Lúkas 19:13 - Uhokri Gahegbetawni Nukune akak Sawmus

¹³ Avit gitepkemni ig pahadguhe gibukvig madikawku gikebikis. Ig ikise mpuse giwakukis pahamku karukri nopsad karukri wahano seyno. Ig awna gitkis: “Kannivwinabay gukak nor karukri he ku aysaw nah diyuh akiw.” Ayteke ig tivik.

Uhokri Gannasan

¹³ Apit gitepkemni ig pahadguh gibukpig madikawku gikebyikis. Ig ikise mpuse giwakuitkis pahamku karukri nopsad karukri wahano seyno. Ig awna gitkis: “Kannipwinabay gukak no karukri juktah ku aysaw nah diyuh akiw.” Ayteke ig tipik.

Lúkas 19:13 Iomraidhean Croise

Matews 25:16

Ner gibuk ku pariye ikepka giwakurit pohowkumkunano mil (5.000) karukri, ig tivik kibehtenwa ig kannivwiye gukak nor karukri adahan eg kiyesihwa. Ayteke ig dax pohowkumku mil (5.000) karukri akiw, guvitmin ku samah avuriwsaka git.

Matews 25:20

Igme gibuk ku pariye ikepka giwakurit pohowkumkunano mil (5.000) karukri ig danuh atere git. Ig awna, giwn: “Kiyavwiye, pis ikise nuwakuh pohowkumku mil (5.000) karukri. Ahah, nah kuwis uti pohowkumku mil (5.000) pidahan akiw.” Nikwe ig ike git gikivara madikawkumku mil (10.000) karukri.

Matews 25:22

Ayteke igme gibuk ku pariye ikepka giwakurit mmuknanano mil (2.000) karukri ig danuh atere git. Ig awna git: “Kiyavwiye, pis ikise nuwakuh mmukna mil (2.000) karukri. Ahah. Nah kuwis uti mmukna mil (2.000) pidahan akiw.”

Matews 25:24

Ayteke nikwe igme ner gibuk ku pariye ikepka giwakurit pahamkunano mil (1.000) karukri ig danuh atere git. Ig awna git: “Kiyavwiye, nah he misekwevi gukak nor pikakura awaku nah hiyakni ku pis pi kannuhte nuwhu. Pis ka pannusima. Ku kiney pis ka mutuh ariknawnema, hiyawa kuwewanek pis atere ahiw ka aynsima amutri ariw ayteke. Ku kiney pis ka sassah aynesnima amutri ayak, hiyawa kuwewanek pis atere matis ka aynsima amutri ariw ayteke.

Lúkas 19:12

Ig awna: — Minikwak pahavwi awayg kiyatye tivikwiye ta avitit paha waxri akiw ku pariye piyawakad. Ig atere adahan ig wagesweviye ikivarat gidahankis hiyeg ayge ku kiney ig misakwa, ayteke ig diyuh akiw.

Lúkas 19:14

Heneme gaytakkis hiyeg ku pariye misekwenevwi ayge ku kiney ig misakwa ignes amiyhevgi. Ku aysaw ig tivik igkis wasavanaw gimin gikivara. Igkis awna git gikivara: “Usuh ka muwaka ner awayg humaw ukivara.”

Joawh 12:26

Ku ig wew akak akebi ini nuhiyekemni, ig misakwanek ku kiney nah misakwa. Mmanawa ku pahavwi keh nubetki, igi Niguh kiyathasig.

Gálatas 1:10

Igkis hiyeg matekbetenevwi yihiyekemni igkis awna numinuh ku inakni nnetni ka ariknawnema. Igkis awna ku nah he awna inetit ku pariye hiyeg batek timap. Bawa ka henema, nukebyuvwi. Nah ka aharitnema adahan hiyeg amedgenevwi inin adahan ignes batek nukakuh. Nah aharitne adahan ignewa Kiyavwiye Uhokri batek nukakuh. Nah ka kehnema hiyeg amedgenevwi ininma gibetkikisnen. Wake nah kehnebe hiyeg amedgenevwi inin gibetkikisnenwatbe, nikwekam nah Cristokama gibukam.

Tiyagu 1:1

Nah Tiyagu ku pariye gibuk Kiyavwiye Uhokri, ku pariye gibuk Ukivarawiy Jesus Cristo nah awahkis kabayka yimin yis hiyeg judeyenevwi muwapuw amadga wayk ku pariye kamaxwenevwi givitit Kiyavwiye Jesus. Nah aytnihyi madikte akak Uhokri gabay.

2 Pedru 1:1

Nah Simawh Pedru, ku pariye gibuk Jesus Cristo, nah ku pariye giwatni, nah awahkis kabayka yimin, yis ku pariye kamaxwenevwi givitit Kiyavwiye Uhokri hawata ke usuhbe. Kibeyne, wixwiy kamaxwene givitit Uwohkigawiy Wamnihtenwiy Jesus Cristo adahan ig keh wixwiy humaw kewa kibeynevwibe giwtrik Kiyavwiye Uhokri. Ini ukamaxwanwiy in ka aynsima kabayka udahanwiy.