Lúkas 17:2 - Uhokri Gahegbetawni Nukune akak Sawmus

² Ku ig taraksase pahavwi bakimni nopsesniye, ig utinek mbayka pi mbayte akiw giw pahavwi ku pariye wanekwika gibitamna akak pohow tip nopsadnano adahan givedkepka parahwokwate.

Uhokri Gannasan

² Ku ig taraksase pahapwi bakimni nopsesniye, ig utinek mbayka pi mbayte akiw giw pahapwi ku pariye wanekwika gibitamna akak pahow tip nopsadnano adahan ig padekwika parawhokwate.

Lúkas 17:2 Iomraidhean Croise

Matews 17:27

Heneme ka sam. Uya ka suguh neras ahiwkevutnevwi karukri. Ku wis ka katiwnih Givin, gitkis wis ka kiyatin. Ataknaba ta ihapkat. Padaknaba pivuh ahakwat un. Pitatye im pis ivuha, pis woka gibiy. Ayge pis utinek pahamku kirehka. Akak nore pis katiwnih udahan piyamate.

Matews 18:10

— Avuriwnabay ku samah yihiyekemni. Ka yi muwaka ikaw kabaytema giw pahavwinema bakimni. Aynte inurik ahj gidahankis avanenekwa tabirbet ay givetun Wigwiy inurikyene adahan igkis ekkenes git neras ku pariye kane kiyatha gavuriwnikis bakimnayh. Henewatbaki igkis.

Matews 18:14

Ig Wigwiy inurikyene hawata ig ka hiyepkere pahavwinema bakimni biyuk.

Matews 26:24

Nah, ku pariye wageswe awayg amadgaya inin, nah umahkiswenek ku samah Uhokri gannasan kinetihwa numinuh. Amawka ku nah miya, heneme ner ku pariye nuwmasepten nah, ku pariye wageswe awayg amadgaya inin, igi hiyap mbeynenek ka aynsima nuvatra! Ka kiskama ner awayg humaw amadga wayk.

Markus 9:42

— Hawata akiw ku pahavwi taraksase pahavwi bakimni nopsesniye ku pariye kamaxwene nuvitit, igi katiwnihninek. Ig utinek mbayka pi mbayte akiw giw pahavwi ku pariye wanekwika gibitamna akak pohow tip nopsadnano adahan ig padekwika parahwokwate. Henewatbaki in.

Joawh 21:15

Pisenwa waxni ig Kiyavwiye Jesus kinetihwa gikak Simawh Pedru. Ig ayavgi: — Simawh, pis ku pariye kiyavwiye Joawh gikamkayh, ba pis batek nukakuh mpiy madikte amadga inin? Igme Pedru kaytwa giwn: — Ihi, Kiyavwiye. Pis hiyakni ku nah batek pikak. Igme awna git: — Ikapnaba nudahan nuvigyanvu muwtohviyene. Akkanaba nuwnuh gitkis nuhiyegavu ku pariye kotenene pukuhpate nuhiyekemni kabayntiwatma.

1 Koríntyus 9:15

Ik adahan nah ax yiduhyamadga, heneme nah kote kehte hene. Nah ka awna inakni hene adahan kuri nah kavusa ax yiduhyamadga. Nutuh kabayte nah miyap mpinekata nah kehni hene. Wake nah ax yiduhyamadgabe, nikwekam ka hiya nahma awna gitkis hiyeg ku nah ekkene Uhokri ginetni yuma atiwni. Ayge nikwe gitkiskam nah ekkene Uhokri ginetni awaku nah aharitne karukri.

1 Koríntyus 9:22

Hawata akiw ku aysaw nah ay gibetkis Jesus gihiyegavu ku pariye kotene hiyakte hiyakemniki, nah ikaw kewa igkisbe kahadbe igkis amava nuwnuh. Nah keh ku pariye kabay gitkis madikte hiyeg. Nah keh madikte kahadbe nah hiyap ba nah wages gaytakkis hiyeg gidahan Uhokri kahadbe ignes amnihka gavit.