Lúkas 2:41 - Uhokri Gahegbetawni Nukune akak Sawmus

⁴¹ Mpuse pahak kamukri hiyeg judeyenevwi fetya adahan ignes kiyenes ku samah minikwak Uhokri wiwhkiswiye amekenegben giwakutakis hiyeg ejituyenevwi. Jesus ginag gikak José egkis inpawa atak ta avitit paytwempu Jerusalém adahan egkis mpiyasene ini fet atere.

Uhokri Gannasan

⁴¹ Mpuse pahak kamukri hiyeg judeyenepwi fetya adahan ignes kiyenes ku samah minikwak Uhokri wiwhkiswiye amekenegben giwakutakkis hiyeg ejituyenepwi. Kiyapwiye Jesus ginag gikak amekene José egkis inpawa atak ta apitit paytwempu Jerusalém adahan egkis mpiyasa ini fet atere.

Lúkas 2:41 Iomraidhean Croise

Lúkas 2:42

Ig Jesus barew gitakwayisa kuwis madikawkubu kamukri akak pikana arawna (12) gaw, egkis tivik gikak ta avitit Jerusalém ku samah inpawa egkis keh.

Joawh 11:55

Ahawkanavrik kaba danuh adahan hiyeg judeyenevwi kehne ini fet adahan axne muwtohyan arih. Igkis axni adahan kiyene ku samah minikwak Kiyavwiye Uhokri umahkise muwtohyan gidukwenavrikkis amekenegben adahan ig giwiwhkiswitnikis giwakutakis hiyeg ejituyenevwi. Avit gifetrakis kavusa, ka aynsima hiyeg tivik avitit Jerusalém. Igkis atere adahan barewvithewnekis ariw givathawnikis.

Joawh 13:1

Ayteke ariwnteke ini, kaba danuh ahawkanavrik adahan ini fet adahan axne muwtohyan arih. Hiyeg judeyenevwi axni adahan kiyene ku samah minikwak Kiyavwiye Uhokri umahkise muwtohyan gidukwenavrikkis amekenegben kahadbe ig giwiwhkiswitnikis giwakutakis hiyeg ejituyenevwi. Ig Kiyavwiye Jesus hiyapni hene, ig hiyakni ku gihawkanavrik kaba danuh adahan ig tivikwiye amadgatak inin diyuhpiye git Gig. Henewa gihawkan makisup, ig batekye gikakkis gihiyegavu amadga inin. Ayteke nikwe ig ekke gitkis huwewe ku ig batek ukakuh mpinevevye. Nah akkite yit ku samah.

Joawh 2:13

Ayteke ahawkanavrik danuh adahan hiyeg judeyenevwi fetya adahan kiyene ku samah minikwak Kiyavwiye Uhokri wiwhkiswiye amekenegben giwakutakis hiyeg ejituyenevwi. Ig Kiyavwiye Jesus hiyapni hene, ig tivik avitit paytwempu Jerusalém ku kiney gifetrakis.

Joawh 6:4

Kaba danuh ahawkanavrik adahan hiyeg judeyenevwi gifetrakis adahan igkis axne muwtohyan arih. Igkis axni adahan kiyene ku samah minikwak Kiyavwiye Uhokri umahkise muwtohyan gidukwenavrikkis amekenegben adahan ig giwiwhkiswitnikis giwakutakis hiyeg ejituyenevwi.