Lúkas 20:21 - Uhokri Gahegbetawni Nukune akak Sawmus

²¹ Ayteke nikwe igkis danuh atere git Kiyavwiye Jesus, igkis awna git: — Kiyavwiye, usuh hiyakni ku pis awna wadit pis kannuhak wadit. Pis ka awna mpusema iwit gidahankis hiyeg. Pis awna pahatwowa iwit ta gitkis madikte hiyeg. Hiyawa hiyeg gihiyekemnikis nawenyewa ariw pidahan, heneme in ka sam ta pit. Pis awna pahatwowa iwit. Pis akka Uhokriyewa gihiyekemni gitkis.

Uhokri Gannasan

²¹ Ayteke nikwe igkis danuh atere git Kiyapwiye Jesus, igkis awna git: ―Kiyapwiye, usuh hiyakpi ku pis awna wadit pis kannuhak wadit. Pis ka awna mpusema yuwit gidahankis hiyeg. Pis awna pahatwowa yuwit ta gitkis madikte hiyeg. Hiyawa hiyeg gihiyakemnikis nawenéwa ariw pidahan henneme in ka sam ta pit. Pis awna pahatwowa yuwit. Pis akki Uhokriyerwa gihiyakemni gitkis.

Lúkas 20:21 Iomraidhean Croise

Sawmus 12:2

Madikte hiyeg kinisak pawtak. Igkis kinis hiyeg ke wotbe igkis awna inyewatbe iwit bawa he kinisakanenwa nibet.

Sawmus 55:21

Ku aysaw ig awna nutuh, giwn mitibdite ariw dibe, heneme avit giyakni dagawnakanenwa. Hawata akiw ku aysaw ig awna, giwn hagehgeye iwit, hagehgete ariw iyti, heneme ayawi kewa iwanbe kane guyawisima.

Matews 22:16

Ayteke nikwe igkis awahkise gikannuhnivwi payak gikakkis Erodis gihiyegavu gimin Kiyavwiye Jesus. Igkisme danuh atere, igkis awna git: — Kiyavwiye, usuh hiyak ku pis waditye hiyeg. Pis ka awna mpusema iwit gidahankis hiyeg. Pis awna pahatwowa iwit gitkis madikte hiyeg. Hiyawa hiyeg gihiyekemnikis nawenyewa ariw pidahan, heneme in ka sam ta pit. Pis awna pahatwowa iwit. Pis akka Uhokriyewa gihiyekemni gitkis.

Markus 12:14

Igkisme danuh atere, igkis awna git: — Kiyavwiye, usuh hiyakpi ku pis waditye hiyeg. Pis ka awna mpusema iwit gidahankis hiyeg. Pis awna pahatwowa iwit ta gitkis madikte hiyeg. Hiyawa hiyeg gihiyekemnikis nawenyewa ariw pidahan, heneme in ka sam ta pit. Pis awna pahatwowa iwit. Pis akki Kiyavwiye Uhokriyewa gihiyekemni gitkis. Kiyavwiye, usuh muwaka hiyak pahat hiyakemniki. Ig kiyavwiye Sezar neras romayenevwi gikivarakis ig mpiksaptih wixwiy judeyenevwi adahan wixwiy katiwnihgi.

Lúkas 20:20

Heneme igkis avuriwnig kabayntiwa. Igkis awahkis hiyeg yawayavu atere gimin adahan gayaminetni ke wotbe igkis awna avititakwatbe giyaknikis bawa kawa igkis he gikinsetninen. Igkis aharitne adahan ig awna taraksebet adahan igkis gimetkepten adahan igkis gikamaykiswitni ta git hiyaptigi.

Lúkas 20:22

Kiyavwiye, usuh muwaka hiyak pahat hiyakemniki. Ig kiyavwiye Sezar neras romayenevwi gikivarakis ig mpiksaptih wixwiy hiyeg judeyenevwi adahan wixwiy katiwnihgi. Ba wadit adahan wixwiy katiwnihgi? Ba ka wadit?

Joawh 3:2

Pahay hawkri tiyegem ig tivik danuhpene git Kiyavwiye Jesus. Ig danuh atere, ig awna git: — Kiyavwiye, usuh hiyakni ku Kiyavwiye Uhokri awahkispi adahan ukannuhten. Yuma pahavwinema awayg hiya akehka akebi ini annut ku pariye pis keh. Wake pis ka gikakma Kiyavwiye Uhokri, pis ka hiyakam nikehka.

2 Koríntyus 2:17

Ay ka aynsima hiyeg ku pariye ekkene Uhokri giwn adahan ivegvene gikakurakis nikak. Yaytak hiyeg ayge awna ku usuh hawata ke ignesbe. Bawa ka inyewatma, nukebyuvwi. Usuh ka aharitnema ariknawnema. Usuh ekkene Uhokri giwn yit awaku usuh gawahkisni adahanikwa ini. Usuh ekkene inakni giwn yit giwtriknewa Uhokri awaku ku samah usuh pahavwiwa gikak Cristo.

Gálatas 1:10

Igkis hiyeg matekbetenevwi yihiyekemni igkis awna numinuh ku inakni nnetni ka ariknawnema. Igkis awna ku nah he awna inetit ku pariye hiyeg batek timap. Bawa ka henema, nukebyuvwi. Nah ka aharitnema adahan hiyeg amedgenevwi inin adahan ignes batek nukakuh. Nah aharitne adahan ignewa Kiyavwiye Uhokri batek nukakuh. Nah ka kehnema hiyeg amedgenevwi ininma gibetkikisnen. Wake nah kehnebe hiyeg amedgenevwi inin gibetkikisnenwatbe, nikwekam nah Cristokama gibukam.

Gálatas 2:6

Igkisme neras ku pariye wewkisnevwi Jesus gihiyegavu ayge, igkis ku pariye kiyatyevwi ayge, igkis tuguhkis gihiyekemnikis hehpekuye nukakuh. Igkis ka muwaka nah uniyeh nnetni aynesnima. Heneme uyay ka iha hiyeg giwnkis ininewatma awakuma ku samah ignes kiyatyevwi giwtrikkis hiyeg amedgenevwi inin. In ka samwa nutuh aynesnima. Ka innema keh Kiyavwiye Uhokri kiyatha pahavwi.