Lúkas 16:3 - Uhokri Gahegbetawni Nukune akak Sawmus

³ Igme ner awayg timapni hene, ig awna ginaktin: “Mmah nah keh kuri? Nukivara ka muwakavun akiw adahan nah kannivwi gidahan. Kitak nah uti naxninek? Nah yuma nudatni adahan nah kannivwiye awiyka. Nah marenpi makahpaw awptihan.

Uhokri Gannasan

³ Igme ner awayg timapni henne, ig awna: “Mmah nah keh kuri? Nukipara ka muwakapun akiw adahan nah kannipwiye gidahan. Kitak nah utí numana? Nah yuma ndatni adahan nah kannipwiye awiyka. Nah marenpi adahan nah makehpene numana.

Lúkas 16:3 Iomraidhean Croise

Matews 20:8

Ayteke ariwnteke ini aygete kuwis, ig was akivara awna ta git akavriwten karukri. Giwn: “Watihanaba madikte nuhiyegavu. Katiwnihnigkis. Katiwnihnaba igkiskit neras ku pariye parak buttitnene abet annivwit he pis danuh ta gitkis neras ku pariye pitatyevwi parak.”

Markus 10:46

Ayteke ig Kiyavwiye Jesus gikakkis gikannuhnivwi igkis danuh ta avitit paytwempu Jerikó. Igkis mpiye niyegbiw. Ku samah igkis peswiye avititak ini paytwempu, ka aynsima hiyeg makeke gihavukis butte. Avimnewa ini pahavwi motviye bat ayge ahinmu. Giw Bartimew. Ig amekene Timew gikamkayh. Ig makehpene karukri gitkis hiyeg.

Lúkas 12:17

Ig hiyapni hene, ig ivegminene gihiyekemni ig awna: “Mmahpa nah keh kuri? Nah yuma iwetrit adahan bayehne nahakavu ariw.”

Lúkas 16:2

Ig gikivara timapni hene, ig watihe ner gihiyega. Igme gihiyega danuh atere, igme gikivara awna git: “Mmahki nah timap mbeyevye pak hene? Asa tamak amadga kagta madikte ku pariye piwiwhni, nah muwka madikte ayvekuye amadga kagta. Ayteke pis tivik. Ka hiya pisma avuriw newkanbet akiw.”

Lúkas 16:20

Hawata akiw pahavwi awayg ayge madiptivye. Giw Lazaru. Ig busukvitwiye. Mpuse hawkri ig haritasaka avinumavrik ner igisye gilapota.

Lúkas 16:22

Ayteke ariwnteke ini ig madiptivye miyap. Ahj ayta iwevgi waxwevgi ta giwanmakut kiyavwiye Abraawh. Ayteke ner igisye ig hawata ig miyap ig avuhpika.

Lúkas 16:4

Aah, nah hiyak ku samah nah keh. Nah kawihte nukivara gewkanbet ku pariye ay nuwakuh kahadbe ku aysaw nah ivukepkanek nah kakagmada ku pariye amavan givinekutkis.”

Lúkas 18:4

Pitatye ig ka amnihgu. Heneme amaksemni ig awna ginaktin: “Henewa nah ka kiyata ariknawnema, ine hiyeg ine Uhokri.

Joawh 9:8

Ig tivikwiye, ayge gihumwayevwi gikakkis neras ku pariye gihivetnivwi ku ig motviye igkis hiyavgi atere. Igkis awna: — Ka ba nernema betnene ahinmu ku pariye gibetki amnihswa gitkis hiyeg?

Attus 3:2

Ayge pahavwi awayg dathuvye. Ig dathuvye ku samah ig amadgate wayk. Mpuse hawkri ig waxwaka anumekut pahayku lapot aynte Kiyavwiye Uhokri Givinwa. In lapot kewye “Lapot Barewye”. Ayge ig amnihswene gitkis hiyeg ku pariye parekwiyes Kiyavwiye Uhokri Givinekut. Ig makehpene karukri gitkis.

Attus 9:6

Kannikaw kuri. Su tivik avitite paytwempu. Ayge akkaka pitnek adahan ku pariye Kiyavwiye Uhokri gimawkan pit.

2 Tesalonisenses 3:11

Usuh awna inakni kuri mmanawa usuh time yak ku yaytak he mabivwihwenen ayge. Igkis ka kannivwikere adahan givitkis. Igkis he matekbetenenwa nawenyevwi hiyeg gihawkankis.