Lúkas 19:15 - Uhokri Gahegbetawni Nukune akak Sawmus

¹⁵ Igme gikivara ka aminama ariw inakni giwnkis. Ig ner awayg danuh atere git, ig gikivara ike madikte hiyeg ku pariye misekwenevwi ayge ta giwakurit adahan igme gikumaduketnikis ayge. Ig awayg hiyapni hene, ig diyuhe akiw. Ig danuh ta givinwat, ig pahadguhe neras gibukvig ku kawakurit ig ike karukri. Ig muwaka hiyak ku samah gannivwikis gukak nor karukri ba kuwisma eg kiyestema.

Uhokri Gannasan

¹⁵ Igme gikipara ka aminama ariw inakni giwnkis. Ig ner awayg danuh atere, ig gikipara iké madikte hiyeg ku pariye msekwenepwi ayge ta giwakuit adahan igme gikumaduketnikis ayge. Ig awayg hiyapni henne, ig diyuhe akiw. Ig danuh ta gipinwat, ig pahadguh nerras gibukpig ku kawakuit ig ikí karukri. Ig muwaka hiyak ku samah igkis kannipwiyes gukak no karukri ba kuwisma eg kiyestenma.

Lúkas 19:15 Iomraidhean Croise

Matews 25:19

Ayteke ariwnteke ini kibite hawkri akiw ig gikivarakis diyuhe atere. Ayge ig awnasevgikis ta givetunat adahan ig hiyepne ku samah gannivwikis gukak nor karukri ba kuwisma eg kiyestema.

Lúkas 12:48

Heneme ku pariye hiyeg kane hiyak ku samah gikivara gibetki, ku ig tarakse ku pariye gimawkan, nikwe ka kiyesadima mbeyne hiyapkiska git. Mmanawa ku wis ikaka ka aynsima hiyakemniki ta wot, ayge nikwe wis muwakapka adahan wis wewne akak ini ka aynsima hiyakemniki. Hawata ku wis ikaka ka aynsima annivwit ta uwakurit, ayge nikwe wis muwakapka adahan wis kehne ini ka aynsima annivwit.

Lúkas 19:14

Heneme gaytakkis hiyeg ku pariye misekwenevwi ayge ku kiney ig misakwa ignes amiyhevgi. Ku aysaw ig tivik igkis wasavanaw gimin gikivara. Igkis awna git gikivara: “Usuh ka muwaka ner awayg humaw ukivara.”

Lúkas 19:16

Igme ner pitatye gibuk danuh atere git, ig awna git: “Kiyavwiye, akak nor karukri ku pariye pis ikise nuwakuh nah kuwis uti madikawkumku akiw pidahan.”