Lúkas 18:1 - Uhokri Gahegbetawni Nukune akak Sawmus

¹ Ayteke ig Kiyavwiye Jesus awna gitkis pahat iwit patuwesbuhka adahan ig ikene gawaygikis adahan igkis piriyepkaw takunipti, adahan igkis ka miniw ariw giviryepkawnikis. Ig awna:

Uhokri Gannasan

¹ Ayteke ig Kiyapwiye Jesus awna gitkis pahat yuwit patuwesbuhka adahan ig ikene gawaygyikis adahan igkis piriyepkaw takunipti, adahan igkis ka miniw ariw gipigyepkawnikis. Ig awna:

Lúkas 18:1 Iomraidhean Croise

Sawmus 102:17

Avim ini hawkri ig timapnek gihiyegavu tukuhkare gamnihswankis hawata ig timapnek giviryepkawnikis.

Sawmus 27:13

Ka sam. Nah hiyak ku nah dahwanek adahan nah hiyepne Kiyavwiye Uhokri gabay gikakkis gihiyegavu amadgaya inin.

Sawmus 65:2

mmanawa pisnewa kaytwa piriyepkawka. Madikte hiyegviyenevwi aytanek pimkanit adahan amnihswene pit.

Sawmus 86:3

Pis nuwohkiga. Uya amnihun, Kiyavwiye, mmanawa nah priyepkaw ta pit mataytak!

Lúkas 11:10

Mmanawa ku wis aya kabayka git, ikaka wotnek. Ku wis ivegvene ku pariye umawkan git, wis utipninek. Ku wis awna git, ig kaytwa wownek.

Lúkas 21:36

Amawka yis avuriwnenekwa avanenekwa, yis ayepnenekwa yawaygi ta git Uhokri adahan yis ka matakasaw arit madikte ini mbayka ku pariye nehmnikuhpiye. Amawka yis ayepnenekwa yawaygi adahan yis yidukwenewa tabirnene amadga hawkri he ku aysaw nuhawkanavrik danuh nah ku pariye wageswe awayg amadgaya inin.

Romanus 12:12

Bateknay yinaktin adahan ini kabayka ku pariye nehmnikuhpiye. Kiyaknihwanabay abet ini mbeyne. Piriyepkawnay avanenekwa.

2 Koríntyus 4:1

Usuh hiyapni hene, usuh ka miniw ariw ini annivwit ku pariye ig Uhokri ike wotuh he wamnihkanen adahan usuhme ekkene inakni ginetni gitkis hiyeg.

Gálatas 6:9

Uyay ka muwaka ehwa adahan wixwiy keh kabayka. Ku wixwiy ka ehwa nikak, aysawnemenek wixwiy uti ka aynsima kabaykanek.

Efésyus 6:18

Suguhnig akak yiviryepkawni takunipti mataytak. Ayapnay git Kiyavwiye Uhokri adahan ig ikene yawaygi. Avanenekwa isaksanay Kiyavwiye Uhokri Gitip huwitha yiviryepkawni. Misakwanay avuriw adahan yis piriyepkaw avanenekwa. Ka yi muwaka matiswa yiviryepkawni. Misakwanay piriyepkewnenekwa gidahankis madikte Kiyavwiye Uhokri gihiyegavu.

Filipénses 4:6

Ka yi muwaka kiyimwihwa akak ariknawnema. Piriyepkawnabay adahan madikte. Ayapnay git Kiyavwiye Uhokri madikte ku pariye yimawkanitnene. Kabayhanigbay abetimpi ini yiviryepkawni.

Kolosénses 4:12

Ig kiyavwiye Epafras hawata awahkis kabayka yimin. Ig hawata kabivwiye kannivwiye gidahan Cristo Jesus. Ig hawata yaytak. Ig piriyepkewnene yidahan avanenekwa akak madikte giwakemni. Ig piriyepkaw adahan yis kamaxwa givitit Kiyavwiye Uhokri kabayntiwa. Adahan yis kamax madikte ku pariye Kiyavwiye Uhokri ikiswanaw yidahan. Adahan yis avigkutavrik ku samah Kiyavwiye Uhokri gimawkan.

Kolosénses 4:2

Nukebyuvwi, nah aya yit, ikatuswanay avanenekwa arit piriyepkawka. Ka yi muwaka ehwa nikak. Kabayhanabay Kiyavwiye Uhokri abet ini yiviryepkawni.

1 Tesalonisenses 5:17

Piriyepkawnabay avanenekwa.