Lúkas 2:34 - Uhokri Gahegbetawni Nukune akak Sawmus

³⁴ Ayteke ig amekene Simeyawh kiye Uhokri gudahankis. Pisenwa ig awna ta gut Jesus ginag: — Kibeyne. Kiyavwiye Uhokri ikiswanaw gidahan ner pikamkayh adahan ig humaw areketni Uhokri gihiyekemni ta gitkis hiyeg izhaewyenevwi. Aysawnemenek ka aynsima hiyeg tukuhwevwa giw pikamkayhnek. Amun ini nikwe igkis biyukapnek. Heneme ka aynsima hiyeg akiw kamaxwevyes givititnek. Igkis danuh ta git Uhokrinek.

Uhokri Gannasan

³⁴ Ayteke ig amekene Simeyawh kiyé Uhokri gudahankis. Pisenwa ig awna ta gut Kiyapwiye Jesus ginag: ―Kibeyne. Uhokri ikiswanaw gidahan ner pikamkayh adahan ig humaw arekhetni Uhokri gihiyakemni ta gitkis hiyeg israelyenepwi. Aysawnemenek kaayhsima hiyeg tukuhwepwa giw pikamkayhnek. Amun ini nikwe igkis biyukapnek. Henneme kaayhsima hiyeg akiw kamaxwepyes ta gipititnek. Igkis danuh ta git Uhokrinek.

Lúkas 2:34 Iomraidhean Croise

Matews 11:19

Nahme nah ku pariye wageswe awayg amadgaya inin, nah danuh atan nah ka henema. Nah ka maxhaw, nah higap win. Heneme kawnata hiyeg amavan. Igkis awna: “Ka ba yis hiyap ner awayg kayhpiye kahigvekevye? Ig gibetki darihwak gikakkis ladwan, gikakkis hiyeg kane kibeynevwima akiw. Ig kawnata kibeynema hiyeg.” Ka sam. Ku pariye hiyeg hiyeknevwi hiyakemniki ignesnewa ka mahikohnek Uhokri gihiyekemni. Igkis amavinnek.

Matews 12:46

Ku samah ig Kiyavwiye Jesus awnempiye inakni iwit, ginag gikakkis gisamwivwi egkis danuh atere. Egkis misekwe kabaywak. Aytontak kabaywaktak egkis wasavanaw gimin Kiyavwiye Jesus ku egkis awnakere gikak.

Matews 21:44

Mmanawa ig Uhokri gannasan awna: “Ku pariye hiyeg teswiye ta guvitit nor tip igkis tuguhe dunibdiwarumpikisnek. Egme nor tip ku eg tuguhe givititkis hiyeg, batewbetwarumpi igkisnek.”

Matews 27:63

Igkis danuh atere, igkis awna git: — Kiyavwiye, usuh kiye ku pariye ner kinisekevutne giwn ku samah ig aytente ay ukakuh. Ig awna: “Abet amamnam hawkrinek ariwntak numiremni, nah kannikawnek akiw.”

Lúkas 2:35

Mmanawa ig hiyapkisnek ku pariye hiyakemniki ayemewnene ay avit hiyeg giyaknikis. Pisme kiyavuno, pis kayahnek abet pihiyekemni ka aynsima.

Joawh 3:20

Hiyeg taraksavye kawnata batek akak kabutniki amadgaya inin. Igkis ka peskere abetit kabutniki mmanawa igkis ka muwaka gitaraksankis hiyakan.

Joawh 5:18

Neras judeyenevwi giwewkistenkis hiyapni hene, igkis ka aynsima aharit giwmasepten akiw. Igkis giwmasepten ka ininewatma awaku gitkis ig ka kiyatha samdi, heneme hawata awaku gitkis ig kinisekevutne. Mmanawa ig kighaw git Kiyavwiye Uhokri. Amun ini nikwe ig ekkewne ku igwata Uhokri. Gitkis ka henema.

