Lúkas 19:10 - Uhokri Gahegbetawni Nukune akak Sawmus

¹⁰ Nah, ku pariye wageswe awayg amadgaya inin, nah ayta adahanikwa nah ivegeviye hiyeg biyukavye adahan nah gamnihtenkis.

Uhokri Gannasan

¹⁰ Nah ku pariye wageswe awayg amadgaya inin nah ayta adahanikwa nah ipegepye hiyeg biyukapye adahan nah gamnihtenkis.

Lúkas 19:10 Iomraidhean Croise

Matews 1:21

Eg pamakutaknek pahavwi bakimni, pisme sarayhnek gukamkayh giw Jesus, inakni giw “Uhokri ig amnihkevutne”, mmanawa ig amnihnek madikte gihiyegavu. Ig kehnek igkis isahptaw ariw givathawnikis.

Matews 10:6

Heneme ataknay ta gitkis neras uyakivwiy izhaewyenevwi. Igkis kewa muwtoh biyukavyebe nutuh.

Matews 15:24

Igme Kiyavwiye Jesus kaytwa giwnkis: — Nah awahkiska adahan gamnihtenkis igkisnewa izhaewyenevwi. Ignes kewa muwtohbe biyukavyebe nutuh. Kote nuhawkanavrikte adahan nah amnihne hiyeg kane judeyenevwima.

Matews 18:10

— Avuriwnabay ku samah yihiyekemni. Ka yi muwaka ikaw kabaytema giw pahavwinema bakimni. Aynte inurik ahj gidahankis avanenekwa tabirbet ay givetun Wigwiy inurikyene adahan igkis ekkenes git neras ku pariye kane kiyatha gavuriwnikis bakimnayh. Henewatbaki igkis.

Matews 18:11

Igkis bakimnayh ka givigikisima nutuh kewa muwtoh biyukavyebe.

Lúkas 15:32

Heneme in kabay adahan wixwiy fetya awaku ku samah pisamwi diyuhe wotwiy akiw. In kabay wixwiy batek gidahan mmanawa ner pisamwi ig ke wotbe ig miyarevyebe wowiy kuwisbe. Kurime ig ay umunwiy akiw.”

Lúkas 15:8

Ayteke ig Kiyavwiye Jesus awna pahat iwit patuwesbuhka akiw adahan ekkene ku samah hiyeg ka avigikisima git. Ig awna: — Ku pahavu tino yaytak kadahan madikawkumku karukri, ku pahamku biyuke guw, eg hakis gabukra, eg sagahakuh guvin, eg ivegvig kabayntiwa he ku aysaw eg utevgu.

Joawh 3:17

Ig Kiyavwiye Uhokri awahkis gikamkayh atan kawki adahan gisayreptenkisma hiyeg, heneme adahan gamnihtenkis.

Romanus 5:6

Minikwak ku aysaw wixwiy yumahte wawaygiwiy wowntekneywa, ig Cristo amnihpewiy abetnewa ini hawkri. Avim ini ku aysaw wixwiy kote hiyakte Uhokri, ig pareke abet uhawkanwiy he ig umahkiswe udukwenavrikwiy.

Ebréws 7:25

Nikwe ik adahan ig parak abet uhawkanwiy takunipti avanenekwa adahan ig wawnamnihtenwiy wixwiy ku pariye danuhpiye git Kiyavwiye Uhokri givitimpi Kiyavwiye Jesus. Mmanawa ig ay adahan avanenekwa.