Lúkas 2:11 - Uhokri Gahegbetawni Nukune akak Sawmus

¹¹ Mmanawa avimnewa inin yamnihten amadgat wayk kuwis. Ig wayvuka avit ini paytwempu ku kiney amekene Davi wayvuka. Igi Ukivarawiy Cristo, ig Uhokri gikanyan adahan yikumaduketni.

Uhokri Gannasan

¹¹ Mmanawa ku apim inin yamnihten amadgat wayk kuwis. Ig waypuka apit ini paytwempu ku kiney amekene Davi waypuka. Iggi Ukiparawiy Cristo, ig Uhokri gikanyan adahan yikumaduketni.

Lúkas 2:11 Iomraidhean Croise

Sawmus 2:2

Madikte gikivarakis hiyeg amedgenevwi inin igkis ahegbete ginetnikis adahan suguhnekis Kiyavwiye Uhokri Dehetniye. Madikte igkis ikivaratviyene tuguhkis gihiyekemnikis hehpekuye adahan igkis kavetunsenekis nernewa ku pariye Kiyavwiye Uhokri gikanyan adahan ukumaduketniwiy.

Matews 1:16

Igme amekene Jakó gikamkayh José, ku pariye kiyavuno Mahi gugihgi. Egme Kiyavwiye Jesus ginag. Igme Kiyavwiye Jesus igi Cristo, ig Uhokri gikanyan adahan ukumaduketniwiy.

Matews 1:21

Eg pamakutaknek pahavwi bakimni, pisme sarayhnek gukamkayh giw Jesus, inakni giw “Uhokri ig amnihkevutne”, mmanawa ig amnihnek madikte gihiyegavu. Ig kehnek igkis isahptaw ariw givathawnikis.

Matews 16:16

Igme Simawh Pedru kaytwa giwn: — Pis Cristo pis Uhokri gikanyan adahan ukumaduketni. Pis Kiyavwiye Uhokri dehetniye gikamkayh.

Matews 16:20

Ayteke ig Kiyavwiye Jesus awna ta gitkis: — Ka yi muwaka kinetihwa ta gitkis hiyeg ku nahnewa ku pariye Uhokri gikanyan adahan yikumaduketni.

Lúkas 1:43

Pis kiyathan ku samah pis ayta danuhpano nutuh mmanawa pis Ukivarawiy ginag.

Lúkas 1:69

Ig kuwis awahkise uminwiy pahavwi wamnihtenwiy detye. Igi gihiwhi amekene Davi ku pariye gibuk Kiyavwiye Uhokri.

Lúkas 2:26

Ig Uhokri Gitip kuwis akka git ku avit ig miya ig hiyepnete Cristo danuh atan amadgat inin.

Lúkas 2:4

Ig José tivikwata adahan ig tamakkiswiye giw. Ig tivik avititak paytwempu Nazaré ku pariye aynene Galileyamnaw. Ig tivik ta avitit Judeyamnaw, ta avitit paha paytwempu kewye Belém, ku kiney amekene Davi ig wayvuka. Ig atak atere mmanawa ig amekene Davi gihiwhi.

Joawh 1:41

Pisenwa ig tivik gimkanit gegni Simawh. Ig danuh atere, ig awna git: — Yey. Usuh kuwis patipteke gikak “Messiyas”. Inakni “Messiyas” wownavrik “Cristo”, inaknikok “Uhokri gikanyan adahan ukumaduketniwiy”.

Joawh 1:45

Ayteke ig Filip tivik iwasene pahavwi gikagmada kewye Natanael. Ig danuh atere, ig awna git: — Usuh kuwis patipteke gikak Uhokri gikanyan adahan ukumaduketniwiy, ner ku pariye amekene Moís kinetihwa gimin minikwak, ner ku pariye Uhokri gawnevevu pitatyevwi kinetihwa gimin. Igi Kiyavwiye Jesus Nazaréyene, ku pariye José gikamkayh.

Joawh 11:27

Egme kiyavuno Marta kaytwa giwn: — Ihi, Kiyavwiye. Nah iha ku pis Cristo, pis Uhokri gikanyan adahan ukumaduketni. Pis Uhokri gikamkayh ku pariye danuhne atan amadgat inin. Igme awna gut: — Ka muwaka avis. Wani pisamu ayta numkat.

Joawh 20:31

Heneme nah anniri inakni iwit ku pariye nanhan ay kahadbe yis iha ku ig Kiyavwiye Jesus ignewa Cristo, ig Uhokri gikanyan adahan ukumaduketniwiy. Kahadbe yis iha ku ignewa Kiyavwiye Uhokri gikamkayh. Ku yis kamaxwa givitit, yis aymuhwanek gimun Kiyavwiye Uhokri adahan avanenekwa.

Joawh 4:25

Egme tino kaytwa giwn: — Nah hiyakni ku Uhokri gikanyan adahan ukumaduketniwiy, ig Cristo, ig danuh atanek. Ayge nikwe ig akkamnih madikte wotwiynek.