Attus 13:45

Igkisme judeyenevwi hiyapni hene ku samah ba gikebentenkis hiyeg, igkis atihe Polkis. Ayteke nikwe igkis mpithevye hiyeg timap Pol giwn. Igkis awna: — Pol ka awna wadit. Igkis mahivwihpig.

Attus 17:6

Heneme igkis ka utivgikis. Igkis hiyapni hene, igkis pekkise PolJasoh. Igkis kamaxwig gikakkis nawenyevwi Jesus gihiyegavu ayge. Ayteke igkis kehpigkis tahan givetunatkis paytwempuyenevwi gikivarakis. Igkis danuh atere, igkis wasaymew gidahankis gitkis hiyaptigiviyene. Igkis awna: — Neras hiyeg ku pariye wagesave hiyeg gihiyekemnikis muwapuw ku avim inin igkis danuh atan adahan usigmehpitni.

Attus 24:5

Ner awayg Pol ig sigimwikevutne ig. Ig dakuhwesene hiyeg judeyenevwi muwapuw amadga wayk. Ig gihwitentenkis neras hiyeg taraksavye kewye nazareyenevwi.

Attus 28:22

Henneme usuh time arak ku samah hiyeg muwapuw mbeyhene giwkis neras ku pariye wewnenevwi akak Kiyavwiye Jesus gihiyekemni. Inneki keh usuh timepkere piwn gidahankis.

Attus 4:26

Madikte gikivarakis hiyeg amedgenenevwi inin igkis ahegbete ginetnikis adahan igkis suguhnes Kiyavwiye Uhokri. Madehkis ikivarat tuguhkis gihiyekemnikis hehpekuye adahan igkis kavetunsenes Kiyavwiye Uhokri adahan igkis kavetunsenes Cristo, ku pahavwi Uhokri gikanyan adahan ukumaduketniwiy.”

Attus 6:7

Ariwnteke ini Kiyavwiye Uhokri giwn ibekhewvi muwapuw givuwiwkis hiyeg. Igkis Jesus gihiyegavu ayge Jerusalém igkis ka aynsima kibihwe akiw. He ka aynsima muwveg igkis hawata kamaxwe givitit Kiyavwiye Jesus avim ini.

Romanus 9:32

Nawenetke pahavwi yaytak hiyapni hene, ig awna: “Mmahki ka hiya igkisma?” Nah akkite pit. Awaku akak gikehbetankisnenwa igkis mpiksaw adahan igkis ikewnes kibeyne giwtrik Uhokri. Igkis ka kamaxwekere givitit Kiyavwiye Jesus. Amun ini nikwe ig Kiyavwiye Jesus humaw kewa pohow tipbe ku kavitit igkis tese igkis tuguhe dunibdiwarumpi.

1 Koríntyus 1:23

Heneme gaytakkis ku pariye Uhokri gikanyanvu adahan ignes humaw gihiyegavu, igkis pukuhpin ku samah Cristo gimiremni in Uhokri gidatni adahan wamnihtenwiy. Mmanawa ini ku pariye ikaka ku in yuma Uhokri gidatni nibet, ini ka aynsima datte ariw hiyeg gidatnikis amadgaya inin.

Ebréws 7:1

Ig amekene Mewkisedeki ig akivara paha paytwempu kewye Saleh. Ig gimuwvega Kiyavwiye Uhokri ku pariye kane gikiytanisima. Minikwak ku aysaw amekene Abraawh diyuhpiye abetitak ini kerka ku kavim ig mateke ka aynsima ikivarat, ig amekene Mewkisedeki patiptakig atere, ig sarayhe kabayka givitit.

Ebréws 7:7

Heneme in kahayak huwewe wot ku ig amekene Mewkisedeki ig ka aynsima kiyate giw amekene Abraawh mmanawa ku pariye sarayhne kabayka givitit pahavwi igi kiyate giw.

1 Pedru 4:14

Ku yis mahivwihpika awaku ku samah yis Jesus gihiyegavu, ka sam. Amun ini yis uti ka aynsima kabaykanek. Ayge avim ini yis gitiphewne Kiyavwiye Uhokri yis kivun akak batekkanek.