Lúkas 2:16 - Uhokri Gahegbetawni Nukune akak Sawmus

¹⁶ Igkis tivik kibehtenwa. Igkis danuh atere, igkis ivegvevgi. Ayteke igkis ute kiyavuno Mahi gikak José. Ayge igkis hiyap ner bakimni harit amadga pak amanarati.

Uhokri Gannasan

¹⁶ Igkis tipik kibentenwa. Igkis danuh atere, igkis ipegpig. Metakwa igkis uté kiyapuno Mahi gikak amekene José. Ayge igkis hiyá ner bakimni harit amadga pak amanaratiy.

Lúkas 2:16 Iomraidhean Croise

Lúkas 1:39

Ariwnteke ini eg kiyavuno Mahi ahegbetewvi, eg tivik kibehtenwa ta avitit paha paytwempu ku pariye aynene avit waxribdi ay Judeyamnaw.

Lúkas 19:32

Igkis giwatnivwi timapni hene, igkis tivik. Igkis danuh atere, igkis uti madikte ku samah ig Kiyavwiye Jesus awna gitkis.

Lúkas 2:12

Nah akkite yit ku samah yis hiyakgi. Yis utivginek awasamuk akak giybet ig harit amadga pak amanarati.

Lúkas 2:15

Pisenwa gibetkikis igkis tivik ta inurikut akiw. Igkisme muwtohvutnevwi hiyapni hene, igkis kinetihwa pawtak. Igkis awna: — Uyay atak ta avitit paytwempu Belém. Uyay iwasa ini ku pariye danuh wotwiy, ku pariye Uhokri akka wotwiy ku avim inin.

Lúkas 2:17

Igkis hiyapni hene, igkis ekke ta gitkis madikte hiyeg ku pariye neras ahj kinetihwa gitkis gimin ner bakimni.

Lúkas 2:7

Heneme yuma iwetrit ayge gudahan ariku payt danuhpenevwi givinkis. Ayteke nikwe egkis ute paha payt pak avin. Ayge eg sarayhe gukamkayh guhimnatine. Eg awasamkuhpig akak giybet. Eg haritasevgi amadgat pak amanarati.

Lúkas 22:13

Igkis piyananene timapni hene, igkis tivik ta avitit paytwempu. Igkis danuh atere, igkis uti madikte ku samah Kiyavwiye Jesus akkamnih gitkis. Ayge nikwe igkis ahegbete madikte adahan igkis fetya axnes muwtoh arih. Pisenwa igkis diyuhe ta git Kiyavwiye Jesus.