwiy yis ka biyuk nikak.

Ebréws 6:11

Ininewa numawkan adahan yis mpuse yaytak mpiksaw han pitatit he danuhe yimaksemni kahadbe yis inyewa darih ini kabayka ku pariye wohpanwiy.

Ebréws 6:15

Ig amekene Abraawh timapni hene, ig kiyaknihwenenekwa he ku aysaw inakni giwn danuh git. Ayge nikwe metakwa ig darih ini Kiyavwiye Uhokri gikaksan git.

Tiyagu 1:3

Mmanawa ku aysaw wixwiy mpiyasa mbeyne akak ukamaxwanwiy givitit Kiyavwiye Uhokri, in ikite wawaygiy akiw, in keh wixwiy kamaxwate givitit Kiyavwiye Uhokri akiw.

Tiyagu 1:4

Nikwe kamaxwanabay givitit Kiyavwiye Uhokri kabayntiwa akak madikte yikamaxwan. Ayge nikwe yis huwitnek avigkutavriknawa ku samah Kiyavwiye Uhokri gimawkan. Nikwe yuma ariknawnema muwekne yit.

2 Pedru 1:6

Ayteke nikwe amawka ku wixwiy kannuhwa avuriw uhiyekemniwiy kabayntiwa. Ayteke nikwe amawka ku wixwiy kannuhwa kiyaknihwa abetnewa mbeyne. Ayteke nikwe amawka ku wixwiy kannuhwa darihwak gikak Kiyavwiye Uhokri.

Apokalípsi 1:9

Nah Joawh, nah yikebyi Jesus gihiyega. Ku samah wixwiy pahavwiwa gikak Jesus Cristo, wixwiy hiyepne mbeyne hawata ke igbe, heneme kibeyne wixwiy hawata kawihne gikumadukan. Hawata akiw kibeyne ig iki wawaygiwiy adahan wixwiy dehewnene abetnewa ini mbeyne hawata ke igbe. Nah sarayhpika atan avit inin kewgihri kewye Patmus awaku ku samah nah ekkene Uhokri giwn, awaku ku samah nah ekkene Jesus Cristo ginetni.

Apokalípsi 13:10

Ku Uhokri ikiswanaw adahan pahavwi yaytak kamaxwika, ka sam, hiyawa ig kamaykiswa. Ku amawka pahavwi umehpika akak iwan, kawnata sam, hiyawa ig umahkiswa. Awaku ini pugamawka yis Uhokri gihiyegavu amawka yis kamaxwa givitit Uhokri kabayntiwa. Amawka yis kamaxwenene givitit abetnewa ini mbeyne.

Apokalípsi 14:12

Ku pariye hiyeg kane amava axtigi gitamka igkis hiyapnek mbeyne ay amadga inin. Ka sam. Amawka Uhokri gihiyegavu kamaxwenene givitit abetnewa ini mbeyne. Ku pariye ihpenevwi Uhokri gikumadukan, ku pariye kamaxwenevwi givitit Kiyavwiye Jesus amawka ku igkis kamaxwa givitit kabayntiwa abetnewa ini mbeyne. Amawka igkis ka isahkis gihiyekemni.

Apokalípsi 3:10

Kibeyne, yis ihpene nuwnuh yis dehewnene abetnewa mbeyne ku samah nah kuwis ayap yit. Inneki keh nah mpithaynek ariw ini mbeyevye hawkri ku pariye nehmnikuhpiye gitkis madikte hiyeg ku pariye misekwenevwi amadga wayk adahan gihikektenkis.