Lúkas 19:16 - Uhokri Gahegbetawni Nukune akak Sawmus

¹⁶ Igme ner pitatye gibuk danuh atere git, ig awna git: “Kiyavwiye, akak nor karukri ku pariye pis ikise nuwakuh nah kuwis uti madikawkumku akiw pidahan.”

Uhokri Gannasan

¹⁶ Igme ner pitatye gibuk danuh atere git, ig awna git: “Kiyapwiye, akak no karukri ku pariye pis ikise nuwakuit nah kuwis utí madikawkumku akiw pidahan.”

Lúkas 19:16 Iomraidhean Croise

Lúkas 19:13

Avit gitepkemni ig pahadguhe gibukvig madikawku gikebikis. Ig ikise mpuse giwakukis pahamku karukri nopsad karukri wahano seyno. Ig awna gitkis: “Kannivwinabay gukak nor karukri he ku aysaw nah diyuh akiw.” Ayteke ig tivik.

Lúkas 19:15

Igme gikivara ka aminama ariw inakni giwnkis. Ig ner awayg danuh atere git, ig gikivara ike madikte hiyeg ku pariye misekwenevwi ayge ta giwakurit adahan igme gikumaduketnikis ayge. Ig awayg hiyapni hene, ig diyuhe akiw. Ig danuh ta givinwat, ig pahadguhe neras gibukvig ku kawakurit ig ike karukri. Ig muwaka hiyak ku samah gannivwikis gukak nor karukri ba kuwisma eg kiyestema.

Lúkas 19:17

Igme gikivara timapni hene, ig awna git: “Kibeyne. Pis kibeyne awayg. Ku samah pis kuwis kannuh kawih aynesa arikna kabayntiwa nudahan, kuri nikwe nah iki piwakurit paytwempu madikawku akebi.”

1 Koríntyus 15:10

Heneme ig Uhokri akak gabay ig keh nah humaw ku samah nah ku avim inin kuri. Kibeyne, ini gabay ku pariye ig ike nuvitituh in ka adahan waditnevyenenma. In keh nah ka aynsima mpiksawte giwkis madikte giwatnivwi. Heneme ka nuwnteknema nah mpiksaw. Ini Uhokri gabay ku pariye ay nuvituh ini ike nawaygi adahan nah mpiksaw.