Lúkas 18:23 - Uhokri Gahegbetawni Nukune akak Sawmus

²³ Ig awayg timapni hene, ig wakaymni ig barukiswe ka aynsima mmanawa ka aynsima igiska ay gimun. Ig avise ku nawenetke ig biyuk akak ini gewkanbet.

Uhokri Gannasan

²³ Igme awayg timapni henne, ig wakaymni ig barukiswe kaayhsima mmanawa kaayhsima igiska ay gimun. Ig apise ku nawenétke ig biyuk akak ini gewkanbet.

Lúkas 18:23 Iomraidhean Croise

Matews 19:22

Igme takweye timapni hene, ig wakaymni ig barukiswe ka aynsima mmanawa ig ka aynsima gewkanbet ay gimun. Ig avise ku nawenetke ig biyuk akak ini gewkanbet. Adye ig tivik.

Markus 10:22

Igme awayg timapni hene, ig wakaymni adahan ku samah inakni giwn. Ig barukiswe ka aynsima mmanawa ig ka aynsima gewkanbet ay gimun. Ig avise ku nawenetke ig biyuk akak ini gewkanbet. Adye ig tivik.

Lúkas 12:15

Ayteke ig awna ta gitkis neras hiyeg: — Hiyapnabay, pukuhpawnabay abohri mpihpaka amin ewkaki, mmanawa ku wis kadahan ka aynsima wewkanbet, ka innema keh wis uti dehetniki.

Lúkas 18:22

Igme Kiyavwiye Jesus timapni hene, ig awna git: — Pehete muwak pit ku pariye pis kote ihpate. Amawka pis batek gikak Uhokri mpiy madikte pewkanbet. Ataknaba piyuk pewkanbet madikte. Ayteke nikwe pis iki akakuravig gitkis madiptavye. Ayge nikwe pis uti ka aynsima igiska aynte inuriknek. Ayteke pisenwa paviykan pewkanbet pis ayta wew nukakuh.

Lúkas 18:24

Ig Kiyavwiye Jesus hiyapni hene, ig iveg gimkat ig awna gitkis hiyeg: — Ka aynsima mahiko adahan hiyeg igisavye kawih Uhokri gikumadukan.

Lúkas 19:8

Ayteke Zakew kannikew ayge giwtrikkis hiyeg, ig awna git Kiyavwiye Jesus: — Kiyavwiye, nah kakanhawte ta gitkis madiptavye abusku newkanbet. Hawata akiw ku nah katiwnihkise git pahavwi mpiynevevye, nah diyuhkiste gikakura awenyan mpiy akiw paxkavut avitmin akiw.

Lúkas 21:34

— Misakwanabay ahegbet avanenekwa avit ini hawkri danuh. Ka yi muwaka ikatuswa arit amadgaya inin. Ka yi muwaka ikatuswa arit fet arit uwkihwaki. Nawenetke pahaye adahan in hawkri danuh yis ka iknima.

Lúkas 8:14

Egnesme nor amutri ayak ku pariye tuguhe ta abetit pudukuvwi, egnesbaki arakak gidahankis hiyeg ku pariye timap Uhokri giwn ignes amavin. Heneme kibeye, kibeye, igkis pi ikatuswate adahan arikna amadgaya inin. Igkis kinikiswate arit igiska, arit batekka amadgaya inin. Ayge nikwe igkis ka kannuhwa keh Uhokri gibetki. Amun ini nikwe igkis humaw waditnevyenen kewa pahakti amutribe ku pariye sarayh guw, heneme egkis ka kahawkan ivat egkis kigise madikte.

Efésyus 5:5

Yis kuwis hiyakni kabayntiwa ku hiyeg powkemnavye, patahwavye ignes ka kawih Uhokri gikumadukan. Igkis ka kawih Cristo gikumadukan. Ine hiyeg miyarhawatruvye ignes kawnata kawih Uhokri gikumadukan awaku igkis pi batekte akak ariknebdi mpiya giw Kiyavwiye Uhokri.

Filipénses 3:8

Henewatbaki in. Madikte nukehbetan ka ariknawnema nutuh akiw. Kuri nah hiyak Cristo Jesus nukivara. Nah pahavwiwa gikak. Ini ka aynsima kabayte nutuh ariw madikte nukehbetan. Nah padeke madikte awaku nah giharitne Cristo. Ini hiyakemniki ku pariye kibeyne nutuh minikwak, kurime in humaw nutuh ke niwbibe. Ininewa numawkan adahan nah mataka Cristo gihiyekemni.

Kolosénses 3:5

Nikwe umahkisnay ini yihiyekemni amadgaya inin git Kiyavwiye Uhokri. Ka yi muwaka iveg adahan mahayakemniki, patahwaki, sigiska, kinikwaki. Ka yi muwaka miyarhaw aharit ariknawnema amedgene inin. Ku yis miyarhaw aharit pahat arikna, amun ini yis pi batekte akak ini arikna mpiy giw Kiyavwiye Uhokri.

1 João 2:15

Ka yi muwaka batek akak ini hiyakemniki mbeyevye ku pariye hiyeg kane Uhokriyanvuma batek nikak. Kawnata yi muwaka batek akak gewkanbetkis. Ku wis batek akak ini hiyakemniki amadgaya inin, amun ini nikwe wis ka batek gikak Wigwiy.