Lúkas 18:22 - Uhokri Gahegbetawni Nukune akak Sawmus

²² Igme Kiyavwiye Jesus timapni hene, ig awna git: — Pehete muwak pit ku pariye pis kote ihpate. Amawka pis batek gikak Uhokri mpiy madikte pewkanbet. Ataknaba piyuk pewkanbet madikte. Ayteke nikwe pis iki akakuravig gitkis madiptavye. Ayge nikwe pis uti ka aynsima igiska aynte inuriknek. Ayteke pisenwa paviykan pewkanbet pis ayta wew nukakuh.

Uhokri Gannasan

²² Igme Kiyapwiye Jesus timapni henne, ig awna git: ―Pehete muwak pit ku pariye pis kote ihpate. Amawka pis batek gikak Uhokri mpiya madikte pewkanbet. Ataknaba piyuk pewkanbet madikte. Ayteke nikwe pis ikí akakurapig ta gitkis madiptapye. Ayge nikwe pis utí kaayhsima igiska ayhté inugiknek. Ayteke pisenwa papiykan pewkanbet pis ayta wew nukakhu.

Lúkas 18:22 Iomraidhean Croise

Sawmus 27:4

Nah pahatwowa nayapni git Kiyavwiye Uhokri Dehetniye, in ku pariye nah aharit ininewa: numawkan ig isaksan nah misakwa ay gimun takunipti ku samah nayivwi adahan nah hiyepne gibewi, nah ikatuswene git.

Matews 19:21

Igme Kiyavwiye Jesus kaytwa giwn: — Ku pis muwaka keh avigkutavrik ku samah Uhokri gimawkan, su atak piyuk madikte pewkanbet. Ayteke nikwe pis iki akakuravig ta gitkis madiptavye. Ayge nikwe pis uti ka aynsima igiska aynte inuriknek. Ayteke pisenwa paviykan pewkanbet pis ayta wew nukakuh.

Lúkas 10:42

Henneme pahat arikna ay pi kabayte adahan wis keh. Eg Mahi kuwis kaniye ini ku pariye kabaytenene adahan eg keh. Eg timapno nuwnuh. Nah ka miniwkisgu niw.

Lúkas 12:33

Hiyawa yis piyuk yewkanbet, yis amnih hiyeg madiptavye akak akakuravig. Ayge nikwe yis utinek yewkanbet ku pariye kane madikti yiw. Yis kadahanek igiska aynte inurik ku pariye dahwa adahan avanenekwa. Ayge yuma amevwavye danuh atere adahan ignes kidisnes yewkanbet. Ine masumsu ka kagehbeta kamis.

Lúkas 16:9

Nah aya yit nukannuhnivwi, kawihnabay yewkanbet amadgaya inin gidahankis yikagmadavu inurikyenevwi kahadbe ku aysawnemenek in yewkanbet mpiye, igkis amavay ta givinekutkis inurikut.

Lúkas 18:21

Igme awayg awna git: — Kiyavwiye, ku samah nah takwa nah iha madikte inakni iwit.

Lúkas 18:23

Ig awayg timapni hene, ig wakaymni ig barukiswe ka aynsima mmanawa ka aynsima igiska ay gimun. Ig avise ku nawenetke ig biyuk akak ini gewkanbet.

Lúkas 9:23

Ayteke ariwnteke ini ig awna ta gitkis madikte hiyeg. Giwn: — Ku pahavwi humewkerevye nuhiyega, amawka ku ig ikise gidahan gibetki. Amawka ku ig umahkis gihiyekemni amadgaya inin takunipti ke wotbe ig daddahkiswinbe ta aminat ahbe. Amawka ku ig ikaw hawata ke nahbe.

Filipénses 3:13

Nukebyuvwi, nah kote danuhte nivigutavrikut heneme nah akkite yit pahatwowa arikna nah keh. Nah ikaw ke pahavwibe ku pariye danuhkere kibehtenwa aharit kibeyne kabayka. Ig ka sarayh givegi giharavrikut butte. Ig sarayh givegi han pitatit. Nah hawata nah wiwh nuhiyekemni ariw nuhiyekemni minikweknene. Nah ivegminene nuhiyekemni aminnenwa Cristo gihiyekemni. Ini pahatwowa arikna nah keh.

2 Pedru 3:8

Heneme nukebyuvwi kibeynevwi, ka ba yi miyeh ku hawkri ka ayivwi git Kiyavwiye Uhokri ku samah in ayivwad wotwiy. Pahay hawkri hehpekuye ke wotbe madikawkuvut madikawku madikwa (1.000) kamukribe git. Inme madikawkuvut madikawku madikwa kamukri git ke wotbe in pahaywowatbe hawkri.