Lúkas 18:7 - Uhokri Gahegbetawni Nukune akak Sawmus

⁷ Ku yis hiyap ig amnihpig, igkata Uhokri akiw ig ka amnih gihiyegavu ku pariye amnihswenevwi git takunipti? Mmah ig ayivwihwaki adahan ig amnihgikis?

Uhokri Gannasan

⁷ Ku yis hiyá ig amnihgu, igkata Uhokri akiw ig ka amnih gihiyegapu ku pariye amnihswene git takunipti? Mmah ig ayipwihwa adahan ig amnihgikis?

Lúkas 18:7 Iomraidhean Croise

Sawmus 88:1

Kiyavwiye nuwohkiga, namnihten, nah kabiman mataytak adahan amnihswene pit. Tiyegem nah battukaw misakwa pivetun.

Sawmus 9:8

Pis kumaduka hiyeg akak waditka. Pis hiyapkis gitkis pakeku akak ku samah gikehnikis.

Matews 24:22

Wake Uhokri ka matkuhpima ini hawkri, yumakam pahavwinema bisikne ariw miyaka. Heneme kibeyne, ig matkuhenek ini hawkri gidahankis gihiyegavu gikanyanvu.

Matews 24:24

Mmanawa avim ini kinisekevutnevwi kahayaknek. Gaytakkis awnanek: “Nahnewa Cristo.” Bawa waditnevyenen. Gaytakkisme ikawnamah Uhokri gawnevevu bawa ignes ka giwntakma Uhokri. Igkis keh ka aynsima annutnek ku pariye keh hiyeg wakaymni ke wotbe in areketnibe Uhokri gidatni. Akak ini annutnek igkis hiyap ba igkis hiya gikinsakkis Uhokri gikanyanvu.

Matews 7:11

Ku yis hiyap yis taraksavye iki kibeyne arikna gitkis yikamkayuvwi, igkata akiw Wigwiy inurikyene? Ig iki kibeynewa arikna ta gitkis neras ku pariye ayepnevwi git.

Lúkas 11:13

Ku hiyap yis taraksavye iki kibeyne arikna gitkis yikamkayuvwi, igkata akiw Wigwiy inurikyene? Ig iki kibeynewa gikan wotwiy. He ig iki Gitip givititkis neras ku pariye aya Gitip git.

Lúkas 2:37

Ayteke eg madankup adahan ka aynsima kamukri akiw, ntewnehkerbu akak pahak arawna madikwa akebi akak paxkabu akiw (84). Eg misakwa ayge ariku ini leglis kewye Uhokri Givin. Avanenekwa eg maxhawno adahan eg kiyeno Uhokri gihiyekemni. Avanenekwa eg piriyepkawno ta git Uhokri. Avanenekwa eg kibeyhene ig*.

Lúkas 21:28

Yisme ku samah yis hiyap ini mbeyne danuh, ka yi muwaka avisasaw. Sarayhnay yivegyi ta inurikut adahan yis nuhivetni. Avim ini yamnihka humaw kibehtenwa.

Romanus 8:33

Wixwiynewa Uhokri gihiyegavu gibetkivu. Ignewa Uhokri kuwis kehe wixwiy kewa kibeynevwibe giwtrik. Pariye hiyeg hiya ukamyahkawiy kuri ta git Uhokri? Yuma pahavwinema.

Kolosénses 3:12

Wixwiy Kiyavwiye Uhokri gibetkivu. Wixwiy barewvityevwi giwtrik Kiyavwiye Uhokri. Ig batek ukakwiy. Nikwe uyay kawihminaw akak gihiyekemni. Amnihaknay, kehnay kabayka pawtak. Ikawnay tuwatevye huwipegevye. Kiyaknihwanay pawtak.

1 Tesalonisenses 3:10

Takunipti usuh piriyepkaw avititak uyakni adahan usuh hiyepkere yihepka akiw, kahadbe usuh kannuhyi amin ku pariye hiyakemniki yis kote kannuhte amin yikamaxwan.

