Lúkas 2:7 - Uhokri Gahegbetawni Nukune akak Sawmus

⁷ Heneme yuma iwetrit ayge gudahan ariku payt danuhpenevwi givinkis. Ayteke nikwe egkis ute paha payt pak avin. Ayge eg sarayhe gukamkayh guhimnatine. Eg awasamkuhpig akak giybet. Eg haritasevgi amadgat pak amanarati.

Uhokri Gannasan

⁷ Henneme yuma iwetrit ayge gudahan agiku payt danuhpenepwi gipinkis. Ayteke nikwe egkis uté pahá payt pak apin. Ayge eg sarayhe gukamkayh guhimnatine. Eg awasamkuhpig akak giybet. Eg haritasig ta amadgat pak amanaratiy.

Lúkas 2:7 Iomraidhean Croise

Sawmus 22:6

Nahme ay pivetun kuri nah ka ariknawnama ta pit. Nah yuma nukiytani aynesnima givetunkis hiyeg. Nah yuma aynesnima nawaygi gitivutkis. Madikte igkis mahivwihun. Igkis amiyhevun.

Matews 1:25

Heneme ig ka meh gimun gukak he eg pamakuteke gukamkayh. Eg pamakuteke, eg sarayh gukamkayh, igme José sarayh bakimni giw Jesus.

Matews 13:55

Ka ba ig he ahevutnenen gikamkayh? Ka ba nernema kinagniyo kiyavuno Mahi? Ka ba Tiyagu gikak José, Simawh, Judas, ka ba igkisnema gisamwivwi?

Matews 8:20

Igme Kiyavwiye Jesus kaytwa giwn: — Ba pis ahegbetnema adahan pis hiyepne mbeyne payak nukakuh? Puwikne kadahan giwetrikis ariku miyokwiye. Kuhivra kadahan guwetrikis avewi ah. Nahme ku pariye wageswe awayg amadgaya inin, nah yuma nuwetri adahan nah mayekne.

Lúkas 10:34

ig atere git, ig iwevgi, ig haviywote gibuskana akak win akak tivigu. Ayteke ig wanakute gibuskana akak kamis. Pisenwa ig kidiswig ig batahkiswig ta aduhyamadgat givig kaway. Ig waxwevgi ta arikut payt danuhpenevwi givinkis. Ayge ig avuriwvig.

Lúkas 2:6

Egkis danuh atere, eg kiyavuno Mahi gukaygavrik danuh adahan eg pamakutekwiyo.

Lúkas 2:8

Aygenewa avit ini waxri pahabu muwtohvutne ayge amatmadga. Igkis ayge avuriwnes givigkis muwtoh hewke tiyegem.

Joawh 1:14

Kibeyne. Ig ner ku pariye “Uhokri giwn” ig wageswe hiyeg amadgaya inin. Ig ihtikekne. Ig aytwe misekwe atan ubetitwiy wixwiy amadgayavu inin. Ig ka gabayisima. Ig awna hiyakemniki ku pariye inyewatnene. Akakwa wowtyak usuh hiyap gikiytani kabutenne ay givit, nernewa Kiyavwiye Uhokri gikamkayh gikiytani.

2 Koríntyus 8:9

Mmanawa yis kuwis hiyak ku pariye kabayka Ukivarawiy Jesus Cristo keh udahanwiy ku samah ig amnihwiy. Ig igisye gimun gig, heneme ig madiptiswe udahanwiy kahadbe wixwiyme humaw igisavye akak kabayka awaku ku samah ig madiptiswe udahanwiy.

Gálatas 4:4

Heneme ku aysaw ahawkanavrik danuh ku pariye Kiyavwiye Uhokri ikaksin, ig awahkise gikamkayh uminwiy. Igme kanagsaw gut pahavu tino amadgaya inin, ig kumadukasaw arit amekene Moís gikumadukan