Lúkas 2:25 - Uhokri Gahegbetawni Nukune akak Sawmus

²⁵ Ayge avit ini paytwempu Jerusalém pahavwi awayg giw Simeyawh. Ig kibeyne awayg. Ig waditye. Ig wahepnenekwa ner pahavwi ku pariye nehmnikuhpiye adahan ikeviye gawaygikis gihiyegavu izhaewyenevwi. Ig Uhokri Gitip aynenekwa givit.

Uhokri Gannasan

²⁵ Ayge apit ini paytwempu Jerusalém pahapwi awayg giw Simeyawh. Ig kibeyne awayg. Ig waditye. Ig wahepnenekwa ner pahapwi ku pariye nemnikumpiye adahan ikepye gawaygyikis gihiyegapu israelyenepwi. Ig Uhokri Gitip aynene gipit.

Lúkas 2:25 Iomraidhean Croise

Markus 15:43

Ig hiyapni hene ku samah takuwa samdi, kuwis ahawkanavrik danuh adahan ahegbetaw adahan mayekne samdi, ig kibokahwe ig tivik ta gimkat Pilatus. Ig danuh atere git, ig awna git: — Kiyavwiye, uya amnihun isaksan adahan nah iweviye amekene Jesusmin givit.

Lúkas 1:41

Ku aysaw eg amakano Isabel time inakni guwn hene, gukamkayh mukuse ay gunaktiniku. Ayge amun ini eg kawihpika gavit Uhokri Gitip.

Lúkas 1:6

Egkis piyamate wadityekuyokis giwtrik Kiyavwiye Uhokri. Egkis ka taraksa Uhokri gikumadukan aynesnima.

Lúkas 1:67

Igme bakimni gig amekene Zakariyas, Uhokri Gitip kawihpig, ig awna iwit ku pariye pes giwntak Uhokri. Giwn:

Lúkas 2:38

Eg danuh atere, eg utevgikis ayge. Eg hiyapni hene, eg kabayha Uhokri. Han pitatit eg kinetihwano gimin Jesus ta gitkis neras jerusalémyenevwi ku pariye wahepnenevwi gamnihtenkis.

Lúkas 23:51

heneme gihiyekemni ka pakekuma akak ku samah igkis kehe gikak Kiyavwiye Jesus ku samah igkis ahegbete ginetnikis adahan giwmasepten. Ig José ig ariwntak paytwempu Arimateya ayge avit Judeyamnaw. Ig wahepnenekwa Uhokri gikumadukan ku aysaw in danuh.

Attus 10:2

Ig batekye gikak Kiyavwiye Uhokri. Ig kiyathig payak gikakkis madikte givinekuya. Ig amnihne ka aynsima judeyenevwi madiptavye. Takunipti ig piriyepkewne.

Attus 10:22

Igkisme kaytwa giwn: — Pahavwi romanyene suwtat gikivarakis kewye kiyavwiye Kornelyu ig awahkise usuh pimin. Ig kibeyne awayg. Ig kiyatha Kiyavwiye Uhokri. Madikte judeyenevwi kabayhig. Amakohnokwa ig Kiyavwiye Uhokri awahkise pahavwi ahj gimin. Igme ahj awna git adahan ig awnasap givinwat adahan ig timepne piwn.

Attus 2:5

Avim ini ayge Jerusalém ka aynsima hiyeg judeyenevwi ku pariye kiyathenevwi Kiyavwiye Uhokri heneme igkis kote timapte gak Kiyavwiye Jesus. Igkis danuhpenes atere adahan igkis fetya. Igkis ayta avititak paytwempu muwapuw amadga inin, aytontak ku kitak igkis misakwa.

Attus 24:16

Inneki keh nah battukaw adahan nuvituh adahan nuhiyekemni barewbet ariw taraksaki gikak Kiyavwiye Uhokri gikakkis hiyeg amadgayavu inin.

2 Pedru 1:21

Mmanawa igkis Uhokri gawnevevu ka awna pahatnema iwit giwntekneswatma. Heneme igwa Kiyavwiye Uhokri Gitip keh igkis awna iwit ku pariye pes giwntak Kiyavwiye Uhokri.