Lúkas 16:8 - Uhokri Gahegbetawni Nukune akak Sawmus

⁸ Ig ner awayg awna inakni hene, ig ka keh wadit. Heneme ig kannuh avuriw givit adahan ku pariye nehmnikuhpiye gimkat. Hiyeg amadgayavu inin igkis pi kannuhte avuriw givitkis adahan ku pariye nehmnikuhpiye gimkatkis mpiya nuhiyegavu kabutennevwi. Igkis kannuh avuriw givitkis adahan ku pariye nehmnikuhpiye gimkatkis amadga inin. Igkisme nuhiyegavu kabutennevwi igkis ka kannuh kabayntiwatma adahan ku samah igkis avuriw givitkis adahan ku pariye nehmnikuhpiye gimkatkis aynte inurik.

Uhokri Gannasan

⁸ Ig ner awayg awna inakni henne, ig ka keh wadit. Henneme ig kannuh apuriw gipit adahan ku pariye nemnikumpiye gimkat. Hiyeg amadgayapu inin igkis pi kannuhte apuriw gipitkis adahan ku pariye nemnikumpiye gimkatkis mpiya nuhiyegapu ku pariye ay adahanikwa uguhne gihiyakemnikis. Igkis kannuh apuriw gipitkis adahan ku pariye nemnikumpiye gimkatkis amadga inin. Igkisme nuhiyegapu igkis ka kannuh kabayhtiwatma adahan ku samah igkis apuriw gipitkis adahan ku pariye nemnikumpiye gimkatkis ayhté inugik.

Lúkas 16:8 Iomraidhean Croise

Sawmus 17:14

Kiyavwiye, akak ini pidatni uya keh nah isahptaw giwkis; henewa, keh nah isahptaw giwkis neras amadgayavu inin ku pariye kuwis kadahan madikte kabayka ku pariye gimawkankis. Katiwnisa gitkis akak ini mbeyne ku pariye pis bayehe gidahankis. Hawata katiwnisa gikamkaykis gitaraksankis gitkis, hawata gihiwhivwikis gitaraksankis akiw.

Matews 12:32

Ku pahavwi ka kiyathan nah ku pariye wageswe awayg amadgaya inin, ka sam. Nawenetke kuwewanek ig Uhokri Gitip dax avit giyakni adahan ig kiyathan. Ayge nikwe ig Uhokri bayahminig ariw ini gitaraksan ku samah pitatye ig ka kiyathan. Heneme ku pahavwi ka kiyatha Uhokri Gitip, nikwe ka ik adahan ig Gitip dax avit giyakni adahan ig wagese gihiyekemni. Ayge nikwe kawnata ik adahan ig Uhokri bayahminig ariw ini gitaraksan. Ine ku avim inin, ine aysawnemenek akiw. Ini gitaraksan nidukwenewa.

Matews 17:26

Igme Pedru kaytwa giwn: — Ig aya gitkis nawenevwinen. Igme Kiyavwiye Jesus awna: — Nikwe Uhokri gikamkayh ka muwaka katiwnih adahan parak givinekut Gig. Nahnewa Uhokri gikamkayh. Ka kis adahan nah katiwnihni.

Lúkas 16:10

Ku pahavwi kannuh kawih aynesa arikna kabayntiwa gidahan Uhokri, nikwe ig hawata kannuh kawih ka aynsima arikna kabayntiwa gidahan Uhokri. Ku pahavwi ka kawih aynesa arikna wadit gidahan, ig kawnata hiyak akawhak arikna kiyestenene.

Lúkas 16:4

Aah, nah hiyak ku samah nah keh. Nah kawihte nukivara gewkanbet ku pariye ay nuwakuh kahadbe ku aysaw nah ivukepkanek nah kakagmada ku pariye amavan givinekutkis.”

Lúkas 16:7

Ayteke ig awna ta git pahavwi akiw. Giwn: “Ya pis? Aysamuk pis matiwnih?” Igme kaytwa giwn: “Nah matiwnih madikawkuvut madikawku madikwa (1.000) sak fahhin.” Igme awna git: “Nobaki pikagtan adahan pimatiwnihni. Hiyawa pis tamak nawenyewa kagta akiw adahan pimatiwnihni ininewa ntewnehkervut madikwa akak madikawku madikwa (800) sak.”

Lúkas 18:6

Ayteke ig Kiyavwiye Jesus awna gitkis gikannuhnivwi: — Timapnay ku samah ner hiyaptigi ku pariye kane kibeynema ig ihe guwn nor ku pariye amnihswano git takunipti.

Lúkas 20:34

Igme Kiyavwiye Jesus kaytwa giwnkis: — Hiyeg amedgenevwi inin ignes maripkaw.

Lúkas 20:35

Nerasme ku pariye ik adahan igkis kannikaw ariw gimiremnikis adahan igkis misakwa aynte inurik, igkis ka maripkaw akiw ayge.

Joawh 12:36

Ku samah nubutni aynete yibet, kamaxwanabay nivitit kahadbe yihiyekemni ke wotbe in kabutennebe. Pisenwa gawnan inakni ig ayguhwe giwkis.

1 Koríntyus 3:18

Ka ba yi kinis yivit. Ku pahavwi yaytak ikawvari hiyakemniye akak hiyakemniki amadgaya inin, amawka ku ig sarayhe ini gihiyekemni hanpa, ig ikaw ke pahavwi pupyebe, kahadbe ig humaw inyewa hiyakemniye.

Efésyus 5:8

Amawka wixwiy ka amava patahwaki abetit uhiyekemniwiy mmanawa kabutniki ka amava amisnavye nibetit. Minikwak wixwiy ke wotbe uhiyekemniwiy ay abet amisnavyenen. Kurime in ke wotbe uhiyekemniwiy ay abet kabutnikibe awaku ku samah wixwiy pahavwiwa gikak Ukivarawiy. Nikwe wewnay akak kibeyne hiyakemniki akak yihiyekemni ke wotbe kabutennebe.

Filipénses 3:19

Igkis kuwis kiduhe hanpa arimkanit biyukwiki. Igkis isaksaw arit gimirihwankis amadgaya inin. Innewa humaw giwohkigakis. Igkis ka mara akak gitaraksankis. Igkis pi kehpiva giwantikis akak gitaraksankis. Igkis ivegminenekwa gihiyekemnikis amin arikna amadgaya inin.

1 Tesalonisenses 5:5

Mmanawa yis madikte gidahan Kiyavwiye Uhokri. Yihiyekemni ke wotbe in kabutennebe, ke puwivwakbe. Yihiyekemni ka abetma amisnavye, in ka misanapnema kema tiyegemma adahan yis ka hiyak ku pariye hiyakemniki inyewatnene.

1 Pedru 2:9

Wixwiyme ka henema, nukebyuvwi. Wixwiynewa Uhokri gikanyanvu. Wixwiynewa Kiyavwiye Uhokri gimuwvegavu adahan wixwiy danukwa git Kiyavwiye Uhokri takunipti adahan kehne gibetki. Wixwiynewa gihiyegavu barewvityevwi, gihiyegavu gidahannen Kiyavwiye Uhokri. Wixwiy kaniyka adahanikwa hiyapkisne gabay ner ku pariye humekwewiy abetitak amisnavye tahan abetit gibutni kane abewisima.

1 João 3:10

Ka mahikonema adahan wis hiyak pahavwi hiyeg ba ig Uhokriyanwatma, ba kawk, ba ig wavityeyanma. Ku pahavwi ka keh kabayka, igi ka Uhokriyanma. Hawata akiw ku pahavwi ka batek gikak pahavwi, igi kawnata Uhokriyanma.