Lúkas 20:6 - Uhokri Gahegbetawni Nukune akak Sawmus

⁶ Heneme ku wixwiy kaytwa giwn ku ig uti gikumadukan he giwntakisnen hiyeg amadgayavu inin, nikwe madikte neras hiyeg ay padaktevwiynek. Mmanawa gitkis ig Joawh Batistamni ignewa Uhokri gawneve.

Uhokri Gannasan

⁶ Henneme ku wixwiy kaytwa giwn ku ig utí gikumadukan he giwntakkisnen hiyeg amadgayapu inin, nikwe madikte nerras hiyeg ay padaktepwiynek. Mmanawa gitkis ig amekene João Batistamni ignewa Uhokri gawnepe.

Lúkas 20:6 Iomraidhean Croise

Matews 11:9

Mmah yis yivewkan ku yis utivgi Uhokri gawneve ayge? Henewa. Ignewa Uhokri gawneve yis uti. Heneme ig mpiybeta Uhokri gawnevevu pitatyevwi mmanawa ig ekkene ku Uhokri gikumadukan kuwis ahawkanavrik.

Matews 14:5

Ayge nikwe ig Erodis aharitne giwmasepten. Heneme ig avisemun gibohrikis neras judeyenevwi awaku igkis ikiy Joawh Batista ku ig Uhokri gawneve.

Matews 21:26

Heneme ku wixwiy kaytwanek giwn ku ig uti gikumadukan he giwntakkisnen hiyeg amadgayavu inin, nikwe madikte neras hiyeg ay hahayruke ukakwiynek. Mmanawa gitkis neras hiyeg ig Joawh Batistamni ignewa Uhokri gawneve.

Matews 21:46

Ayge nikwe igkis mpiksew giharit adahan gikamaxwitni. Heneme igkis avisemun gibohrikis neras hiyeg kabubuknene ayge awaku ignes hiyeg iki Kiyavwiye Jesus ku ig Uhokri gawneve.

Matews 26:5

Heneme igkis awna: — Ka ik adahan wixwiy kamaykisgi abet fet. Awaku nawenetke hiyeg fetyavu kannikawbetnek utivutwiy givatra.

Markus 12:12

Neras judeyenevwi giwewkistenkis timapni inakni iwit patuwesbunka hene, igkis pukuhe ku ig awna inakni iwit giminkis ku samah igkis tukuhptevgi. Ayge nikwe igkis mpiksaw giharit adahan gikamaxwitni. Heneme igkis avisemun gibohrikis neras hiyeg kabubuknene ayge awaku ignes hiyeg kiyatha Kiyavwiye Jesus.

Lúkas 1:76

Pis nukamkayh, pis kanumkanek Kiyavwiye Uhokri inurikyene gawneve mmanawa pis danuh gavitkiya Ukivarawiynek adahan pis ahegbeteviye madikte avit gaytni.

Lúkas 20:5

Igkis timapni hene, igkis kinetihwa pawtak adahan ahegbeteviye ginetnikis. Ayge igkis awna: — Ku wixwiy kaytwa giwn ku ig Joawh Batistamni uti gikumadukan giwntakwa Uhokri, nikwe ig awne wotwiy: “Mmahki nikwe yis ka iha giwn?”

Lúkas 20:7

Ayteke nikwe igkis kaytwa giwn Kiyavwiye Jesus: — Usuh ka hiyak ku kariwntak ig uti gikumadukan.

Lúkas 7:30

Igkisme neras farizewkis gikakkis neras kannuhekevutnevwi amin amekene Moís gikumadukan igkis tukuhe ku pariye Uhokri ikiswanaw gidahankis, mmanawa igkis ka kaywasaw ta git Joawh Batista.

Joawh 10:41

Ka aynsima hiyeg atere git. Igkis awna: — Amekenemni Joawh Batista ka keh annut, heneme ig awna inyewa inetit gimin ner awayg.

Attus 5:26

Ner avuriwnevwi gikivarakis adahan Kiyavwiye Uhokri Givin ig timapni hene, ig tivik atere gikakkis gihiyegavu. Igkis danuh atere, igkis kamaxe Jesus giwatnivwi, igkis waxwevgikis givetunatkis gikivarakis ku samah igkis kehnes givahdukawnikis. Heneme igkis ka kiboka arewha gitkis mmanawa igkis pukuhpaw gibohrikis neras hiyeg ayge. Igkis avise ku nawenetke igkis padaktepka akak tipnek.