Lúkas 17:3 - Uhokri Gahegbetawni Nukune akak Sawmus

³ — Avuriwnabay ku samah yihiyekemni. Ku pikebyi tarakse pikak, amawka pis akka gitaraksan git. Ku ig awna: “Henewa nah tarakse”, ku ig wagese gihiyekemni, uya bayahminig ariw ini gitaraksan.

Uhokri Gannasan

³ ―Apuriwnabay ku samah yihiyakemni. Ku pikebyi tarakse pikak, amawka pis akka gitaraksan git. Ku ig awna: “Hennewa nah tarakse,” ku ig wages gihiyakemni, uyá bayahminig ariw ini gitaraksan.

Lúkas 17:3 Iomraidhean Croise

Sawmus 141:5

Ku pahavwi hiyeg waditye ayta himahun akak tuwatka, ka sam; nah amavin. heneme nah ka amavati mbayavye adahan igkis keh giwantikis nukakuh. Nah nudukwenewa piriyepkawnek gidahankis adahan igkis uti mbeyne.

Matews 18:21

Ayteke ig Pedru danukwa atere git Kiyavwiye Jesus. Ig ayavgi: — Kiyavwiye, aysawvut amawka nah bayahmina nukebyi ariw gitaraksan nukakuh? Ba ntewnehkervut?

Lúkas 21:34

— Misakwanabay ahegbet avanenekwa avit ini hawkri danuh. Ka yi muwaka ikatuswa arit amadgaya inin. Ka yi muwaka ikatuswa arit fet arit uwkihwaki. Nawenetke pahaye adahan in hawkri danuh yis ka iknima.

Efésyus 5:15

Avuriwnabay yihiyekemni ba in kabayntiwatma. Ka yi muwaka wew akak hiyakemniki puwvuki. Heneme wewnay akak kibeyne hiyakemniki.

Ebréws 12:15

Avuriwaknabay pawtak kahadbe yuma pahavwinema yaytak tuguhkisne gabay Kiyavwiye Uhokri. Avuriwnabay kahadbe yuma kanaktinka humaw ayge yibet. Ku yis kanaktinbet, in keh yis kayah ke wotbe manegusbe hiyan ayge yibet. In keh ka aynsima hiyeg kiyimare.

Tiyagu 5:19

Nukebyuvwi, ku pahavwi yaytak tarakse Kiyavwiye Uhokri giwn ku pariye inyewatnene, heneme ku pahavwi ayavig adahan ig diyuh gimkat Kiyavwiye Uhokri akiw,

2 João 1:8

Avuriwnabay kahadbe yis ka kinikiswa git yis ka biyuksa inakni hiyakemniki ku pariye usuh kuwis ekke yit akak madikte wawaygi. Numawkan yis darih madikte ini kabayka ku kaharitne yis.