Lúkas 18:9 - Uhokri Gahegbetawni Nukune akak Sawmus

⁹ Hawata akiw ig Kiyavwiye Jesus awna pahat iwit patuwesbuhka gidahankis hiyeg ku pariye ikewnevwi wadityevwi ku pariye ikawnamahkis kabayte giw pahavwi.

Uhokri Gannasan

⁹ Hawwata akiw ig Kiyapwiye Jesus awna pahat yuwit patuwesbuhka gidahankis hiyeg ku pariye ikawnamah wadityepwi ignes ikaw kabayte giw pahapwi.

Lúkas 18:9 Iomraidhean Croise

Lúkas 10:29

Igme ner awayg wihwevye ariw ini ku samah ig ka batek gikakkis madiktema hiyeg. Nikwe ig awna git Kiyavwiye Jesus: — Pariyevahki nuyakivwi hiyeg adahan nah batek gikakkis?

Lúkas 15:2

Neras farizewkis gikakkis neras kannuhekevutnevwi amin amekene Moís gikumadukan igkis hiyapni hene, igkis minimnihekbet gimin Kiyavwiye Jesus. Igkis awna: — Ner hiyeg darihwak gikakkis hiyeg kane kibeynevwima.

Lúkas 16:15

Ig Kiyavwiye Jesus hiyapni hene, ig awna gitkis: — Yis ikawnamah ke wotbe yis kibeynevwibe giwtrikkis hiyeg, heneme Uhokri hiyak ku pariye ay abet yihiyekemni. Ay ku pariye hiyeg iki ku in kibeyne bawa in aseneweke ta git Uhokri.

Lúkas 18:11

Ig farisew tabire ayge giwtrikkis hiyeg ig piriyepkaw pahapo. Ig awna: “Kibeyne Uhokri, nah kabayhap ku samah nah ka keh mbayka kema nawenyevwi hiyegma. Nah ka amepyema, nah ka taraksevyema, nah kawnata powkemnivyema. Kibeyne, nah ka kema nerma ladwanma.

Lúkas 19:7

Neras hiyeg hiyapni hene, igkis minimnihekbet gimin Kiyavwiye Jesus. Igkis awna: — Ig darihwekne gikak pahavwi ku pariye kane kibeynema.

Lúkas 7:39

Ner farisew ku pariye gawnesetni Kiyavwiye Jesus atere ig hiyapni hene, ig awna abetpi gihiyekemni. Giwn: — Mmahki ig isaksa nor tino powkemnivyo daxtig? Wake igyewa Uhokri gawnevebe, nikwekam ku samah ig hiyavgu, ig hiyakkam ku samah guhiyekemni mbeyevye.

Joawh 8:48

Igkisme judeyenevwi giwewkistenkis awna git: — Pis taraksevye ke neras hiyeg samariyenevwibe. Pis wavitye ay pivit. Hene pis kuri.

Joawh 9:28

Igkis timapni hene, igkis mahivwihpig. Igkis awna git: — Pisnewa gihiyega. Usuhme amekene Moís gihiyegavu.

Joawh 9:34

Igkisme awna git: — Pis taraksevye ku samah pis amadgat wayk. Pariyenekap pis? Ka pisnema hiya ukannuhka. Su tivik aytaki. Ka ba diyuh atan Uhokri givinekut akiw. Ayge nikwe igkis ivukevgi.

Attus 22:21

Igme Kiyavwiye Jesus ka aminama ariw inakni nuwnuh. Ig awna nutuh: “Su atak. Nahwa awahkispi tahan gitkis hiyeg ku pariye kane judeyenevwima.”

Romanus 10:3

Mmanawa igkis ka hiyaknima ku ignewa Uhokri kannuh waditha hiyeg. Gimawkankis igkiswa humaw kibeyne hiyeg akak gimaviswankis akak gikehbetankisnenwa. Inneki keh igkis ka isaksa Uhokri wadithigkis.

Romanus 14:10

Pariyenekap nikwe, mmahkama pis iki pikebyi ku ig waditnevyenen avatra ku samah ig ka wew hawata kema pisma? Ya pis? Pariyenekap, mmahkama pis ikaw kabayte giw pikebyi? Aysawnemenek wixwiy madikte tabirbet givetun Uhokrinek adahan igwa hiyak ukakwiy.

Romanus 14:3

Amawka ku ner ku pariye ax im madikte, amawka ku ig ka ikaw kabaytema giw ner ku pariye ka ax im madiktema. Hawata akiw ner ku pariye ka ax im madiktema, ku aysaw ig hiyap ner ku pariye ax im madikte, amawka ku ig ka ikigi ku ig waditnevyenen. Mmanawa igwa Uhokri amavig akak gihiyekemni hene.

Romanus 7:9

Minikwak ku samah nah kote hiyakte amekene Moís gikumadukan, avim ini nah ka hiyaknima ba patahwaki ayma abet nuhiyekemni. Nah ka hiyakwa ba nah tiviknenema adahan miyaka dehetniki. Heneme ku samah nah hiyeke amekene Moís gikumadukan, avim ini nikwe in kahayak huwewe nutuh ku nah patehwevye, nah ka wew wadit. Ayge amun ini nikwe nah hiyakni ku nah tiviknene adahan miyaka adahan biyukwiki giw Uhokri.