Lúkas 20:10 - Uhokri Gahegbetawni Nukune akak Sawmus

¹⁰ Ku aysaw danuh avatyavrik amutri, ig awahkise pahavwi gihiyega ta giminkis neras akavriwten was adahan igme iweviye abusku gamutra guw amadgatak giwasra adahan ewkwiye ta git. Igkisme akavriwten was igkis kamaxe ner gihiyega. Igkis biptevgi. Ayteke igkis awahkiswig henen. Igme tivik, ig danuh ta git gikivara yuma ariknawnema giwaku.

Uhokri Gannasan

¹⁰ Ku aysaw danuh apatyaprik amutri, ig awahkise pahapwi gihiyega ta giminkis nerras akapriwten was adahan igme iwepye abusku gamutra guw amadgatak giwasra adahan ewkwiye ta git. Igkisme akapriwten was igkis kamaxe ner gihiyega. Igkis biptepri. Ayteke igkis awahkiswig hennen. Igme tipik danuh ta git gikipara yuma ariknawnama giwaku.

Lúkas 20:10 Iomraidhean Croise

Sawmus 1:3

Ig humaw kewa pahakti ahbe mutuhka akigbimna warik ku pariye sarayhnanokwa guw avanenekwa. ku aysaw guhawkanavrik danuh, eg ka taraksati. Guvan hawata avanenekwa ka miyavewti. Igi hiyeg hawata. Madikte ku pariye gikehni in adahan kabaykanenwa.

Lúkas 13:34

Aa, yis jerusalémyenevwi, yis jerusalémyenevwi, yis umahave Uhokri gawnavevu. Yis padaktave madikte hiyeg ku pariye Uhokri gawahkisni yimin. Bawa ka aynsima hawkri nah muwaka kavigsay ke pahavu takarakbe awahpusano gukamkayh anavi guhanpi. Hiyaksa yisme ka muwaka hene.

Lúkas 20:11

Ig was akivara hiyapni hene, ig awahkise pahavwiwa gihiyega atere akiw. Igme danuh atere, igkis keh hawata gikak akiw. Igkis biptevgi, igkis mahivwihpig, igkis awahkiswig henen yuma ariknawnema giwaku.

Lúkas 20:9

Ayteke nikwe ig Kiyavwiye Jesus kavusa awna pahat iwit patuwesbuhka ta gitkis madikte hiyeg ayge. Ig awna: — Minikwak pahavwi awayg mutuhe giwasra. Giwasra uvavunen. Ayteke ig ibekhe giwasra pabakak gikakkis neras ku pariye nikavriwten. Pisenwa ig tivik ta avitit paha waxri akiw. Ig atak adahan ayivwite.

Joawh 15:16

Ka yisnema ka kaniyhun adahan nah humaw yikagmada. Heneme nah kaniyvey adahan yis humaw nukagmadavu. Nah kaniyyi adahan yis wew muwapuw kehnenekwa nubetki, adahan yis humaw kewa atawnibdibe kane ariwtinisima ku pariye kane mewhawti. Nah kaniyyi adahan yannivwi ka waditnevyenenma. Nah kaniyyi adahan Wigwiy iki yit madikte ku pariye yayapni git nuwavrik.

Romanus 7:4

Nukebyuvwi, wixwiy hawata kewa nor tinobe. Minikwak wixwiy kumadukasaw arit amekene Moís gikumadukan. In ke wotbe wixwiy maripkewne nikak. Inme gikumadukan kewa ugihgiwiybe. Kurime wixwiy kewa pahavu tinobe ku pariye kuwis miyop giw gugihgi. Ku samah ig Cristo umahkiswe in ke wotbe wixwiywatbe miyap payak gikak ayge. Kuri wixwiy kuwis isahptew ariw amekene Moís gikumadukan adahan wixwiy wageswa gidahan pahavwiwa akiw. Kuri wixwiy gidahan Cristo ku pariye kannikasepka ariwntak gimiremni. Ku samah wixwiy pahavwiwa gikak Cristo, amun ini nikwe kabayka gidahan Uhokri pes wowntakwiy.