Lúkas 18:13 - Uhokri Gahegbetawni Nukune akak Sawmus

¹³ Igme ner ladwan ig marenpi tabira giwtrikkis hiyeg, ig tabire piyawakte giwkis. Ig ka kiboka iveg han inut giwtrikut Uhokri adahan ig awna git. Ig misekwe akak giwakemni. Ig awna: “Kiyavwiye Uhokri, amnihnanuba, mmanawa nah taraksevye.”

Uhokri Gannasan

¹³ Igme ner ladwan ig marenpi tabira giwtrikkis hiyeg, ig tabira piyawakte giwkis. Ig ka kibowka ipeg giwtrikut Uhokri adahan ig awna git. Ig msekwe baruki. Ig awna: “Uhokri, uyá amnihun nah taraksepye.”

Lúkas 18:13 Iomraidhean Croise

Sawmus 106:6

Nukebyuvwi, wixwiy ka kis adahan wixwiy hiyap inin Kiyavwiye Uhokri gabay ukakwiy. Wixwiy taraksebdi kewa wahawkrivwibe minikwak, igkis taraksebdi gikak Kiyavwiye Uhokri. Wixwiy kuwis kehe ka aynsima taraksaki ku pariye ig ka batek nikak.

Sawmus 119:41

Kiyavwiye Uhokri, kehnaba nah kayah ini pibetki nukakuh. Hawata uya amnihun ku samah pis ikakse nutuh.

Sawmus 130:7

Nukebyuvwi izhaewyenevwi, kamaxwanabay givitit Kiyavwiye Uhokri, mmanawa gamnihra in inyewa. Ig avanenekwa ahegbet adahan amnihwiy.

Sawmus 25:11

Kiyavwiye Uhokri, kehnaba ku samah pikaksan nutuh. Hiyawa nuvathawni ka aynsima, heneme uya bayahminan ariw madikte.

Sawmus 25:7

Ka ba kiye nutaraksan ku pariye nah keh minikwak ku samah nah takweyete avim ini ku aysaw nah ka wewkere pikak. Kiyavwiye Uhokri, kiyenanuba akak pibetki akak pabay.

Sawmus 40:12

Nuhawkan matekbet. Nah kiyaran akak ka aynsima mbayka. In ba nikebantenwa, ka ik adahan nah kinetihwa nimin. Nudahanwa nutaraksan matekevun. In keh nah ka hiyak ku kiw bisiket akiw. Nutaraksan ba nikebantenwa in kibite ariw nusemnu. Inneki keh nah yuma aynesnima nawaygi akiw.

Sawmus 41:4

Nah awne git Kiyavwiye Uhokri: “Kiyavwiye, nah kakahrip avatra nutaraksan pikak. Amnih bayahminan. Uya keh nah makniw akiw.”

Matews 10:3

Ayteke kiyavwiye Filip gikak kiyavwiye Bartolomew. Ayteke kiyavwiye Tome nukakuh nah Matews nah ladwan. Ayteke kiyavwiye Tiyagu, ku pariye Alfew gikamkayh, gikak

Matews 6:5

— Hawata akiw ku aysaw pis piriyepkaw, ka ba piriyepkaw kema nerasma hiyapkisnevwi gabaykis. Igkis batek piriyepkaw ariku leglis, hawata wade atusik ahin kahadbe igkis hiyapka gavitkis hiyeg, igkis ikaka ku igkis kibeynevwi hiyeg. Ku igkis ikaka hene, amun ini nikwe igkis kuwis uti kabayka ay amadga inin. Yuma akiw gidahankis aynte inurik. Henewatbaki igkis.

Matews 9:13

Ataknabay ivegboha Uhokri gannasan minikwekene marihwa yis pukuhpa inin ku samah nah darihwekne gikakkis hiyeg kane kibeynevwima. Mmanawa in Uhokri gannasan awna: “Nah ka muwaka yis he kakanhawnen nutuh. Nah pi muwakate yis amnih hiyeg.” Mmanawa nah ka ayta adahan nah humeknema ku pariye hiyeg wadityevwi kuwis adahan ignes wageswiyes gihiyekemnikis. Nah ayta adahanikwa nah humekwiye neras ku pariye taraksavye adahan ignesnewa wageswiyes gihiyekemnikis.

Markus 11:25

Ku aysaw yis piriyepkewne, bayahmninabay ku pariye hiyeg tarakse yikak. Ku yis bayahminigkis ariw gitaraksankis yikak, nikwe Wigwiy inurikyene ig hawata bayahminay ariw yitaraksan gikak.

Lúkas 17:12

Ig danuh ta avitit paha paytwempu. Ayge ig patiptak gikakkis madikawku gikebikis awaykemni ku pariye axpusakare avit busukne. Igkis tabirbet piyawakte aynesa.

Lúkas 22:41

Ayteke ig wewkiswe atakesa barew aviyukan. Ig paberetusaw ig piriyepkaw git Uhokri.

Lúkas 23:48

Hawata akiw madikte neras hiyepnevwi ku pariye pahadguvu ayge igkis hiyapni madikte hene, igkis biwhe gidukkis awaku giwakemnikis. Hene igkis tivik ta givinwatkis.

Lúkas 5:8

Ig Simawh Pedru hiyapni hene, ig tuguhkiswe mabuw givetunat Kiyavwiye Jesus. Ig awna git: — Ayguhwanaba nuwntak, Kiyavwiye, mmanawa nah patehwevye hiyeg. Nah yuma nukiytanisima pitivut.

Attus 2:37

Igkis hiyeg timapni hene, igkis kayahe gitaraksankis, igkis awna gitkis Pedru. Giwnkis: — Nukebyuvwi, mmah usuh keh kuri?

Romanus 5:8

Hiyaksa ig Cristo umahkiswe udahanwiy avim ini ku samah wixwiy taraksevye. Innebaki arakak ku ig Uhokri batek ukakwiy mpiynevevye.

2 Koríntyus 7:11

In huwewe ku yis marekevwe avigkutavrik ku samah Uhokri gimawkan. Mmanawa pahaye adahan yis kayehe yitaraksan, yis tukuhwebdih niw. Yis marekevwe akak yitaraksan. Yis ka taraksekere akiw. Yis batukewnene adahan wew wadit. Yis mpiksaw niharit. Yis hiyak kibehtenwa gikakkis neras aygnenevwi yibet ku pariye kane wewkere wadit. Yis waditebdihe yihawkan kabayntiwa avigkutavrik ku samah Uhokri gimawkan.

1 Timótyu 1:15

Timotyu, nah akkite pit pahat inetit ku pariye kane waditnevyenenma, ku pariye ik adahan madikte hiyeg kamaxwa nivitit. Inakni inetit gimin Cristo Jesus ku samah ig danuh atan amadgat inin adahan amnihpiye taraksavye kahadbe ignes isahptaw ariw gitaraksankis adahan igkis danuhnes git Kiyavwiye Uhokri. Nah pi taraksate giwkis madikte taraksavye.

Ebréws 4:16

Nikwe uyay kibokahwa danukwa git Kiyavwiye Uhokri takunipti. Uyay ka muwaka mara danukwa kennesa gihumwat ku kiney ig betnene amadga gevwi ig hiyapkisne gabay wotwiy. Ayge wixwiy uti amnihkanek. Ayge ig ikene wawaygiy ku aysaw wixwiy yuma udahanwiy wawaygiy.

Ebréws 8:12

Madikte ini kahayaknek awaku ku samah nah bayahminigkisnek ariw gitaraksankis. Mmanawa avim ini nah ka kiyeminati givathawnikis akiw. Henewatbaki in Uhokri gannasan awna.