Lúkas 2:26 - Uhokri Gahegbetawni Nukune akak Sawmus

²⁶ Ig Uhokri Gitip kuwis akka git ku avit ig miya ig hiyepnete Cristo danuh atan amadgat inin.

Uhokri Gannasan

²⁶ Ig Uhokri Gitip kuwis akki git ku nekwa ig miyá ku ig hiyapwa Cristo ay amadga inin.

Lúkas 2:26 Iomraidhean Croise

Sawmus 2:2

Madikte gikivarakis hiyeg amedgenevwi inin igkis ahegbete ginetnikis adahan suguhnekis Kiyavwiye Uhokri Dehetniye. Madikte igkis ikivaratviyene tuguhkis gihiyekemnikis hehpekuye adahan igkis kavetunsenekis nernewa ku pariye Kiyavwiye Uhokri gikanyan adahan ukumaduketniwiy.

Sawmus 2:6

Ig awnanek gitkis: “Kuwis nah kaniye pahavwi adahan yikumaduketni. Kuri avim inin nah keh ig humaw yikivara ay avit inin nuwaxig kewye Siyawh.”

Sawmus 25:14

Ig Kiyavwiye Uhokri Dehetniye darihwak gikakkis neras ku pariye kane taraksekere gikak. Ig akka gitkis madikte gihiyekemni adahan ku samah igkis misakwa pasamrak pawtak gikak.

Matews 2:12

Ayteke abetnewa garisunawakis ig Uhokri awna gitkis adahan igkis ka diyuh gimuniw Erodis. Ayge nikwe igkis diyuhe givinwatkis avigku nawenyewa ahin.

Lúkas 2:29

— Kuri Kiyavwiye, nah ahegbet adahan nah miya akak madikte nubetki. Hiyawa pis iwevun nah pibuk amadgatak inin. Mmanawa kuwis in danuh ku samah pis awna nutuh minikwak.

Lúkas 9:27

Kennesa adawnhan Uhokri gikumadukan. Yaytak ku pariye ay ku akak inin, avit yis miyarapnek yis hiyapninek. Ihanabay inakni nuwnuh. Henewatbaki in.

Joawh 1:41

Pisenwa ig tivik gimkanit gegni Simawh. Ig danuh atere, ig awna git: — Yey. Usuh kuwis patipteke gikak “Messiyas”. Inakni “Messiyas” wownavrik “Cristo”, inaknikok “Uhokri gikanyan adahan ukumaduketniwiy”.

Joawh 20:31

Heneme nah anniri inakni iwit ku pariye nanhan ay kahadbe yis iha ku ig Kiyavwiye Jesus ignewa Cristo, ig Uhokri gikanyan adahan ukumaduketniwiy. Kahadbe yis iha ku ignewa Kiyavwiye Uhokri gikamkayh. Ku yis kamaxwa givitit, yis aymuhwanek gimun Kiyavwiye Uhokri adahan avanenekwa.

Joawh 4:29

— Ba yi ayta iwasa pahavwi awayg ay. Ig akkamnihe nutuh madikte ku pariye nukehnitnene. Mmah kawki nernema Uhokri gikanyan adahan ukumaduketniwiy?

Joawh 8:51

Ku pahavwi ihevye nuwnuh, igi ka miyatiynek. Ig aymuhwa gimun Uhokri adahan avanenekwa. Ihanabay inakni nuwnuh. Henewatbaki in.

Attus 10:38

Yis kuwis time gak Kiyavwiye Jesus Nazaréyene. Yis time gak ku samah Kiyavwiye Uhokri kawihkise Gitip givitit, ig ike gannu givitit. Ayteke nikwe ig Kiyavwiye Jesus tivik muwapuw kehne kabayka. Ig makniwe madikte ku pariye hiyepnevwi mbeyne giwntak wavitye gikivarakis. Ig makniwa madikte mmanawa ig Kiyavwiye Uhokri ay gikak.

Attus 17:3

Ig akkamnihne inakni Uhokri gannasan gitkis. Ig ekkene gitkis huwewe ku in awna ku amawka Cristo hiyap mbeyne ig miya ig kannikaw akiw. Pisenwa ig awna gitkis: — Ner Kiyavwiye Jesus ku kamin nah kinetihwene yit igyewa Cristo. Ig Uhokri gikanyan adahan ukumaduketniwiy.

Attus 2:36

Nukebyuvwi judeyenevwi, ku avim inin nah ikene yinetni marihwa yis hiyakni kabayntiwa ku ig Kiyavwiye Jesus, ner Kiyavwiye Jesus ku pariye yidaddahkisni, ignewa Ukivarawiy. Ignewa Uhokri gikanyan adahan ukumaduketniwiy. Henewatbaki ig Pedru awna.

Attus 9:20

Aynewa ig awna: — Kuri nah kinetihwate gitkis hiyeg gimin Kiyavwiye Jesus. Ayge nikwe ig tivik lammesya ariku judeyenevwi gileglisakis. Ayge ig kinetihwene ku ig Kiyavwiye Jesus ignewa Kiyavwiye Uhokri gikamkayh.

Ebréws 11:5

Amekene Enoki ig hawata kamaxwenewagivitit Kiyavwiye Uhokri. Inneki keh Kiyavwiye Uhokri iwevgi. Ivegi ig tivik gimkat. Ig yuma ay amadga inin akiw mmanawa Kiyavwiye Uhokri iwevgi. Wixwiy hiyakni ku ig kamaxwa givitit Kiyavwiye Uhokri awaku avit Uhokri gannasan kinetihwa amin ku samah Kiyavwiye Uhokri iwevgi, in kinetihwa amin ku samah ig keh Kiyavwiye Uhokri ka aynsima batek.