Lúkas 18:12 - Uhokri Gahegbetawni Nukune akak Sawmus

¹² Kibeyne nah maxhaw pimavut abet mpuse paka adahan nah pikiyetni. Nah kakanhaw pit. Nah wiwh paha ariwntak mpuse madikawku newkanbet adahan nah kakanhaw pit.” Henewatbaki giwn ig awna.

Uhokri Gannasan

¹² Kibeyne nah maxhaw pimaput abet mpuse paka adahan nah pikiyetni. Nah keh ofan pidahan. Nah wiwh pahá ariwntak mpuse araytak madikawku newkanbet adahan nah kakanhaw pit.” Hennewatbaki giwn ig awna.

Lúkas 18:12 Iomraidhean Croise

Matews 5:20

Henewatbaki in. Amawka ku yis wew waditte giwkis neras farizewkis, giwkis neras kannuhekevutnevwi amin amekene Moís gikumadukan. Ku ka henema, yis ka kawihtinek Uhokri gikumadukan.

Matews 6:1

— Avuriwnabay ba yihiyekemni kibeynewatma. Araytak hiyeg keh kabayka ariwtrik hiyeg kahadbe igkis ikaka ku igkis kibeynevwi hiyeg. Amawka yis ka keh hene. Ku yis keh kabayka kahadbe hiyeg ikiyi ku yis kibeynevwi hiyeg, nikwe yis ka uti kabayka giwntak Wigwiy inurikyene.

Matews 6:16

— Ku aysaw yis maxhaw adahan yis gikiyetni Uhokri, ka yi muwaka maxhaw kema nerasma hiyapkisnevwi gabaykis. Igkis gibetkikis waywe bibapneme gihepkakkis. Igkis aseneweke gihepkakkis kahadbe hiyeg hiyak ku igkis maxhewnes kahadbekam igkis ikaka ku igkis kibeynevwi hiyeg. Ku igkis ikaka hene, amun ini igkis kuwis uti kabayka ay amadga inin. Yuma akiw gidahankis aynte inurik. Henewatbaki igkis.

Matews 6:5

— Hawata akiw ku aysaw pis piriyepkaw, ka ba piriyepkaw kema nerasma hiyapkisnevwi gabaykis. Igkis batek piriyepkaw ariku leglis, hawata wade atusik ahin kahadbe igkis hiyapka gavitkis hiyeg, igkis ikaka ku igkis kibeynevwi hiyeg. Ku igkis ikaka hene, amun ini nikwe igkis kuwis uti kabayka ay amadga inin. Yuma akiw gidahankis aynte inurik. Henewatbaki igkis.

Matews 9:14

Ayteke Joawh Batista gikannuhnivwi igkis danuh atere git Kiyavwiye Jesus. Igkis awna git: — Kiyavwiye, usuh maxhaw adahan kiyene Uhokri. Kiberevut usuh maxhaw adahan usuh piriyepkewne. Igkisme farizewkis hawata akiw igkis maxhaw hene. Pisme pikannuhnivwi ka maxhaw. Mmahki igkis ka maxhaw hene? Mmahki igkis ka kiyatha Kiyavwiye Uhokri kema nerasma?

Lúkas 11:42

— Akayih. Aysawnemenek yis farisewviyene yis hiyap mbeyne ka aynsimanek. Yis kakanhaw git Uhokri ariwntak madikte yamutra he madikte nopsanyuvwinene yamutrebdi. Yis wiwh pahakti ariwntak gaytakkis mpuse madikawku adahan yis kakanhewne git Uhokri. Heneme yis ka keh wadit gikakkis yiyakivwi hiyeg. Yis yumahwa Uhokri gamnihra ay abet yihiyekemni. In kabay yis kakanhaw git Uhokri, heneme kiskama yis wew akak inakni gihiyekemni madikte.

Lúkas 17:10

Yis hawata ku aysaw yis keh madikte ku pariye Uhokri aya yit, amawka yis awna: “Usuh ka ariknawnema. Usuh he ibuktinen. Usuh he kehnenenwa ku pariye muwakapka adahan usuh keh.”

Romanus 3:27

Ka udahanwiyma ukehbetanwiyma kabayka keh Uhokri hiyavwiy kewa kibeynevwibe giwtrik. Innewa ukamaxwanwiy givitit gikamkayh keh wixwiy kewa kibeynevwibe giwtrik. Nikwe ka hiya wixwiyma keh uwantiwiy ukakwiyma aynesnima.

1 Koríntyus 1:29

Nikwe yuma pahavwinema hiyeg amadgaya inin hiya igma ikawvari hiyakemniye giwtrik Uhokri.

Gálatas 1:14

Avim ini nah aharitpiye ininewa judeyenevwi gihiyekemnikis. Nah iwte gihiyekemnikis giwkis ka aynsima nukebyuvwi judeyenevwi ku pariye nukekwenevwi. Mmanawa nah mpiksaw ka aynsima adahan nah kehne ku samah amekenegben gihiyekemnikis.

Efésyus 2:9

Kawki ukehbetanwiyma kabayka keh wixwiy danuh git Kiyavwiye Uhokri. Nikwe ka ik adahan wixwiy ikaw ku wixwiy kibeyne wowntekneyma.

1 Timótyu 4:8

In kabay aynesa adahan wis ikene uvit adatni, heneme in ka aynsima kabayte akiw adahan wis ikene uhiyekemni adatni akak Uhokri gihiyekemni. In kabay ka aynsima. Mmanawa gihiyekemni keh wis aymuhwa kabayntiwa ay amadga inin hawata aynte inurik.