Joawh 4:42

Avim ini igkis awna gut nor tino: — Kuri usuh kamaxwa givitit Kiyavwiye Jesus. Ka ininewatma awaku ku samah pis kinetihwa gimin, heneme awaku ku samah usuhwa timap giwn ku samah ig awna. Kuri usuh hiyakni ku ig igyewa wamnihtenwiy, ig keh madikte hiyeg isahptawnek.

Joawh 6:69

Usuh kamaxwa pivitit. Usuh hiyak ku pis Uhokri giwatni barewvitye.

Joawh 7:41

Gaytakisme awna: — Ignewa Cristo, ig Uhokri gikanyan adahan ukumaduketniwiy. Igkisme gaytakis awna: — Heneme ig galileyene. Wake ig igyewatbe Uhokri gikanyan adahan ukumaduketniwiy, nikwekam ig ka ariwntakma Galileyamnawkam.

Attus 10:36

Kuwis ig Kiyavwiye Uhokri akki kibeyne inetit wotuh usuh hiyeg izhaewyenevwi. Inakni inetit gidahan Jesus Cristo ku samah ig keh hiyeg kabeywotvi gikak Kiyavwiye Uhokri. Ig Jesus Cristo ig madikte hiyeg gikivarakis.

Attus 13:23

Nukebyuvwi, ku avim inin ig Kiyavwiye Uhokri kannikase pahavwi ukivarawiy akiw. Ig amekene Davi gihiwhi. Kiyavwiye Uhokri ikevgi wotwiy adahan ig wamnihtenwiy ku samah ig ikakse gitkis amekenegben minikwak. Igi wamnihtenwiy ig Kiyavwiye Jesus.

Attus 17:3

Ig akkamnihne inakni Uhokri gannasan gitkis. Ig ekkene gitkis huwewe ku in awna ku amawka Cristo hiyap mbeyne ig miya ig kannikaw akiw. Pisenwa ig awna gitkis: — Ner Kiyavwiye Jesus ku kamin nah kinetihwene yit igyewa Cristo. Ig Uhokri gikanyan adahan ukumaduketniwiy.

Attus 2:36

Nukebyuvwi judeyenevwi, ku avim inin nah ikene yinetni marihwa yis hiyakni kabayntiwa ku ig Kiyavwiye Jesus, ner Kiyavwiye Jesus ku pariye yidaddahkisni, ignewa Ukivarawiy. Ignewa Uhokri gikanyan adahan ukumaduketniwiy. Henewatbaki ig Pedru awna.

Attus 5:31

Ig Kiyavwiye Uhokri ka gannusima. Ig keh ig Kiyavwiye Jesus humaw ukivarawiy. Ig keh ig humaw wamnihtenwiy kahadbe wixwiy hiyeg izhaewyenevwi wages uhiyekemniwiy, kahadbe Kiyavwiye Uhokri bayahminawiy ariw utaraksanwiy.

1 Koríntyus 15:47

Amekene Adão, ig ner awayg eggutye, ig humaw ariwntak wayk atabdabni. Ig amadgaya inin. Igme Cristo, awayg buttiye, ig inuriktekne hiyeg.

Filipénses 2:11

Igkis madikte awnenekuye: — Jesus Cristo igi Ukivarawiy. Inneki keh Wigwiy Kiyavwiye Uhokri ig kabayhaka.

Filipénses 3:8

Henewatbaki in. Madikte nukehbetan ka ariknawnema nutuh akiw. Kuri nah hiyak Cristo Jesus nukivara. Nah pahavwiwa gikak. Ini ka aynsima kabayte nutuh ariw madikte nukehbetan. Nah padeke madikte awaku nah giharitne Cristo. Ini hiyakemniki ku pariye kibeyne nutuh minikwak, kurime in humaw nutuh ke niwbibe. Ininewa numawkan adahan nah mataka Cristo gihiyekemni.

Kolosénses 2:6

Ig Cristo Jesus ignewa Ukivarawiy. Yis kuwis amevevgi kabayntiwa. Kuri nikwe wewnabay pahavwiwa gikak takunipti.

1 João 4:14

Hawata akiw wixwiy pukuhpa ku ig Wigwiy kuwis awahkise gikamkayh atan adahan igme gamnihtenkis madikte hiyeg amedgenevwi inin. Wixwiy kinetihwene gimin gitkis hiyeg. Innebaki pahat arakak akiw ku ig ay uvitwiy.

1 João 5:1

Kiyavwiye Jesus igi Cristo ig Uhokri gikanyan adahan ukumaduketniwiy. Ku pariye hiyeg iha inakni, ignes Kiyavwiye Uhokri gikamkayuvwi. Nukebyuvwi, ku wis batekye gikak pahavwi, kis adahan wis batekye gikakkis gikamkayuvwi hawata.