2 Tesalonisenses 1:6

Heneme ignes ku pariye hiyapkisnevwi mbeyne yit, aysawnemenek ig Kiyavwiye Uhokri hiyapkis mbeyne gitkis hawatanek. In kabay ig diyuhkisgikis hene.

1 Timótyu 5:5

Egme pahavu madankuno ku pariye yumanano gukavriwten, amawka ku leglis hiyak gukak. Ku eg kamaxwano givitit Kiyavwiye Uhokri adahan ig amnihgu, ku eg piriyepkawno git takunipti avanenekwa, nikwe amawka ku leglis avuriwgu.

2 Timótyu 1:3

Nah kabayha Kiyavwiye Uhokri ku pariye niguh giwohkiga, ig hawata nahawkrivwi giwohkigakis, hawata igwata nuwohkiga, ku kadahan nah kannivwiye akak madikte nabivwi. Nah kabayhig pidahan. Nah ka miyehpi aynesnima. Nah piriyepkaw pidahan takunipti.

2 Timótyu 2:10

Nikwe nah amava madikte mbeyne ku pariye danuh nutuh. Nah amavin gidahankis Uhokri gikanyanvu kahadbe igkis isahptaw ariw gitaraksankis, kahadbe igkis uti gikiytanikis gimun Kiyavwiye Uhokri adahan avanenekwa. Mmanawa ignewa Cristo Jesus keh igkis isahptaw hene.

Titu 1:1

Nah Pol, ku pariye Kiyavwiye Uhokri gibuk, nah awahkis kabayka pimin. Kibeyne, nah Jesus Cristo giwatni. Nah awahkiska adahan wagahkisne Uhokri gikanyanvu gikamaxwankis. Nah awahkiska adahan hiyakkisne gitkis ini hiyakemniki ku pariye inyewatnene ku pariye keh hiyeg wew gikak Kiyavwiye Uhokri.

1 Pedru 1:1

Nah Pedru, ku pariye giwatni Jesus Cristo, nah awahkis kabayka yimin yis Uhokri gikanyanvu ku pariye ivukavepka avititak yiwaxig. Yis kuri ibekhewbet muwapuw Pontomnaw akak Galasiyamnaw, Kapadósiyamnaw, Asiyamnaw, Bitiniyamnaw.

2 Pedru 3:9

Ig Kiyavwiye Uhokri ka mabivwihwa adahan ig keh ku samah ig awna. Gitkis gaytakis hiyeg ig mabivwihwa. Bawa kawa. Ig ayivwihwa awaku ig kamaxnete udahanwiy. Ig ka muwaka pahavwinema biyuk. Ig muwaka madikte hiyeg wages gihiyekemnikis gimkat ariw givathawnikis.

Apokalípsi 18:20

Yisme yis inurikyenevwi, yis ka muwaka kadni. Hiyawa yis batek awaku ku samah ini paytwempu biyuke. Yis Uhokri gihiyegavu, hiyawa yis batek. Yis Uhokri giwatnivwi, yis Uhokri gawnevevu, hiyawa yis batek. Mmanawa ig Uhokri hiyapkise gitkis neras paytwempuyenevwi avatra ku pariye gitaraksankis yikak.

Apokalípsi 6:10

Igkis hiyeg awna git Uhokri akak madikte giwakemnikis. Giwnkis: — Kiyavwiye, pisnewa igyewa Ukivara. Pisnewa barewvitye. Aysawneki pis diyuhkisnek umiguh gitkis neras hiyeg amedgenevwi hawkri ku pariye wowmeptenvu? Henewatbaki igkis hiyeg awna.

Apokalípsi 7:15

Awaku ini igkis hawata kuri tabirbet ay givetun Uhokri ku kiney ig betnene amadga gevwi. Igkis kehnekuye gibetki takunipti avanenekwa ay givineku. Igme ku pariye betnene amadga gevwi, ig avuriwgikisnek ay gimun.