Lúkas 19:12 - Uhokri Gahegbetawni Nukune akak Sawmus

¹² Ig awna: — Minikwak pahavwi awayg kiyatye tivikwiye ta avitit paha waxri akiw ku pariye piyawakad. Ig atere adahan ig wagesweviye ikivarat gidahankis hiyeg ayge ku kiney ig misakwa, ayteke ig diyuh akiw.

Uhokri Gannasan

¹² Ig awna: ―Minikwak pahapwi awayg kiyatye tipikwiye ta apitit pahá waxri akiw ku pariye piyawakad. Ig atere adahan ig wageswepye ikiparat gidahankis hiyeg ayge ku kiney ig msakwa ayteke ig diyuh akiw.

Lúkas 19:12 Iomraidhean Croise

Matews 21:38

Heneme neras akavriwten was ku aysaw igkis hiye gikamkayh ig nehmnik, igkis amiyhevgi. Igkis kinetihwa pawtak, igkis awna: “Nernewa was akivara gikamkayh. Uyay umehpig mpinekata kuwewanek inin was misekwe madikte gidahan. Pi kabayte wixwiy umehpig adahan was misekwe udahanwiy.”

Matews 28:18

Igme Kiyavwiye Jesus danukwe kennesa gitkis, ig awna: — Madikte kumadukaki ikepka nutuh adahan nah kumadukene madikte inurikyenevwi hawata madikte amedgenevwi inin.

Markus 12:1

Ayteke ig Kiyavwiye Jesus awna pahat iwit patuwesbunka ta gitkis. Ig awna: — Minikwak pahavwi awayg mutuhe giwasra. Giwasra “uva”vunen. Ayteke ig kiyaraniwhe ini giwasra. Ayteke ig atikeku pohow tip nopsadnano adahan kumuktet adahan wiwhne uva araku. Ayteke ig keh avuriwket imuwad. Pisenwa nikwe ig ibekhe giwasra pabakak gikakkis hiyeg ku pariye giwasra akavriwten. Pisenwa ig tivik ta avitit nawenyewa waxri akiw.

Markus 16:19

Pisenwa inakni gawnan, ig Kiyavwiye Jesus iwepka ta inurikut. Ayge ig batahkiswe adahan ig kumadukene gihumwa Kiyavwiye Uhokri ay amun ini iwetrit ku pariye kane nikiytanisima kihehaptak.

Lúkas 20:9

Ayteke nikwe ig Kiyavwiye Jesus kavusa awna pahat iwit patuwesbuhka ta gitkis madikte hiyeg ayge. Ig awna: — Minikwak pahavwi awayg mutuhe giwasra. Giwasra uvavunen. Ayteke ig ibekhe giwasra pabakak gikakkis neras ku pariye nikavriwten. Pisenwa ig tivik ta avitit paha waxri akiw. Ig atak adahan ayivwite.

Lúkas 24:51

Henewa ig tivik giwkis ig iwepka ta inurikut.

Joawh 18:37

Ig Pilatus timapni hene, ig awna: — Mmah pis pahavwi ikivarat nikwe? Igme Kiyavwiye Jesus kaytwa giwn: — Henewa ku samah pis awna. Nah wayvuka amadgat inin adahan nah humaw hiyeg gikivarakis. Nah ayta amadgat inin adahan nah ekkene hiyakemniki ku pariye inyewatnene. Madikte hiyeg ku pariye batekye akak hiyakemniki ku pariye inyewatnene, ignes timap nuwnuh.

Attus 17:31

Amawka ku wixwiy wages uhiyekemniwiy adahan wixwiy keh ku pariye kabay giwtrik Kiyavwiye Uhokri mmanawa ig kuwis ahegbete pahay hawkri ku pariye me danuhmet adahan ig ukatiwnihpitniwiy adahan ku pariye ukehniwiy ay amadga inin. Ku wis keh mbayka, mbaykanewa ig iki wot. Ku wis keh kabayka, kabaykanewa wis uti. Ig ka taraksa ku aysaw ig hiyak ukak. Avim ini ig katiwnihkiswiy git pahavwi gikanyan. Ig Kiyavwiye Uhokri kuwis akki wotwiy ku pariye ner gikanyan adahan ini mmanawa ig kuwis kannikasevgi ariw gimiremni.

1 Koríntyus 15:25

Mmanawa ikaksaka gidahan adahan gikumadukan tiviknene wagehnene he ku aysaw madikte givetunyavu sibuhkiska gitnek.

Ebréws 9:28

Ig Cristo ig kuwis miya pahayewvi udukwenavrikwiy adahan ig katiwnihpiye utaraksanwiy. Ig ka katiwnih pahavwinenwatma hiyeg gitaraksan. Ig katiwnih ka aynsima hiyeg gitaraksankis. Aysawnemenek ig hiyapkiswa wotwiynek akiw, heneme ka adahanma katiwnihpiyema utaraksanwiyma akiw. Kawa. Ig hiyapkiswa wotwiynek pahaynewat akiw adahan ig kehpiye wixwiy inyewa isahptaw ariw utaraksanwiy adahan ig hiyapkisne ka aynsima kabayka wotwiy wixwiy ku pariye giwnpetnivwi.

1 Pedru 3:22

Ig Jesus Cristo kuwis tivik inurikut. Kuri ig aynte gihumwa Kiyavwiye Uhokri amun ini iwetrit ku pariye kane nikiytanisima kihehaptak. Ayge ig kumadukene madikte ahj, madikte ikivarat, madikte ku pariye detyevwi.

Apokalípsi 1:7

Ivegnay! Ig nehmnik abetimpi ukuhne! Madikte hiyeg hiyavginek, he neras ku pariye gidaddasepten igkis hawata hiyavginek. Avim ini madikte hiyegviyenevwi amedgene inin ignes hiyapni hene, igkis kayah gitaraksankisnek igkis tih. Henewatbaki in. Ameh.