Lúkas 2:14 - Uhokri Gahegbetawni Nukune akak Sawmus

¹⁴ — Kibeyne gidahan Uhokri ay inurik. Batekka ay gidahankis hiyeg ku pariye Uhokri gibetkivu ay amadga hawkri.

Uhokri Gannasan

¹⁴ ―Kibeyne gidahan Uhokri ay inugik. Batekka ay gidahankis hiyeg ku pariye Uhokri gibetkipu ay amadga hawkri.

Lúkas 2:14 Iomraidhean Croise

Matews 21:9

Neras hiyeg kuruwhpiye gavitkig gikakkis neras kuruwhpiye gihavu butte igkis kabiman: — Kibeyne gidahan Kiyavwiye Jesus, ig ukivarawiy hawata ke amekene Davibe. Uhokri gabay gikaknek ner ku pariye ayta giwavrik Uhokri. Kibeyne gidahan Uhokri!

Lúkas 1:79

adahan ig uguhne gihiyekemnikis hiyeg ku pariye abetnenevwi amisnavye, abetnenevwi aviska abohri miyaka. Igi keh wixwiy misakwanek abet pasamraka. Henewatbaki ig amekene Zakariyas awna.

Lúkas 19:38

Igkis awna: — Uhokri gabay gikaknek ner Ukivarawiy ku pariye ayta giwavrik Uhokri. Batekka aynte inurik. Kibeyne gidahan Uhokri!

Lúkas 2:13

Pisenwa ner ahj giwn, pahaye adahan ka aynsima ahj inurikyenevwi hiyapkiswe ayge gihumwa. Igkis kibeyhenes Uhokri. Igkis awna:

Lúkas 2:15

Pisenwa gibetkikis igkis tivik ta inurikut akiw. Igkisme muwtohvutnevwi hiyapni hene, igkis kinetihwa pawtak. Igkis awna: — Uyay atak ta avitit paytwempu Belém. Uyay iwasa ini ku pariye danuh wotwiy, ku pariye Uhokri akka wotwiy ku avim inin.

Lúkas 3:22

Ayteke Uhokri Gitip muhuke givitit, gihivak ke pahavu tukwabe. Ayteke paha ikuvimnat awna aytontak inuriktak. In awna: — Pisnewa nukamkayh nubetki. Nah batek pikak ka aynsima.

Joawh 14:27

— Nah ikisyi akak ini nukanuh yit kariswahwaki. Nah kariswehse yihiyekemni kahadbe yis misakwa hawata ke nahbe, yiyakni karisaw. Nah kariswehse yihiyekemni inyewa, ka kema hiyeg amedgenema inin. Ka yi muwaka barukiswa. Ka yi isaksa aviska parak abetit yihiyekemni.

Joawh 17:4

Pa, kuwis nah kiyathasap ay amadga inin. Nah kuwis pisenwa akak pannivwi madikte ku pariye pikehkisni nutuh.

Joawh 3:16

Mmanawa Kiyavwiye Uhokri batek gikakkis madikte hiyeg mpinevevye. Inneki keh ig ike nernewa gikamkayh adahan ku pariye hiyeg kamaxwevye givitit, ig ka biyuk giw Kiyavwiye Uhokri, heneme ig aymuhwa gimun Kiyavwiye Uhokri adahan avanenekwa.

Attus 10:36

Kuwis ig Kiyavwiye Uhokri akki kibeyne inetit wotuh usuh hiyeg izhaewyenevwi. Inakni inetit gidahan Jesus Cristo ku samah ig keh hiyeg kabeywotvi gikak Kiyavwiye Uhokri. Ig Jesus Cristo ig madikte hiyeg gikivarakis.

Romanus 5:1

Kuri wixwiy kuwis kibeynevwi giwtrik Uhokri awaku ku samah wixwiy kamaxwa givitit Kiyavwiye Jesus. Kuri nikwe wixwiy ik adahan wixwiy darihwak gikak Uhokri givitimpi Ukivarawiy Jesus Cristo.

Efésyus 1:6

Ayge nikwe gikiytani kabayhaka avanenekwa adahan ini gabay kibeynewatnene. Wixwiy ka kiseweknema adahan ig batek ukakwiy, heneme ig batek ukakwiy awaku ku samah wixwiy pahavwiwa gikak gikamkayh gibetki.

Efésyus 1:9

Ku avim inin ig keh wixwiy hiyak gihiyekemni ku pariye minikwak hiyeg kotenene hiyakte. Henewa gibetki ig keh hene. Ig muwaka akki wotwiy ini kabayka ku pariye ig ikiswanaw udahanwiy awaku ku samah wixwiy pahavwiwa gikak Cristo.

Efésyus 2:4

Heneme, kibeyne, ig Kiyavwiye Uhokri ka gamnihrasima. Ig batek ukakwiy mpinevevye.

Efésyus 2:7

Ayge nikwe ig ekkene akiwka akiwkanek ku samah gamnihra in kibeynewatnene. Ig akkin hene akak ku samah ig ka gabayisima ukakwiy wixwiy ku pariye pahavwiwa gikak Cristo.

Filipénses 2:11

Igkis madikte awnenekuye: — Jesus Cristo igi Ukivarawiy. Inneki keh Wigwiy Kiyavwiye Uhokri ig kabayhaka.

Filipénses 2:13

Mmanawa ignewa Kiyavwiye Uhokri keh wixwiy kehkere gibetki. Ig hawata ikene wawaygiy adahan wixwiy avanenekwa kehnenekwa ini gibetki.

Kolosénses 1:20

Givitimpi ner gikamkayh ig Kiyavwiye Uhokri wagese madikte hawkri avigkut ku samah gimawkan. Ig pisenwa akak madikte mbayka inurikya, ay amadgaya inin hawata. Mmanawa ig gikamkayh watekbete madikte inin hawkri ahawkan awaku ku samah ig sukase gimig amin giyakni.

2 Tesalonisenses 2:16

Kibeyne, Ukivarawiy Jesus Cristo gikak Wigwiy Kiyavwiye Uhokri igkis ka gamnihrakisima ukakwiy. Igkis kuwis ike wotwiy wawaygiy yuma amaksemni. Igkis keh wixwiy iveg gimkatkis ku aysawnemenek igkis utipkis wotwiy kibeyne kabayka akiw akak gabaykis.

Apokalípsi 5:13

Ayteke nah timap madikte hiyeg aynte inurik, madikte hiyeg ay amadga inin, madikte hiyeg aynte anavi wayk, madikte hiyeg aynte parahwokwa, madikte hiyeg muwapuw amadga hawkri, igkis peknes avat. Giwnkis: — Kibeyne gidahan Uhokri ku pariye betnene amadga gevwi kiyatyo. Kibeyne hawata gidahan ig Muwtohyan. Kibeyne gidahankis adahan avanenekwa. Igkis ka gabaykisima, ka gikiytanikisima, ka gawaygikisima, ka gidatnikisima adahan avanenekwa.