Lúkas 20:16 - Uhokri Gahegbetawni Nukune akak Sawmus

¹⁶ Nah akkite yit. Ig ayta pisenwa gikakkisnek. Pisenwa nikwe ig ibekhe giwasra pabakak gikakkis nawenyevwi hiyeg akiw. Igkis timapni hene, igkis awna: — Gikak Uhokrinek in ka danuh.

Uhokri Gannasan

¹⁶ Nah akkite yit. Ig ayta pisenwa gikakkisnek. Pisenwa nikwe ig ibakha giwasra pabakak gikakkis nawenépwi hiyeg akiw. Igkis timapni henne, igkis awna: ―Gikak Uhokrinek in ka danuh.

Lúkas 20:16 Iomraidhean Croise

Matews 21:34

Ku aysaw danuh avatyavrik amutri, ig awahkise gihiyegavu ta giminkis neras akavriwten was adahan igkis iweviye gamutra guw adahan ewkwiye ta git.

Matews 21:41

Igkisme kaytwa giwn: — Ig umahkise neras akavriwten giwasra awaku igkis mbeyevye gihiyekemnikis. Pisenwa nikwe ig ibekhe giwasra pabakak gikakkis nawenyevwiwa akavriwten akiw. Ig ikepni giwakuritkis hiyeg ku pariye iki gamutra guw ta git ku aysaw danuh avatyavrik gamutra.

Matews 22:7

Ayteke ig ner ikivarat hiyapni hene, ig dagawne. Nikwe ig awahkise gisuwtatavu giminkis neras umehekevutnevwi. Ignesme umahavevgikis, bukahave givinkis.

Markus 12:9

Pisenwa gawnan inakni iwit patuwesbunka, ig Kiyavwiye Jesus awna gitkis: — Kuri uyay akki nutuh. Pariye yivewkan ig was akivara keh gikakkis neras akavriwten giwasra? Nah akkite yit. Ig ayta pisenwa gikakkisnek. Pisenwa ig ibekhe giwasra pabakak gikakkis nawenevwiwa hiyeg akiw.

Lúkas 19:27

Ayteke ariwnteke ini ig gikivarakis awna gitkis: “Kuri, su yi atak kamaxave neras nuvetunyavu ku pariye kane muwaka nah humaw gikivarakis. Waxwanigkis ayta nutuh adahan yis umahavevgikis ay nuvetun.”

Lúkas 20:15

Ayteke nikwe igkis tukuhpig ayteke amadgatak giwasra igkis umehpig. Pisenwa gawnan inakni iwit patuwesbuhka, ig Kiyavwiye Jesus awna gitkis: — Uyay akka nutuh. Pariye yivewkan ig was akivara keh gikakkis neras akavriwten giwasra nikwe?

Attus 13:46

Igme Pol gikak Barnabe igkis hiyapni hene, igkis kinetihwa gitkis akak madikte gawaygikis. Igkis awna: — Amawka Kiyavwiye Uhokri ginetni ekkepka yitkit yis hiyeg ku pariye judeyenevwi. Heneme yis ka amevekere inakni ginetni. Mmahki yis ka darihkere ini dehetniki adahan yis aymuhwa gimun Kiyavwiye Uhokri adahan avanenekwa? Ku samah yis ka amevekere ginetni nikwe usuh ayguhwete yiw adahan usuh akkin gitkis hiyeg ku pariye kane judeyenevwima.

Romanus 11:1

Nawenetke pahavwi yaytak hiyapni hene, ig awna: “Kuri nikwe ig Uhokri tukuhe gihiyegavu izhaewyenevwi.” Nukebyi, ka muwaka awna inakni hene. Nahwa izhaewyene, nah gihiwhi amekene Abraawh, giwntak amekene Benjamih, heneme Uhokri ka tukuhun.

Romanus 11:11

Nawenetke pahavwi yaytak hiyapni hene, ig awna: “Mmah nikwe hiyeg judeyenevwi gitaraksankis mmah adahan avanenekwa?” Kawa, nukebyi, ka adahanma avanenekwatma. Heneme ini gitaraksankis kawih adahan wokene ahin gidahankis hiyeg ku pariye kane judeyenevwima kahadbe igkis hawata danuhne git Uhokri. Hawata akiw ig Uhokri amnihe neras kane judeyenevwima kahadbe igkis judeyenevwi atihpak givatra.

Romanus 3:31

Nawenetke pahavwi yaytak hiyapni hene, ig awna: “Ku Uhokri hiyavwiy kewa kibeynevwibe giwtrik kuwis awaku ku samah ukamaxwanwiy kuri, mmeneki wixwiy muwaka iha giwn Uhokri gikumadukan akiw?” Nukebyi, ka muwaka awna hene. Ku samah wixwiy kamaxwa givitit Kiyavwiye Jesus in keh wixwiy pi muwakapte adahan iha giwn gikumadukan.

Romanus 3:4

Nukebyi, ig keh madikte. Ig awna avanenekwa ku pariye inyewatnene iwit. Hiyawa madikte hiyeg amadgayavu inin kinis, igme ka kinis. Inakni ku samah Uhokri gannasan kinetihwa gimin Uhokri. In awna: “Kiyavwiye Uhokri, nutaraksan keh nah hiyekep ku pisnewa waditye. Nah hiyekep awaku ku samah nah ka wadit. Inneki keh nah hiyakpi ku pisnewa waditye. Avanenekwa piwn pes waditnenekwa. Ku aysaw hiyeg awna: ‘Awase akak’ ignes tarakse. Pis utipkanek ku pis awna wadit.” Henewatbaki in Uhokri gannasan awna.

