Lúkas 21:12 - Uhokri Gahegbetawni Nukune akak Sawmus

¹² — Heneme avit ini mbayka danuh, yis nuhiyegavu kamaxavepkanek gavitkis hiyegviyenenek yis hiyapkiska mbeyne yitnek. Avim ini yis kamiyevepkanek ariku gileglisakis. Ayteke nikwe yis paraksepkanek arikut parakseket. Hawata akiw yis kamiyevepkanek ta gitkis yikivara, ta gitkis hiyaptigi. Yis waxwavepkanek ta givetunatkis avatra ku samah yis nuhiyegavu.

Uhokri Gannasan

¹² ―Henneme apit ini mbayka danuh, yis nuhiyegapu kamaxwika gapitkis hiyegnek yis hiyapkiska mbeyne yitnek. Apim ini yis kamiyepkanek agiku gileglisakis. Ayteke nikwe yis paraksepka agikut parakseket. Hawwata akiw yis kamiyepkanek ta gitkis ikiparat ta gitkis hiyaptigi. Yis waxepka ta gipetunatkis apatra ku samah yis nuhiyegapu.

Lúkas 21:12 Iomraidhean Croise

Matews 22:6

Igkisme gasemnekis kamaxave gibukvig. Igkis arewhe gitkis. Igkis umahavegikis.

Matews 24:8

Heneme in he akavuskanenwa mbeyne. In ke pahavu tinobe ku aysaw eg kavusa kayah gukamkayh adahan eg pamakutekwiyo. In he akavuskanen.

Lúkas 21:11

Avim ini ka aynsima sagkaki ka ahawnasima muwapuw waxribdiw. Hawata mbeyevye karayt biwh muwapunek. Hawata ka aynsima mihetniki danuh muwapunek. Hawata akiw mbeyevye arikna humawnek amadga en. In keh hiyeg avis ka aynsimanek.

Joawh 15:20

Kiyeminahnabay amin inakni nuwnuh yit kaksa. Nah awna: “Pahavwi ibukti ka kiyatema giw gikivara.” Ku samah igkis hiyapkise mbeyne nutuh, hawata igkis hiyapkis mbeyne yitnek. Heneme ku samah gaytakis hiyeg iha nuwnuh hawata gaytakis iha yiwnek.

Joawh 15:21

Igkis keh arakembet mbayka yikaknek avatra ku samah yis nuhiyegavu. Mmanawa igkis ka hiyak ner ku pariye nawahkisten.

Attus 22:30

Ig awna: — Kavatra neras judeyenevwi kamiye ner awayg? Nikwe hewke akiw ig watakise xen giwanmintak. Ig wasavanew giminkis neras muwveg kiyatyevwi adahan igkis keh givahdukawnikis gikakkis madikte judeyenevwi gikivarakis. Igkis pahadguvunene, nikwe ig waxwase Pol givetunatkis.

Attus 5:40

Igkis timapni hene, igkis ihe inakni giwn. Nikwe igkis parakse Kiyavwiye Jesus giwatnivwi ariku ini xam ku kiney igkis pahadguvunene. Ayge igkis biptasevgikis. Pisenwa nikwe igkis awna gitkis: — Ka ba yi kinetihwa gimin Jesusmin akiw. Ayteke nikwe igkis isahkiswigkis.

Attus 8:3

Igme Sawlu mpiksaw adahan ig pisenwa gihawkankis Jesus gihiyegavu. Muwapuw paytwempu ig parak givinekutkis. Ig taris awaykemni payak gukakkis tinogben. Ig padakgukis tahan arikut parakseket.

Attus 9:4

Ig tuguhe waygborit. Ayge ig timap pahat ikuvimnat awna git. In awna: — Sawlu, Sawlu. Mmahki pis hiyapkisne mbeyne nutuh?

1 Pedru 2:13

Ihpanabay giwnkis madikte ukivarawiy amadgayavu inin, gidahan Kiyavwiye Uhokri. Ihpanabay giwn ikivarat ku pariye ka aynsima kiyatenene ayge.

Apokalípsi 2:10

Ka yi muwaka avis abohri ini mbeyne ku pariye me danuhmet yit. Yaytak sarayhkiskanek arikut parakseket gavit wavitye gikivarakis adahan yihikekten. Henewatbaki ig keh. Ka aynsima hawkri yis hiyap mbeynenek. Hiyawa yis miyarap, heneme ka sam. Kamaxwanabay nuvitit kabayntiwa. Ku yis keh hene, nikwe nah katiwnihyinek akak ini iyuwti ku pariye keh yis aymuhwa adahan avanenekwa.