Lúkas 2:36 - Uhokri Gahegbetawni Nukune akak Sawmus

³⁶ Ku samah ig awnempiye inakni iwit, pahavu tino danuh atere. Guw Ana. Eg pahavu Uhokri gawneve. Eg amekene Fanuwew gikamkayh, eg aseryano. Eg kiyaparuvyo kuwis. Eg kigihgunyo adahan ntewnehkerbu kamukri.

Uhokri Gannasan

³⁶ Ku samah ig awnempiye inakni yuwit, pahapu tino danuh atere. Guw Ana. Eg pahapu Uhokri gawnepe. Eg amekene Fanuwew gikamkayh, eg aseryano. Eg kiyaparupyo kuwis. Eg kigihgup adahan ntewnehkerbu kamukri.

Lúkas 2:36 Iomraidhean Croise

Sawmus 92:14

Akak gikivaykis neras hiyeg adukwenewa sarayhnene giwkis. Igkis detyevwi avanenekwa hawata igkis ayvekuye gawaygikis.

Lúkas 2:35

Mmanawa ig hiyapkisnek ku pariye hiyakemniki ayemewnene ay avit hiyeg giyaknikis. Pisme kiyavuno, pis kayahnek abet pihiyekemni ka aynsima.

Lúkas 2:38

Eg danuh atere, eg utevgikis ayge. Eg hiyapni hene, eg kabayha Uhokri. Han pitatit eg kinetihwano gimin Jesus ta gitkis neras jerusalémyenevwi ku pariye wahepnenevwi gamnihtenkis.

Attus 2:18

Avim ini nah kawihkis nutivuhnek givititkis nuhiyegavu awaykemni payegbitak gukakkis nuhiyegavu tinogben. Egkis madiktehkis awnanokwiyosnek iwit ku pariye pes nuwntak.

Attus 21:9

Ig kadahan paxnika gukebikis gise himanovwiyo. Egkis kabunuga akak Kiyavwiye Uhokri gannu adahan awnanos iwit ku pariye pes giwntak Kiyavwiye Uhokri.

1 Koríntyus 11:5

Egme pahavu tino ku aysaw eg akkano iwit ku pariye pes giwntak Uhokri eg awasta gutew. Hawata eg awasta gutew amun ini ku aysaw eg piriyepkawno ay gibetkis hiyeg. Eg awasta gutew awaku ku samah eg kumadukaka gavit gugihgi. Wake eg ka awasvitnema gutewbe, amun ini eg miyathakam gugihgi ku pariye gutew. In keh hiyeg ikigu ku eg ka ihpanoma giwn. In maraki gidahan ke wotbe eg yumahbe gusemnibe.

1 Koríntyus 12:1

Kuri nukebyuvwi, nah muwaka yis hiyak amin Uhokri Gitip gannu ku pariye ikaka uvitwiy. Nah muwaka yis pukuhpin kabayntiwa ku pariye in.

1 Timótyu 3:2

Ini annivwit in kibeyne, nikwe amawka ig pahavwi ig kibeyne hiyeg hawata. Amawka ku ig ikaw Uhokriyanbetnewa kane taraksevyema. Amawka ku ig pahavuwa gihayo. Amawka ku ig kannuh avuriw gihiyekemni kabayntiwa. Amawka ku ig wew akak kibeyne hiyakemniki. Amawka ku ig ikaw kiyate. Amawka ku ig ka giyaknisima amava hiyeg givinekut. Amawka ku ig kannuh kannuhak amin Uhokri gihiyekemni.

1 Timótyu 5:9

Ku pahavu madankuno muwaka ini iwetrit adahan hiyakno gukakkis tinogben, amawka ku eg mpiyasa puguhkunabu madikwa (60) kamukri gaw. Amawka ku eg kigihguhwa pahavwiwa gugihgi. Eg ka maytwig adahan kamax pahavwiwatma.

Apokalípsi 7:6

Hawata akiw ayge madikawku mil hiyeg akak piyana mil gawnakis gikebikis (12.000) gaytakkis amekene Azer gihiwhivwi. Hawata akiw ayge madikawku mil hiyeg akak piyana mil gawnakis gikebikis (12.000) gaytakkis amekene Naftali gihiwhivwi. Hawata akiw ayge madikawku mil hiyeg akak piyana mil gawnakis gikebikis (12.000) gaytakkis amekene Manasses gihiwhivwi.