Romanus 3:6

In avawyewa giw Uhokri gihiyekemni. Wake ig ka katiwnisabe utaraksanwiy wotwiybe, nikwekam amun ini ig ka kehkam wadit. Nikwekam ig ka hiya igma katiwnisa gitaraksankis gitkis madikte taraksavye aysawnemenek amaksemni hawkrinek. Heneme ig wadit. In kabay adahan ig tukuhave patahwavye giw.

Romanus 6:15

Nawenetke pahavwi yaytak hiyapni hene, ig awna: “Wixwiy iveg avitit Uhokri gabay adahan ig keh wixwiy isahptaw. Nikwe ka sam wixwiy taraksa Uhokri gikumadukan. Mmanawa wixwiy ka iveg avitit inin ku samah wixwiy ihpene giwn gikumadukan adahan in keh wixwiy isahptaw.” Nukebyi, ka muwaka awna inakni hene.

Romanus 6:2

Kawa. Nukebyi, ka ba awna inakni hene. Wixwiy uhiyekemniwiy taraksevye in ke wotbe in kuwis miyapbe wowiy. Amawka wixwiy ka muwaka kannikasin akiw adahan wixwiy keh abetki akiw.

Romanus 7:13

Nawenetke pahavwi yaytak hiyapni hene, ig awna: “Heneme ini gikumadukan ku pariye kibeynewa innewa keh nah uti miyaka akiw.” Kawa, nukebyi, uvathawni arannivwi keh wis uti miyaka. In nuvathawni keh nah taraksa akak inakni giwn ku pariye kibeynewatnen adahan in keh nah uti miyaka. Ayge nikwe metakwa nah hiyeke ini nuvathawni. Nah hiyeke ku inyewa nuhiyekemni patehwevye. Mmanawa amekene Moís gikumadukan keh ini nuvathawni amebyemni pi kahayakte akiw ku in mbeyevye mpiynevevye.

Romanus 7:7

Nawenetke pahavwi yaytak hiyapni hene, ig awna: “Nikwe amekene Moís gikumadukan in ka kibeynema.” Nukebyi, ka ba awna inakni hene. Innewa amekene Moís gikumadukan areketni wot ku pariye ka kibeynema adahan wis keh. Nah akkite yit ku samah. Wake amekene Moís gikumadukan ka awnabe nutuh: “Ka ba miyarhaw” nikwekam nah ka hiyakkam ku nah kehne mbayka ku samah nah miyarhaw. Nah ka hiyakkam ku patahwaki ay abet nuhiyekemni.

Romanus 9:14

Nawenetke pahavwi yaytak hiyapni hene, ig awna: “Uhokri ka keh wadit ku samah ig ka kavigsa amekene Ezaú gihiwhivwi.” Nukebyi, ka muwaka awna inakni hene.

1 Koríntyus 6:15

Ka ba yis hiyapknima ku uvitwiy pahavwiwa gikak Cristo? Uvitwiy ke wotbe in givitwatbe. Nikwe ka hiya wisma daykis Cristo givit gukak pahavu tino powkemnivyo. Ka hiya wisma keh hene.

Gálatas 2:17

Ku aysaw wixwiy iveg givitit Cristo adahan ignewa keh wixwiy kewa kibeynevwibe giwtrik Uhokri, nikwe wixwiy ka wew avigkutavrik judeyenevwi gikumadukankis akiw. Nawenetke pahavwi hiyap gaytakis Uhokriyanvu ku pariye ka hiwhkama givitkis, ig hiyap gaytakis akiw ku pariye ax pakir arih. Ig hiyapni hene ig awna: “Yis tarakse Uhokri gikumadukan. Nikwe nutuh yikamaxwan givitit Cristo keh yis humaw taraksavye”. Nukebyuvwi, inakni iwit ka wadit. Cristo ka kehti hiyeg humaw taraksavye.

Gálatas 3:21

Nawenetke pahavwi yaytak timapni hene, ig awna: “Ku hene nikwe, in amekene Moís gikumadukan suguh Kiyavwiye Uhokri gikaksan kabayka wotwiy.” Nukebyi, ka muwaka awna inakni hene. In amekene Moís gikumadukan in kabay heneme in ka hiya inma keh wixwiy aymuhwa gimun Kiyavwiye Uhokri adahan avanenekwatma. Wake gikumadukan hiya akehkabe wixwiy aymuhwa gimun Kiyavwiye Uhokri, nikwekam in ikeyvikam. Wixwiy ka muwakakam nawenyewatma akiw adahan in keh wixwiy humaw kibeynevwi giwtrik Kiyavwiye Uhokri.

Gálatas 6:14

Nahme ka batek kinetihwa amin ariknawnema awkinenwa uvitiw. Nah batek kinetihwa aminnenwa ku samah Ukivarawiy Jesus Cristo umahkiswe amin giyakni nudukwenavrik. Ku samah ig umahkiswe amin giyakni nudukwenavrik nah ke wotbe nah aygebe daddahka payak gikak. Kuri nah ke wotbe nah kuwis miyap ariw inin hawkri ahiyekemni. Inme inin hawkri ahiyekemni in ke wotbe in kuwis miyap nuwhu.